2023ལོ་ཤར་ཚུན་དང་ལྷག་པར་དུ་བརྗོད་དོན་གཙོ་བོའི་སློབ་གསོ་སྤེལ་བ་ནས་བཟུང་། ནག་ཆུ་གྲོང་ཁྱེར་གྱིས་ཐོག་མཐའ་བར་གསུམ་དུ་ལས་ཁུངས་ཁུ་བསྡུ་དང་དབང་ཆ་གཤམ་སྤྲོད་དང་། གློད་སྡོམ་ཟུང་འབྲེལ། ཞབས་འདེགས་སྤུས་ལེགས་ཞུ་བ་བཅས་ནི་སྲིད་དོན་ཞབས་ཞུ་སྒྱུར་བཅོས་ཀྱི་ལས་འགན་ཨང་དང་པོར་བརྩིས་ནས། གཞི་གཅིག་ཅན་གྱི་སྲིད་དོན་ཞབས་ཞུའི་མ་ལག་འཛུགས་སྐྱོང་ལ་སྐུལ་འདེད་ཤུགས་ཆེན་བཏང་སྟེ་དམངས་འཚོའི་བྱ་བ་དངོས་ལེགས་པར་བསྒྲུབས་ནས“མགྱོགས་མྱུར་སྒྲུབ་པ”དང་། “འཕྲུལ་འཁོར་གྱིས་སྒྲུབ་པ”“ཐེངས་གཅིག་ལ་སྒྲུབ་པ”བཅས་ཀྱི་ཐོག་ནས་མང་ཚོགས་དང་ཁེ་ལས་ཕར་རྒྱུག་ཚུར་རྒྱུག་དང་ཀར་ཀོར་བྱེད་མི་དགོས་པར་དོན་དག་སྒྲུབ་ཐུབ་པ་བྱུང་ཡོད།

ཐབས་ལམ་རྒྱ་བསྐྱེད་དེ་སྲིད་དོན་ཞབས་ཞུ་ལེགས་སུ་གཏོང་བའི་ཐད། ནག་ཆུ་གྲོང་ཁྱེར་གྱིས་ཞིབ་མཆན་འགོད་པའི་ཕན་འབྲས་དང་ལྟ་འདོམས་ཀྱི་ནུས་ཕྱོད་རྒྱུན་ཆད་མེད་པར་ཆེ་རུ་བཏང་ནས་གྲོང་ཁྱེར་དང་། རྫོང་། ཤང་། གྲོང་ཚོ་བཅས་རིམ་པ་བཞིའི་སྲིད་དོན་ཞབས་ཞུའི་དོན་གནད་14987རྩིས་ལེན་གསོད་བཀྲོལ་བྱས་པ་དང་། གྲོང་ཁྱེར་དང་རྫོང་རིམ་པ་གཉིས་ཀྱི་སྲིད་དོན་ཞབས་ཞུའི་དོན་གནད་དྲ་ཐོག་ནས་བསྒྲུབས་ཚད་100%ཟིན་ནས་སྲིད་དོན་ཞབས་ཞུ་ཁས་ལེན་ངང་སྒྲུབ་པའི་དུས་ཚོད་60.7%བར་ཐུང་དུ་ཕྱིན་ཡོད། སོག་རྫོང་སྲིད་དོན་ཞབས་ཞུ་ལྟེ་གནས་ལ་མང་ཚོགས་ཀྱིས་བློ་འདྲི་བྱེད་ཚད་ཁྲི་2.45ཟིན་པ་དང་། ལས་སྒོ་ཁག་ཁྲི་2.02བདག་སྤྲོད་བྱས་ནས་ཁག་ཁྲི་2.02བསྒྲུབས་ཡོད། བརྒྱུད་རིམ་ཧྲིལ་པོ་དྲ་ཐོག་ནས་བསྒྲུབས་ཚད་ཁག་ཁྲི་1.65ཟིན་ཏེ་དྲ་ཐོག་ནས་བསྒྲུབས་ཚད་81.68%ཟིན་པ། “དྲ་སྦྲེལ་དང་ལྟ་འདོམས་ཟུང་དུ་འབྲེལ་བའི”གྲངས་གཞི་ཁག་ཁྲི་1.84ཕབ་འཇུག་བྱས་ནས་གློག་རྡུལ་ལག་ཁྱེར་སྤྲོད་ཚད་ཁྲི་6.74ཟིན་པ་མ་ཟད། བོད་ཀྱི་སྲིད་དོན་ཞབས་ཞུའི“1234”ཐད་འབྲེལ་ཁ་པར་ནས་ཞུ་གཏུག་བརྒྱབ་པའི་གྱོད་གཞི་ཁག་3མཐུན་སྦྱོར་ཐག་གཅོད་ཀྱང་བྱས་ཡོད། ལྷ་རི་རྫོང་སྲིད་དོན་ཞབས་ཞུ་ལྟེ་གནས་ཀྱི“སྒྲུབ་མི་ཐུབ་པའི”བྱ་བ་མེད་པའི་སྐར་ཁུང་ནས་མང་ཚོགས་མི་ཐེངས་18ལ་སྣེ་ལེན་ཞུས་པ་དང་། མང་ཚོགས་ཀྱི་ལུགས་མཐུན་དོགས་གཞི་དང་འདུན་པ་ཁག་11ཐག་གཅོད་འོས་འཚམ་བྱས་ལ། ས་གནས་དེ་གའི་མཐོ་སློབ་སློབ་ཐོན་སློབ་མ་2ལམ་སྟོན་པར་བསྡུས་ཏེ་བློ་འདྲི་དང་ལམ་སྟོན་སོགས་ཀྱི་ལས་སྒོའི་འགན་ཁུར་དུ་བཅུག་ནས་ངོ་ཐུག་གདོང་འཕྲད་ཀྱིས་ལམ་སྟོན་དང་། གཅིག་གཏད་གཅིག་གིས་སྒྲུབ་རོགས་དང་ལས་སྒྲུབ་ཀྱི་ཞབས་འདེགས་ཞུས་པའི་ཁར། མི་ཐེངས་800ལྷག་ཙམ་ལ་བློ་འདྲི་དང་ལམ་སྟོན་བྱས་ནས་དོན་གནད་ཁག་723སྒྲུབ་རོགས་བྱས་པར་རྒྱ་ཆེའི་མང་ཚོགས་ཀྱི་གདེང་འཇོག་བཟང་པོ་མགྲིན་གཅིག་ཏུ་ཐོབ་ཡོད།

ལས་རིམ་སྔར་བས་ཉུང་དུ་བཏང་ནས་ཞིབ་མཆན་འགོད་པའི་དུས་བཀག་ཐུང་དུ་གཏོང་ཆེད། ནག་ཆུ་གྲོང་ཁྱེར་གྱིས“ཞིབ་མཆན་འགོད་པའི་དོན་དག་ཉུང་ཤོས་དང་། ཞིབ་མཆན་འགོད་པའི་དུས་ཚོད་ཐུང་ཤོས། ཞིབ་མཆན་འགོད་པའི་ལས་རིམ་ཡག་ཤོས། ཞིབ་མཆན་འགོད་པའི་ཞབས་ཞུ་ལེགས་ཤོས་བཅས་ཡོང་གང་ཐུབ་བྱེད་པའི”རྩ་དོན་ལྟར་ཁེ་ལས་དང་མང་ཚོགས་ལ“དོན་དག་གཅོད་པར་དཔང་ཡིག་མང་བ་དང་། དོན་དག་གཅོད་པར་ཕར་རྒྱུག་ཚུར་རྒྱུག་བྱེད་མང་བ”དང“དཔང་ཡིག་ཡང་ཡང་དགོས་པ་དང་། བསྐྱར་ཟློས་མང་བ། འགན་ཕར་དཀྲི་ཚུར་དཀྲི”སོགས་ཀྱི་གནད་དོན་ཕྱོགས་ཡོངས་ནས་བསལ་ཏེ། གྲོང་ཁྱེར་ཡོངས་སུ་དཔང་ཡིག་3095མི་དགོས་པའི་ཁྱབ་བསྒྲགས་བྱས་ཤིང་། ནག་ཆུ་གྲོང་ཁྱེར་རང་བྱུང་ཐོན་ཁུངས་ཅུས་ཀྱིས་སྒྲུབ་རིམ་གྱི་ལྷུ་ཚིགས་སྟབས་བདེ་རུ་དང་ལག་ཁྱེར་བཟོ་བའི་ཐབས་ལམ་རྒྱ་ཆེ་རུ་ཟམ་མི་ཆད་པར་བཏང་ནས་ཐོག་མའི་ཐོ་འགོད་པར་ལས་ཀའི་ཉིན་གྲངས་7འགོར་བ་ནས་ལས་ཀའི་ཉིན་གྲངས་3བར་ཐུང་དུ་བཏང་བ་དང་། གཏའ་འཇོག་ཐོ་འགོད་ཀྱི་ལས་ཀའི་ཉིན་གྲངས་3འགོར་བ་ནས་ལས་ཀའི་ཉིན་གྲངས་1བར་ཐུང་དུ་བཏང་ཡོད།

ཐོག་མའི་ཞིབ་དཔྱད་ནས་ཡིག་ཚགས་སུ་འཇུག་པར་ལས་རིམ་ཁག་6ནས་ལས་རིམ་3བར་ཉུང་དུ་བཏང་བས། ལས་སྒོ་སྒྲུབ་པའི་དུས་ཡུན་ཐུང་དུ་ནུས་ལྡན་ཕྱིན་ནས་དོན་དག་བསྒྲུབས་པར་མང་ཚོགས་བློ་ཡིད་ཚིམ་ཚད་མཐོ་རུ་ཕྱིན་ཡོད།

མིག་སྔའི་བར་གཏན་འཇགས་རྒྱུ་ནོར་ཐོ་འགོད་དང་འདྲི་རྩད་ལས་སྒོ་ཁག་1251བསྒྲུབས་ནས་གཏན་འཇགས་རྒྱུ་ནོར་གྱི་བདག་དབང་ལག་ཁྱེར་168དང་གཏན་འཇགས་རྒྱུ་ནོར་ཐོ་འགོད་དང་དཔང་ཡིག་ཁག་84སྤྲད་པ་དང་། གཏན་འཇགས་རྒྱུ་ནོར་འདྲི་རྩད་དཔང་ཡིག་ཁག་500ལྷག་ཙམ་བྲིས་ཡོད།

ནག་ཆུ་གྲོང་ཁྱེར་ཁྲོམ་ར་ལྟ་འདོམས་ཅུས་ཀྱིས་བརྡ་ཁྱབ་བཀྲམ་པ་དང་། བརྙན་ཤེལ་ＬＥＤལ་སྒེར་གཉེར་ཚོང་དུད་འཕེལ་རྒྱས་འགྲོ་བར་རྒྱབ་སྐྱོར་སྲིད་ཇུས་དྲིལ་བསྒྲགས་བྱས་པ་བརྒྱུད་ཚད་གཞི་དམའ་རུ་གཏོང་བ་དང་། ལས་དོན་སྒྲུབ་རིམ་སྟབས་བདེ་རུ་གཏོང་བ། ལྟ་འདོམས་བྱེད་སྟངས་གསར་གཏོད། སྲིད་དོན་ཞབས་འདེགས་ལེགས་སུ་གཏོང་བ་བཅས་བྱས་ནས་གཉེར་སྐྱོང་བྱེད་པོའི་ཡིད་ཆེས་དང་གསོན་ཤུགས་འཕེལ་བར་བྱས་པས། གྲོང་ཁྱེར་ཡོངས་སུ་གཉེར་སྐྱོང་བྱེད་པོ་7610མང་དུ་སོང་བ་དང་ཐོ་འགོད་མ་དངུལ་སྒོར་དུང་ཕྱུར་78.39ཟིན་ཏེ་དུས་མཚུངས་ལས་61.13%དང་138.14%འཕར་ཡོད། ནག་ཆུ་གྲོང་ཁྱེར་སྤྱི་བདེ་ཅུས་ཀྱིས་རྒན་རྒོན་དང་། གཟུགས་ཞན། ནད་པ། དབང་པོ་སྐྱོན་ཅན། སྦྲུམ་མ་བཅས་ལ་སྒོ་རྩར་ལག་ཁྱེར་གཉེར་བ་དང་ལག་ཁྱེར་སྤྲད་ནས་མི་ཐེངས་300ལྷག་ཙམ་ལ་དྲོ་སྐྱིད་སྦྱིན་ཡོད། དུས་ཚོད་རིང་དུ་གཏོང་བ་དང་དུས་ཚོད་ཁག་བགོས་ནས་ཐེམ་ཐོ་བཟོ་བའི་ལས་སྒོ་མི་ཐེངས་2978བསྒྲུབས་པ་དང་། “ཤར་སྐྱོད་འགྲོ་ལམ”བཟོས་ནས་ལོ་དེ་གའི་རྒྱུགས་སྤྲོད་སློབ་མ་3154ཡི་ཐོབ་ཐང་ལག་ཁྱེར་བཟོས་ཡོད། འཕྲུལ་སྒུལ་འཁོར་རིགས་ཐོ་འགོད་དང་ཁ་ལོ་བའི་ལག་ཁྱེར་གསབ་བརྗེ་སོགས་ཀྱི་དབང་ཆ་ཁོངས་གཏོགས་ཀྱི་འཕྲུལ་སྒུལ་འཁོར་རིགས་ཐོ་འགོད་ཞབས་ཞུའི་ས་ཚིགས་5ལ་སྤྲད་པ་དང་། སྨན་ཁང་དང་། འགན་བཅོལ། དཔྱ་ཁྲལ་སོགས་སྡེ་ཚན་འཕྲུལ་སྒུལ་འཁོར་རིགས་དོ་དམ་ཁང་དུ་བཅའ་སྡོད་བྱེད་དུ་བཅུག་ནས་འཕྲུལ་སྒུལ་འཁོར་རིགས་ཀྱི་ལས་སྒོ་ཁག་5171དང་ལེན་དང་རིན་པ་མི་དགོས་པར་འཁོར་རིགས་900ལྷག་ཙམ་ལ་འཁོར་རྟགས་བཀབ་པར་བརྒྱབ་ཡོད།