2021ལོའི་ཟླ་བདུན་པར་བོད་ལྗོངས་སྤོ་བོ་རྫོང་དེ་ཉིད་ཀྲུང་དབྱང་རྩ་འཛུགས་པུའུ་དང་རྒྱལ་ཁབ་འཕྲོད་བསྟེན་བདེ་ཐང་ཨུ་ལྷན་གྱིས་བོད་རང་སྐྱོང་ལྗོངས་ཀྱི་སྨན་བཅོས་ཤེས་ལྡན་པའི་ཚོགས་སྒྲིག་རྣམ་པའི་བོད་སྐྱོར་གྱི་ཚོད་ལྟའི་རྫོང་ལ་གཏན་འཁེལ་བྱས་པ་ནས་བཟུང་། ཀོང་ཀྲོའུ་ནས་ཡིན་པའི་ཁག་གསུམ་གྱི་བོད་སྐྱོར་རུ་མི་22ཀྱིས་རྒྱུན་མཐུད་སྨན་བཅོས་རོགས་སྐྱོབ་བྱས་ནས་སྤོ་བོ་རྫོང་གི་སྨན་བཅོས་ཁྱབ་ཁོངས་ལས་དོན་གྱི་སྤྱི་ཡོངས་ཀྱི་ཆུ་ཚད་ཕྱོགས་ཡོངས་ནས་མཐོ་རུ་འགྲོ་བར་རམ་འདེགས་བྱས་ཏེ། གངས་ལྗོངས་ས་མཐོར་ཆུ་ཚད་མཐོ་བའི་སྨན་བཅོས་དཔུང་ཁག་གཅིག་བཏོད་པ་དང་། ནུས་པ་ཆེ་བའི་སྨན་བཅོས་སྒྲིག་གཞི་ཞིག་སྐྱོང་བར་རྨང་གཞི་བརྟན་པོ་བཏིང་ནས་སྤོ་བོ་རྫོང་གི་མི་རིགས་ཁག་གི་མང་ཚོགས་ཀྱི་བདེ་ཐང་ལ་སྲུང་སྐྱོང་ཧུར་ཐག་བྱེད་ཀྱི་ཡོད།

སྨན་བཅོས་རོགས་སྐྱོར་བྱས་པ་ནས་བཟུང་། ཀོང་ཀྲོའུ་གྲོང་ཁྱེར་གྱི་སྨན་བཅོས་ཤེས་ལྡན་པའི་ཚོགས་སྒྲིག་རྣམ་པའི་བོད་སྐྱོར་ལས་དོན་རུ་ཁག་གིས་ཞབས་འདེགས་ཞུ་བའི་འདུ་ཤེས་ཟབ་ཏུ་གཏོང་བ་དང་གཉེར་སྐྱོང་དོ་དམ་ཚད་ལྡན་དུ་བཏང་ནས། ཚོགས་སྒྲིག་གི་གཞུང་ལས་ཁང་དང་གཟུགས་པོ་བརྟག་དཔྱད་ཁང་སོགས་ཀྱི་ཚན་ཁག་སྔ་རྗེས་སུ་བཙུགས་ཏེ་ཚན་ཁག་གི་འགན་འཁུར་བ་དང་དེའི་ཁག་བགོས་འགན་འཁྲིར་ལེགས་སྒྲིག་བྱས་པ་དང་། སྨན་ཁང་གི་སྲིད་འཛིན་རྒྱབ་ཕྱོགས་མཁོ་སྒྲུབ་དང་ནོར་དོན་སོགས་ཀྱི་དོ་དམ་ལམ་ལུགས་ཀྱི་ལས་དོན་གྱི་གོ་རིམ་50ཙམ་འཐུས་སྒོ་ཚང་དུ་བཏང་ཡོད།

དགེ་རྒན་གྱིས་དགེ་ཕྲུག་ཁྲིད་སྟངས་འཚོལ་ཞིབ་བྱས་ནས། ལག་རྩལ་སློབ་པ་དང་ཤེས་ལྡན་པ་གསོ་སྐྱོང་བྱས་ཏེ་ཁག་གསུམ་གྱི་བོད་སྐྱོར་སྨན་བཅོས་རུ་མིས་སྨན་ཁང་གི་སྨན་དོན་མི་སྣ་36དབར་དགེ་རྒན་དང་དགེ་ཕྲུག་གི་འབྲེལ་བ་བཙུགས་པ་དང་། ས་གནས་དེ་གའི་སྨན་བཅོས་རྐང་འཛིན་པ་20ཀོང་ཀྲོའུ་རུ་ཟབ་སྦྱོང་ལ་མངགས་པ། ས་གནས་དེ་རང་གི་སྨན་པ་མང་པོས་ཁེར་རྐྱང་དུ་ཕོ་ཤེལ་གྱི་བརྟག་དཔྱད་དང་གསུས་ཤེལ་སྤྱད་དེ་རྒྱུ་ལྷག་གཤགས་བཅོས་སོགས་ཐུབ་ཀྱི་ཡོད། སྨན་ཁང་རིམ་པའི་སྨན་དོན་པ་ཡོངས་ཀྱི་གསོ་སྦྱོང་དང་ཆེད་དོན་གསོ་སྦྱོང་ཐེངས་100ལྷག་ཙམ་བྱས་པ་དང་། གཤགས་བཅོས་དཔེ་སྟོན་སློབ་ཁྲིད་ཐེངས་300ལྷག་ཙམ་བྱས་པ། མྱུར་སྐྱོབ་འདུ་ཤེས་དང་རྩལ་ནུས་དཔྱད་ཞིབ་ཀྱི་སྤྱི་ཡོངས་ཚད་གཞི་ལོན་ཚན་90%ཡན་ཟིན་པ་བཅས་བྱུང་བས་སྤོ་བོ་རྫོང་གི་སྨན་དོན་པའི་སྤྱི་ཡོངས་ཀྱི་བྱང་ཚད་མཐོ་རུ་ནུས་ལྡན་ཕྱིན་ཡོད། མིག་སྔའི་བར་ལག་རྩལ་གསར་པ་དང་རྣམ་གྲངས་གསར་པ་50ལྷག་ཙམ་ཁྱབ་གདལ་བཏང་བ་དང་། རང་སྐྱོང་ལྗོངས་རང་བྱུང་ཚན་རིག་ཐེབས་རྩའི་རྣམ་གྲངས་14རེ་ཞུ་དང་། རྣམ་གྲངས་2བཙུགས་པ། ས་གནས་དེ་གའི་སྨན་དོན་པར་མཛུབ་ཁྲིད་བྱས་ནས་དཔྱད་རྩོམ་2སྤེལ་ཡོད།

སྤོ་བོ་རྫོང་མི་དམངས་སྨན་ཁང་གིས་སྔ་རྗེས་སུ་ཀོང་ཀྲོའུ་གྲོང་ཁྱེར་གྱི་གྲོང་ཁྱེར་ཁོངས་གཏོགས་ཀྱི་སྨན་ཁང་5དང་སྨན་ཁང་གིས་ཚན་ཁག་འགན་གཙང་ལེན་པའི་གྲོས་མཐུན་ཡི་གེ་བཞག་ནས། ཁོག་ནད་ཚན་ཁག་དང་སྦྲིད་སྨན་ཚན་ཁག་སོགས་ཚན་ཁག་8“སྨན་ཁང་གིས་ཚན་ཁག་འགན་གཙང་ལེན་པའི”ཁ་ཕྱོགས་ས་གཙོ་བོར་གཏན་འཁེལ་བྱས་པ་དང་། བྲང་གཟེར་ལྟེ་གནས་སོགས་ལྟེ་གནས་ལྔ་འཛུགས་སྐྲུན་ལ་སྐུལ་འདེད་བཏང་བ་མ་ཟད། སྤོ་བོ་རྫོང་རྨ་ཆུང་གཤགས་བཅོས་ལྟེ་གནས་ཀྱི་སྒོ་བྱང་ཡང་བཀལ་ཡོད། མིག་སྔའི་བར་བུད་མེད་དང་བྱིས་པའི་ཚན་ཁག་གི་རྨ་ཆུང་གཤགས་བཅོས་དང་། མངལ་ཤེལ་གཤགས་བཅོས། གསུས་ཤེལ་གཤགས་བཅོས་བཅས་རིགས་10ལྷག་ཙམ་བྱས་ཡོད། དེའི་ནང་གསུས་ཤེལ་གཤགས་བཅོས་དང་མངལ་ཤེལ་གཤགས་བཅོས་ཐེངས་50བྱས་པ་དང་རིམ་པ་གསུམ་པའི་གཤགས་བཅོས་ཀྱིས་60%ཡན་ཟིན་ཡོད།

ཀོང་ཀྲོའུ་དང་སྤོ་བོ་རྫོང་ཁྱིམ་ཚང་གཅིག་ལྟར་བརྩེ་བའི་བདེ་ཐང་འོད་ཟེར་བྱ་སྤྱོད་ཀྱི་བྱེད་སྒོ་སྤེལ་ནས། སྐྱ་གྲིབ་ཕོག་མཁན་232ལ་གྲལ་བཤེར་བྱས་ཏེ་གཤགས་བཅོས་ཐེངས་210བྱས་ཡོད། དམིགས་བསལ་གྱི་ལྷན་སྐྱེས་སྐྱ་གྲིབ་ཕོག་པའི་སློབ་མར་གཟུགས་པོ་ཡོངས་ལ་སྦྲིད་སྨན་རྒྱག་པའི་གཤགས་བཅོས་ཐོག་མར་བྱས་པ་མ་ཟད། མིག་ནད་ཚན་ཁག་གི་གཤགས་བཅོས་ཀྱི་ཕྲ་མཐོང་ཆེ་ཤེལ་དང་རེག་ཐུག་མེད་པའི་མིག་བཤེར་སོགས་ཀྱི་སྒྲིག་ཆས་ནང་འདྲེན་བྱས་ཏེ། སྤོ་བོ་རྫོང་གི་སློབ་ཆུང་དྲུག་གི་སློབ་མ་2000ལྷག་ཙམ་གྱི་མིག་ཤེད་ལ་གྲལ་བཤེར་བྱས་ཡོད། སྤོ་བོ་རྫོང་གི་སྨན་བཅོས་མྱུར་སྐྱོབ་མ་ལག་དང་རྒྱང་ཁྲིད་ལྷན་འཛོམས་ནད་དཔྱད་ཀྱི་ལས་སྟེགས་འཛུགས་པ་དང་འཐུས་སྒོ་ཚང་དུ་བཏང་སྟེ། 2023ལོ་ཧྲིལ་པོར་ཡུལ་སྐོར་བ་ཁྲི་200ལྷག་ཙམ་དང་དེ་བཞིན་ཁྲོན་བོད་ལྕགས་ལམ་གྱི་གཙོ་གནད་ལྟེ་བའི་ལས་གྲྭའི་སྨན་བཅོས་ཀྱི་དགོས་མཁོར་འགན་ལེན་བྱས་ཡོད། ཀོང་ཀྲོའུ་སེམས་ཁམས་རིགས་གཅིག་མཁས་ཅན་ཚོགས་པ་དང་མཐུན་སྦྱོར་བྱས་ནས་སྤོ་བོ་རྫོང་གིས་སེམས་ཁམས་བདེ་ཐང་གི་ཞབས་ཞུའི་བྱེད་སྒོ་སྤེལ་བ་དང་། ཆེད་དོན་གསོ་སྦྱོང་ཐེངས་3བྱས་པ། སེམས་ཁམས་རིགས་གཅིག་མཁས་ཅན་གྱི་སྨན་དོན་ཁང་4བཙུགས་པ། ཤང་དང་གྲོང་རྡལ་གྱི་ཐོ་ཁོངས་སུ་ཡོད་པའི་ནད་པར་འཚམས་འདྲི་ཐེངས་མང་བྱས་ནས་སྨན་གཏོང་བར་མཛུབ་ཁྲིད་བྱས་ཡོད། ཀོང་ཀྲོའུ་གྲོང་ཁྱེར་མི་དམངས་སྨན་ཁང་དང་པོའི་རུས་ནད་ཚན་ཁག་གི་ཆེད་ལས་མཁས་ཅན་ཚོགས་པའི་མི་7གདན་དྲངས་ནས་སྤོ་བོ་རྫོང་དུ“ཀོང་ཀྲོའུ་དང་སྤོ་བོ་རྫོང་ཁྱིམ་ཚང་གཅིག་ལྟར་བརྩེ། བདེ་ཐང་བྱ་སྤྱོད་མཉམ་དུ་སྤེལ”ཞེས་པའི་རུས་ཚིགས་ནད་གྲལ་བཤེར་གྱི་འོས་འགན་སྨན་བཅོས་དང་གཤགས་བཅོས་ཀྱི་བྱེད་སྒོ་བདེ་བླག་ངང་སྤེལ་ཏེ། རུས་ཚིགས་ནད་པ་100ལྷག་ཙམ་ལ་གྲལ་བཤེར་བྱས་པ་དང་མི་12ལ་པུས་ཚིགས་བརྗེ་བའི་གཤགས་བཅོས་བྱས་པ་དང་། གཤགས་བཅོས་ལེགས་གྲུབ་ཐུབ་ཚད་100%ཟིན་ཡོད།