ཟླ་1ཚེས་3ཉིན་གྱི་སྔ་དྲོའི་ཆུ་ཚོད་8དང་སྐར་མ་30ཡོལ་ཙམ་ལ་ཡུལ་སྐོར་བ་130ལྷག་ཙམ་གྱིས་ཀྲུང་གོའི་ཧེ་ཧོ་ཆུ་ལམ་སྐྱེལ་འདྲེན་ཡུལ་སྐོར་ཞིབ་བཤེར་འགག་སྒོ་ནས་རྒྱལ་སྤྱིའི་འགྲུལ་སྐྱེལ་རླངས་འཁོར་ཆེ་གྲས་ལ་བསྡད་དེ་རྡོག་ཐོན་བྱས་ཤིང་། འཁྱག་ངོས་སྒམ་ལམ་བརྒྱུད་ཨུ་རུ་སུའི་པུ་ལ་ཀེ་ཝེ་ཧྲེན་སི་ཁེ་འགག་སྒོར་འབྱོར་བ་རེད། འདི་ནི་2024ལོའི་ཀྲུང་གོའི་ཧེ་ཧོ་དང་ཨུ་རུ་སུའི་པུ་ལ་ཀེ་ཝེ་ཧྲེན་སི་ཁེ་གྲོང་ཁྱེར་ཕྱོགས་གཉིས་པོས་འཁྱག་ངོས་སྒམ་ལམ་ཐོག་མར་བཏོད་དེ་འགྲུལ་པ་དབོར་འགོ་ཚུགས་པ་ཡིན་ཞིང་། སྔོན་དཔག་བྱས་ན་ཟླ་1ཚེས་9ཉིན་ཟོག་འདྲེན་ཤར་གཏོང་ཐུབ་ཀྱི་ཡོད་པ་རེད། འདི་ནི་ཨུ་རུ་སུའི་འགྲུལ་སྐྱེལ་རླངས་འཁོར་དུ་ཨུ་རུ་སུའི་འགྲུལ་པ་བླུགས་ནས་འཁྱག་ངོས་སྒམ་ལམ་བརྒྱུད་ཧེ་ཧོ་འགག་སྒོར་སྐྱོད་བཞིན་པ།