འདི་ནི་ཡུལ་དེ་གའི་གྲོང་མིས་ཤམ་བུ་ཉོ་བཞིན་པ།

དཔྱིད་གསར་དུས་ཆེན་དང་བོད་ཀྱི་ལོ་གསར་འཆར་ཉེའི་མཚམས་སུ། ལོ་གསར་མཁོ་ཆས་ཀྱི་ཁྲོམ་ར་འཁྲུག་ཆ་དོད་པོ་ཡོད། ལྷོ་ཁ་གྲོང་ཁྱེར་རྩེད་ཐང་གྲོང་རྡལ་གྱི་གྲོང་མིས་ཚོང་ཁང་དང་སྒོ་རྩིས་ཚོང་ཁང་ཆེ་གྲས་དང་ཞིང་ཟོག་ཁྲོམ་ར་ནས་དུས་ཆེན་གྱི་མཁོ་ཆས་ཉོ་བ་དང་། ཚོང་དུད་ཚོས་ཀྱང་ཚོང་ཟོག་འདང་ངེས་གྲ་སྒྲིག་གིས་བྲིན་ཚོང་གི་བྱེད་སྒོ་སྤེལ་ནས་མི་རིགས་ཁག་གི་མང་ཚོགས་ཀྱི་འཛད་སྤྱོད་ཀྱི་དགོས་མཁོ་བསྐངས་པས། ལོ་གསར་མཁོ་ཆས་ཀྱི་ཁྲོམ་རར་ཚོང་ཟོག་བྲིན་ཁ་རྒྱུག་པའི་རྣམ་པ་བཟང་པོ་མངོན་བཞིན་ཡོད།