《བོད་རང་སྐྱོང་ལྗོངས་ཀྱི་ལས་ཁུངས་སྒྱུར་བཅོས་ཇུས་གཞི》གཞིར་བཟུང་། ཉེ་ཆར། རང་སྐྱོང་ལྗོངས་ཏང་ཨུད་སྤྱི་ཚོགས་ལས་དོན་པུའུ་དང་། རང་སྐྱོང་ལྗོངས་ཏང་ཨུད་དངུལ་རྩ་གཞུང་ལས་ཁང་། དངུལ་རྩའི་ལས་དོན་ཨུ་ལྷན(རང་སྐྱོང་ལྗོངས་ཀྱི་ས་གནས་དངུལ་རྩ་དོ་དམ་ཅུས)རང་སྐྱོང་ལྗོངས་ལས་ཁུངས་ལས་དོན་དོ་དམ་ཅུས། རང་སྐྱོང་ལྗོངས་མ་འཇོག་སྐུལ་སྤེལ་ཅུས། རང་སྐྱོང་ལྗོངས་རིག་གནས་དང་ཡུལ་སྐོར་ཐིང་སོགས་སྡེ་ཚན་སྒོ་བྱང་བཀལ་ནས་བཙུགས་པ་དང་རང་སྐྱོང་ལྗོངས་གྲོང་གསེབ་དར་རྒྱས་ཅུས་ཧྲིལ་པོ་རང་སྐྱོང་ལྗོངས་ཞིང་ལས་དང་གྲོང་གསེབ་ཐིང་ཁོངས་སུ་བཅུག་པ་རེད། རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་གཞོན་པ་དང་སྲིད་ཁྲིམས་ཨུ་ལྷན་གྱི་ཧྲུའུ་ཅི་ལིའུ་ཅང་སྒོ་བྱང་འགེལ་བའི་མཛད་སྒོ་དང་ལས་བྱེད་པས་ལས་གནས་ཁུར་བའི་ཚོགས་ཆེན་ལ་ཕེབས་ནས་གསུང་བཤད་གནང་བ་རེད།

ལིའུ་ཅང་གིས་ད་རེས་ཀྱི་ལས་ཁུངས་སྒྱུར་བཅོས་ནི་བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གིས་ཏང་དང་རྒྱལ་ཁབ་ཀྱི་བྱ་གཞག་འཕེལ་རྒྱས་ཀྱི་སྤྱི་ཡོངས་ལ་དམིགས་ནས་བཏོན་པའི་འཐབ་ཇུས་བཀོད་སྒྲིག་གལ་ཆེན་ཞིག་རེད། རང་སྐྱོང་ལྗོངས་ཏང་ཨུད་ཀྱིས་ཚད་མཐོའི་མཐོང་ཆེན་གནང་ནས་སྒྱུར་བཅོས་དང་འབྲེལ་བ་ཡོད་པའི་སྡེ་ཚན་བཙུགས་ནས་སྒོ་བྱང་བཀལ་བ་སོགས་ཀྱི་ལས་དོན་ལ་ཞིབ་འཇུག་ནན་ཏན་དང་བླང་བྱ་ཁ་གསལ་བཏོན་ཡོད། སྒྱུར་བཅོས་དང་འབྲེལ་བ་ཡོད་པའི་སྡེ་ཚན་གྱིས་རང་སྐྱོང་ལྗོངས་ཏང་ཨུད་ཀྱི་བླང་བྱ་ལྟར་འགན་ནུས་ཀྱི་ངེས་གནས་སྟངས་འཛིན་དང་། ལས་ཀའི་གནས་བབ་བསྒྱུར་བ། ལས་ཀའི་ལམ་སྲོལ་ལེགས་སུ་གཏོང་བ་བཅས་བྱས་ནས་བརྟན་པོའི་ངང་བར་བརྒལ་དང་། གོ་རིམ་ལྡན་པའི་ངང་ཁོངས་སྒྱུར། སྦྲེལ་མཐུད་ནུས་ལྡན་བཅས་ཡོང་བའི་འགན་ལེན་བྱེད་པ་དང་། ལས་ཀའི་འཁོར་སྐྱོད་བྱེད་མགྱོགས་སུ་བཏང་སྟེ“འཛུགས་གཏོད་བཞི”དང“མདུན་གྲལ་དུ་སླེབས་པ་བཞིར”སྐུལ་འདེད་གཏོང་ཆེད་འདེགས་སྐྱོར་དང་འགན་ལེན་ནུས་ལྡན་བྱེད་དགོས་ཞེས་གསུངས་པ་རེད།