མཚོ་སྔོན་པོ་སྐོར་བའི་རྒྱལ་སྤྱིའི་གཞུང་ལམ་རྐང་འཁོར་འགྲན་བསྡུར་སྐབས་ཉེར་གསུམ་པ་ཟླ་7ཚེས་7ནས་ཚེས་14ཉིན་བར་གཉེར་རྒྱུ་ཡིན་པ།
ཉེ་ཆར། གསར་འགོད་པས་མཚོ་སྔོན་པོ་སྐོར་བའི་རྒྱལ་སྤྱིའི་གཞུང་ལམ་རྐང་འཁོར་འགྲན་བསྡུར་སྒྲིག་འཛུགས་ཨུ་ལྷན་གཞུང་དོན་ཁང་ནས་ཤེས་རྟོགས་བྱས་པར། མཚོ་སྔོན་པོ་སྐོར་བའི་རྒྱལ་སྤྱིའི་གཞུང་ལམ་རྐང་འཁོར་འགྲན་བསྡུར་སྐབས་ཉེར་གསུམ་པའི་གྲ་སྒྲིག་ལས་དོན་ཕྱོགས་ཡོངས་ནས་གཉེར་འགོ་ཚུགས་ཤིང་། ཟླ་7ཚེས་7ནས་ཚེས་14ཉིན་བར་མཚོ་སྔོན་ཞིང་ཆེན་དུ་གཉེར་རྒྱུ་ཡིན་པ་རེད། མིག་སྔར་རྐང་འཁོར་རུ་ཁག་ཐོ་འགོད་དང་། ལམ་ཐིག་ཇུས་འགོད་སོགས་ཀྱི་ལས་དོན་གོ་རིམ་ལྡན་པའི་ངང་སྤེལ་བཞིན་ཡོད་པ་རེད།