བརྗོད་དོན་གཙོ་བོའི་སློབ་གསོ་ཁག་གཉིས་པ་སྤེལ་ཚུན། མངའ་རིས་ས་ཁུལ་གྱི་ཞིང་འབྲོག་ཁུལ་གྱི་ཏང་རྩ་འཛུགས་ཀྱིས“དགོངས་པ་སློབ་སྦྱོང་དང་། ཏང་གཤིས་བརྟན་གཏོང་། ལག་ལེན་ལ་མཐོང་ཆེན། བྱས་རྗེས་གསར་འཇོག”བཅས་ཀྱི་སྤྱིའི་བླང་བྱར་དམ་པོར་དམིགས་ནས“ཁག་གཅིག་བྱས་པ་བཞི”དམ་འཛིན་བྱེད་གཞིར་བྱས་ཏེ་བརྗོད་དོན་གཙོ་བོའི་སློབ་གསོ་རྒྱུན་གཏན་དང་མཉམ་འདྲེས་དང་། རྟག་ཏུ་དམ་འཛིན། རྒྱུན་དུ་སྤེལ་བ་བཅས་བྱས་ནས། ཞིང་འབྲོག་ཁུལ་དུ་བརྗོད་དོན་གཙོ་བོའི་སློབ་གསོ་དོན་ཐོག་ཏུ་འཁྱོལ་བ་དང་ཕན་འབྲས་ཐོན་པ་དང་གཏིང་ཟབ་དང་ཏན་ཏིག་སྤེལ་བར་སྐུལ་འདེད་ཏན་ཏིག་བཏང་ཡོད།

རྩ་འཛུགས་སྟོབས་ཆེར་བཏང་ནས་ཇུས་འགོད་ལ་དམ་འཛིན་གྱིས་བརྗོད་དོན་གཙོ་བོའི་སློབ་གསོ་ནན་པོ་སྤེལ་བར་སྐུལ་འདེད་བཏང་ཡོད། མངའ་རིས་ས་ཁུལ་གྱི་ཞིང་འབྲོག་ཁུལ་གྱི་ཏང་རྩ་འཛུགས་ཀྱིས་བརྗོད་དོན་གཙོ་བོའི་སློབ་གསོ་ཆབ་སྲིད་ཀྱི་ལས་འགན་གལ་ཆེན་ལ་བརྩི་རྒྱུ་མཐའ་འཁྱོངས་བྱས་ནས། སྔ་རྗེས་སུ་བརྗོད་དོན་གཙོ་བོའི་སློབ་གསོའི་སྐུལ་སློང་བཀོད་སྒྲིག་ཚོགས་འདུ་ཐེངས་154འཚོགས་པ་དང་། བརྗོད་དོན་གཙོ་བོའི་སློབ་གསོའི་ལས་དོན་འགོ་ཁྲིད་ཚོགས་ཆུང་123བཙུགས་པ། དམིགས་སའི་རང་བཞིན་ལྡན་པའི་བརྗོད་དོན་གཙོ་བོའི་སློབ་གསོའི་ལག་བསྟར་ཇུས་གཞི་ཁག་113བཟོས་ཡོད། རིམ་ཁག་ཏང་རྩ་འཛུགས་ཀྱི་ཧྲུའུ་ཅིས་འགན་འཁྲི་བ་ཨང་དང་པོའི་འགན་འཁྲི་ནན་ཏན་བསྒྲུབས་ཏེ་ཡིག་ཆའི་དགོངས་དོན་ཁོང་དུ་ཆུད་པ་དང་། ལས་ཀའི་བླང་བྱ་ཁོང་དུ་ཆུད་པ། སྣེ་ཁྲིད་དེ་སློབ་སྦྱོང་དང་། སྣེ་ཁྲིད་དེ་དག་ཐེར། སྣེ་ཁྲིད་དེ་དམ་འཛིན་བཅས་བྱས་ནས། བརྗོད་དོན་གཙོ་བོའི་སློབ་གསོ་སྤེལ་བའི་གོ་ཤེས་ཅན་ཡག་པོ་བྱས་ཏེ་བརྗོད་དོན་གཙོ་བོའི་སློབ་གསོ་སྤེལ་སྐབས་གོ་རིམ་ལྡན་པ་དང་། དྲིལ་བསྒྲགས་ནུས་ལྡན། དོན་འཁྱོལ་ནུས་ཆེ་བཅས་ཡོང་བའི་འགན་ལེན་བྱས་ཡོད།

ཚུགས་གནས་མཐོ་རུ་བཏང་ནས་སློབ་སྦྱོང་ལ་དམ་འཛིན་གྱིས་རིགས་པའི་གཞུང་ལུགས་ཀྱི་དྲག་ཆས་གཏིང་ཟབ་སྤྲོས་པར་སྐུལ་འདེད་བཏང་ཡོད། ཞིང་འབྲོག་ཁུལ་གྱི་ཏང་རྩ་འཛུགས་ཀྱིས་རིགས་པའི་གཞུང་ལུགས་ཀྱི་སློབ་སྦྱོང་ཐོག་མཐའ་བར་གསུམ་དུ་ཁྱབ་པར་བྱས་ནས། ཀྲི་པུའུ་སྡེ་ཚན་དུ་བྱས་ཏེ་རིགས་པའི་གཞུང་ལུགས་སློང་སྦྱོང་སྒྲིག་འཛུགས་དང་། སློབ་སྦྱོང་གི་འཆར་གཞི་1288བཟོ་བ། ཏང་ཡོན་གྱི་སློབ་རྒྱུས་དང་ལོ་ན་མི་འདྲ་བ་སོགས་ཀྱི་གནས་ཚུལ་ལ་དམིགས་པ། རིགས་དབྱེ་ཇུས་འདོན་མཐའ་འཁྱོངས། ཤང་དང་གྲོང་རྡལ་གྱི་ཏང་ཨུད་ཀྱིས་དོན་དངོས་དང་ཟུང་འབྲེལ་བྱས་ནས། ཁོངས་གཏོགས་ཁུལ་གྱི་གྲོང་ཚོའི་ཏང་རྩ་འཛུགས་ཀྱི་ཧྲུའུ་ཅི་སྒྲིག་འཛུགས་བྱས་ཏེ“ཀྲི་པུའུ་ཧྲུའུ་ཅིའི་འཆད་སྟེགས”ཐེངས་30དང“ཧྲུའུ་ཅིས་ཏང་གི་སློབ་ཚན་འཁྲིད་པའི”བྱེད་སྒོ་ཐེངས་269གཉེར་བ། ཞིང་འབྲོག་ཁུལ་གྱི་ཏང་རྩ་འཛུགས་ཁག་གིས་ཞིང་འབྲོག་པ་ཏང་ཡོན་སྒྲིག་འཛུགས་བྱས་ཏེ་མི་སྒེར་གྱི་རང་སྦྱོང་ཐེངས་ཁྲི་1.9ལྷག་ཙམ་དང་། གཅིག་སྡུད་སློབ་སྦྱོང་ཐེངས་1491 སྤེལ་རེས་བགྲོ་གླེང་ཐེངས་3278བཅས་བྱས་ཡོད། ན་རྒས་གཟུགས་ཞན་དང་། འགུལ་སྐྱོད་མི་བདེ་བ། རིག་ནུས་ཁ་པར་མེད་པ་བཅས་ཀྱི་ཏང་ཡོན་དང་མང་ཚོགས་ལ་དམིགས་ནས་ཁྱིམ་དུ་སློབ་ཚན་ཁྲིད་པ་དང་ཁྱིམ་དུ་སློབ་གསོ་སྤེལ་བ་སོགས་ཀྱི་བྱེད་སྒོ་ཐེངས་2697སྤེལ་བ་དང་། ཞིང་འབྲོག་པ་ཏང་ཡོན་དང་མང་ཚོགས་སྒྲིག་འཛུགས་བྱས་ཏེ་བསམ་བློ་ཀུན་སྤྱོད་དང་སྒྲིག་ཁྲིམས་དང་བཅའ་ཁྲིམས་སོགས་ཀྱི་སློབ་གསོའི་བྱེད་སྒོ་ཐེངས་114སྤེལ་བར་མི་ཐེངས་2000ལྷག་ཙམ་ཞུགས་ཡོད། གྲོང་ཚོའི(སྡེ་ཁུལ)ལས་བྱེད་པ་དང་། ཏང་ཡོན་གྱི་ལྟེ་བའི་དུད་ཚང་། དྲ་དཔོན་གྱི་ཁྱིམ་བཅས་སུ“ཁྱིམ་ཚང་གི་སློབ་ཁང་ཆུང་ངུ”བཙུགས་ནས་མི་རིགས་མཐུན་སྒྲིལ་གྱི་སྲིད་ཇུས་དང་མི་རིགས་མཐུན་སྒྲིལ་གྱི་གཏམ་རྒྱུད་སོགས་སྒྲོག་འགྲེལ་བྱས་ཏེ། ཁོང་ཚོར་ཕུགས་བསམ་དད་སེམས་བརྟན་དུ་གཏོང་བ་དང་། ཏང་གཤིས་ཀྱི་གོ་རྟོགས་མཐོ་རུ་གཏོང་བ། ཏང་གི་བཀའ་ལ་ཉན་པ་དང་། ཏང་གི་བཀའ་དྲིན་ཚོར་བ། ཏང་གི་རྗེས་སུ་འབྲང་བ་བཅས་ཀྱི་སློབ་གསོ་ཁྲིད་སྟོན་བྱས་ཡོད།

སེམས་ནུས་གཅིག་སྒྲིལ་བྱས་ནས་དོན་འཁྱོལ་ལ་དམ་འཛིན་གྱིས་ལྟེ་བའི་ལས་དོན་ཏན་ཏིག་སྤེལ་བར་སྐུལ་འདེད་བཏང་ཡོད། ཞིང་འབྲོག་ཁུལ་གྱི་ཏང་རྩ་འཛུགས་ཀྱིས་བརྗོད་དོན་གཙོ་བོའི་སློབ་གསོ་དང་ལྟེ་བའི་ལས་དོན་ཟུང་འབྲེལ་དམ་ཟབ་བྱས་ནས་མང་ཚོགས་ཀྱིས་དོ་སྣང་ཆེ་ཤོས་བྱེད་པ་དང་། མང་ཚོགས་དང་ཐད་ཀར་འབྲེལ་བ་ཆེ་ཤོས་ཡོད་པ། མང་ཚོགས་ལ་འཕྲལ་མཁོ་ཆེ་ཤོས་ཡིན་པ་བཅས་ཀྱི་དགོས་མཁོར་དམིགས་ཏེ་གྲོང་ཚོ་རིམ་པའི་ཏང་རྩ་འཛུགས་ཁག་གིས་ཐབས་འདོན་ཇུས་འབུལ་གྱི་བྱེད་སྒོ་ཐེངས་120སྤེལ་བ་དང་། ཞིང་འབྲོག་མང་ཚོགས་ཀྱི་བསམ་འཆར་དང་གྲོས་འགོ་ཁག་218བསྡུ་ལེན། མང་ཚོགས་ཀྱི་རེ་ཞུའི་རྩིས་ཐོ་121བཟོ་བ། འགལ་ཟླ་དང་རྩོད་གཞི་ཁག་246གྲལ་བཤེར་དང་སེལ་བ། འཕྲལ་མཁོ་དང་། དཀའ་ངལ། སེམས་ཁྲལ། རེ་སྒུག་བཅས་ཀྱི་གནད་དོན་ཁག་200ལྷག་ཙམ་ཐག་གཅོད་བཅས་བྱས་ནས། འཐབ་ཕྱོགས་དང་པོར་འགལ་ཟླ་སེལ་བ་དང་འཐབ་ཕྱོགས་དང་པོར་གནད་དོན་ཐག་གཅོད་བྱེད་པར་སྐུལ་འདེད་བཏང་ཡོད། ལས་ཐོག་ཏང་ཡོན་གྱི“འབྱོར་ཐོ་གཉིས་འགོད”ཀྱི་བྱེད་སྒོ་ཐེངས་668དང་། “ངས་མང་ཚོགས་ལ་བྱ་བ་དངོས་སྒྲུབ་པའི”བྱེད་སྒོ་ཐེངས་519 “ལས་གནས་ལ་གཞི་ཚུགས་ནས་ལེགས་སྐྱེས་འབུལ་བའི”བྱེད་སྒོ་ཐེངས་393 དང་བླངས་ཞབས་ཞུའི་བྱེད་སྒོ་ཐེངས་672བཅས་སྤེལ་བ་དང་། ཏང་ཡོན་གྱིས་ལག་བསྟར་ཁས་ལེན་ཐེངས་2159བྱས་པ། ཞིང་འབྲོག་ཁུལ་དུ་ཏང་ཡོན་གྱི་དཔེ་སྟོན་ལས་གནས་400ལྷག་ཙམ་འཛུགས་པ་བཅས་བྱས་ཏེ། མང་ཚོགས་དང་འབྲེལ་བ་བྱེད་པ་དང་མང་ཚོགས་ལ་ཞབས་འདེགས་ཞུ་བར་ཕན་འབྲས་དངོས་ཐོན་པར་བྱས་ཡོད། འཕྲལ་སྡོམ་སྐུལ་སློང་གི་ནུས་ཐོན་ལམ་སྲོལ་འཛུགས་པ་དང་འཐུས་སྒོ་ཚང་དུ་བཏང་ནས་ཏང་ཡོན་འཕྲལ་སྒྲུབ་རུ་ཁག་118དང་། ཉེན་ཟོན་སྐོར་ཞིབ་རུ་ཁག་212བཙུགས་པ། བདེ་འཇགས་ཉེན་ཟོན་སྐོར་ཞིབ་ཐེངས་900ལྷག་ཙམ་བྱེད་པ། འཕྲལ་སྡོམ་ནང་སྦྱོང་ཐེངས་84བྱེད་པ་བཅས་ཀྱི་ཐོག་ནས་དཀའ་ངལ་གྱི་མདུན་དུ་ཏང་ཡོན་ཤོར་ཐུབ་པ་དང་འགག་རྩའི་དུས་སུ་ནུས་པ་ཐོན་པའི་འགན་ལེན་བྱས་ཡོད།

སྤུས་ཚད་མཐོ་རུ་དང་ཕན་འབྲས་ཆེ་རུ་བཏང་ནས་དག་ཐེར་ལ་དམ་འཛིན་གྱིས་ཞན་ཆ་དང་སྐྱོན་ཆ་ཤུགས་ཆེན་སེལ་བར་སྐུལ་འདེད་བཏང་ཡོད། ཞིང་འབྲོག་ཁུལ་གྱི་ཏང་རྩ་འཛུགས་ཀྱིས་གནད་དོན་དག་ཐེར་བྱེད་རྒྱུ་དེ་བརྗོད་དོན་གཙོ་བོའི་སློབ་གསོའི་ཐོག་མཐའ་བར་གསུམ་དུ་ཁྱབ་པར་བྱས་ནས་སློབ་སྦྱོང་བྱེད་ཀྱིན་ལྟ་བསྡུར་དང་། འཚོལ་བཤེར། དག་ཐེར་བཅས་བྱེད་པ་དང་། “ཀྲི་པུའུ་རང་ཉིད་ཀྱིས་འཚོལ་བ་དང་ཏང་ཡོན་ལས་བྱེད་པས་འདོན་པའི”བྱ་ཐབས་སྤྱོད་པ། “གསལ་ཐོ་རྣམ་པའི”འགན་འཁྲི་གཏན་འཁེལ་དང་། “ཐོ་སུབ་རྣམ་པའི”དོ་དམ། “གནོན་ཤུགས་རྣམ་པའི”ལྟ་སྐུལ་མཛུབ་ཁྲིད། “བསྐྱར་བཤེར་རྣམ་པའི”ཞིབ་དཔྱད་གཏན་འབེབས་སོགས་ཀྱི་ལམ་སྲོལ་གསར་གཏོད་བཅས་བྱས་ཏེ། གྲོང་ཚོ་རིམ་པའི་ཏང་རྩ་འཛུགས་ཁག་དང་ཞིང་འབྲོག་པའི་ཏང་ཡོན་གྱིས་ཕྱོགས་6ཐད་ཀྱི་ནང་དོན་ལ་གཞིགས་ནས་གནད་དོན་དང་ཞན་ཆ་དང་རང་ངོས་ལ་ལྷག་པའི་ཧེ་བག་དང་མི་འདང་བའི་ཆ་གསལ་རྟོགས་དང་། གནད་དོན་ཁག་200ལྷག་ཙམ་འཚོལ་བཤེར། གནད་དོན་གསལ་ཐོ་ཁག་113བཟོ་བ། དག་ཐེར་བྱ་ཐབས་ཁག་318བཟོ་བ་བཅས་བྱས་ཡོད་པ་རེད།