རང་སྐྱོང་ལྗོངས་གནམ་གཤིས་ཅུས་ཀྱིས་བསྟན་དོན་གཟའ་འཁོར་འདིར་རང་ལྗོངས་ཀྱི་ས་ཆ་ཁག་གཅིག་ལ་གངས་མ་ཆར་ཡང་ཡང་འབབ་རྒྱུ་རེད།
ཟླ་2ཚེས་18ཉིན་གསར་འགོད་པར་རང་སྐྱོང་ལྗོངས་གནམ་གཤིས་ཅུས་ནས་ཤེས་རྟོགས་བྱུང་བར། མ་འོངས་ཀྱི་གཟའ་འཁོར་འདིའི་ནང(ཟླ་2ཚེས་19ནས་25ཉིན་བར)རང་ལྗོངས་ཀྱི་ས་ཆ་ཁག་གཅིག་ལ་ཆར་པ་ཡང་ཡང་འབབ་རྒྱུ་དང་དྲོད་ཚད་ལ་འཕར་ཆག་ཡང་ཡང་ཡོང་རྒྱུ་དང་། ཉིང་ཁྲི་དང་། ནག་ཆུའི་ཤར་རྒྱུད། ཆབ་མདོའི་བྱང་རྒྱུད་བཅས་སུ་གཟའ་འཁོར་འདིའི་ནང་ཆར་པ་མང་པོ་འབབ་རྒྱུ། གཞིས་རྩེའི་ལྷོ་རྒྱུད་དང་། ལྷོ་ཁའི་ལྷོ་རྒྱུད། ཉིང་ཁྲི་བཅས་ཀྱི་གཟའ་འཁོར་འདིའི་ཆ་སྙོམས་དྲོད་ཚད་ཅུང་དམའ་པོ་ཡོད་པ་རེད།