བརྗོད་དོན་གཙོ་བོའི་སློབ་གསོ་ཁག་གཉིས་པ་སྤེལ་ཚུན། ལྷོ་ཁ་གྲོང་ཁྱེར་འཕྱོངས་རྒྱས་རྫོང་གིས་ས་གནས་དེ་གའི་མི་འབོར་ཅུང་ཉུང་བ་དང་། རྒྱ་ཁྱོན་ཅུང་ཆུང་བ། ཞབས་ཞུའི་གཞི་ཁྱོན་ཅུང་ཆུང་བ་བཅས་ཀྱི་དོན་དངོས་ལ་གཞི་ཚུགས་ཏེ། “ཏང་དམངས་ས་ཚིགས”དང་། “བཅའ་ཁྲིམས་ཁྱབ་གདལ་ས་ཚིགས” “དུས་བདེའི་ས་ཚིགས”སོགས་འཐབ་ས་དང་པོའི་གཡུལ་ས་བཙུགས་ཏེ“གཡུལ་ས་ཆུང་ངུར”བརྟེན་ནས་མང་ཚོགས་ལ་སྟབས་བདེའི་ཞབས་འདེགས་ཞུས་ཏེ་ས་ཚིགས་དེ་ཏང་རྩ་འཛུགས་ཀྱི་གོང་བུ་འགྲིལ་ཤུགས་ཆེ་རུ་གཏོང་བ་དང་གཞི་རིམ་གྱི་ཞབས་ཞུའི་སྤུས་ཚད་མཐོ་རུ་གཏོང་བའི་གཡུལ་ས་མདུན་མར་བསྐྲུན་རྩིས་ཡོད་པ་རེད།

འཕྱོངས་རྒྱས་རྫོང་གིས་ཐང་པོ་ཆེ་དང་། ཆང་ཁྱིམ། ཐག་རིང་བཅས་གྲོང་ཚོ་གསུམ་དུ་ཚལ་འདེབས་ཞིང་པར་ཞབས་འདེགས་ཞུ་བ་དང་། ཡུལ་སྐོར་བར་ཞབས་འདེགས་ཞུ་བ། འབྲོག་པར་ཞབས་འདེགས་ཞུ་བ་བཅས་ཀྱི“ཏང་དམངས་ས་ཚིགས”བཙུགས་པར་མང་ཚོགས་ཀྱི་དགའ་བསུ་ཐོབ་ཡོད། དེའི་ནང་ཤ་གསོས་ཤང་ཐང་པོ་ཆེ་གྲོང་ཚོའི“ཏང་དམངས་ས་ཚིགས”ཀྱིས“ཤ་ཚལ་སྒོང་གསུམ”གྱི་སྔོ་ཚལ་རྟེན་གཞིའི་ལས་མིར“ཉིན་དགུང་ངལ་གསོ་རྒྱག་དཀའ་བ་དང་ཁ་ལག་རག་དཀའ་བ”སོགས་ཀྱི་གནད་དོན་ལ་དམིགས་ནས་ཚལ་འདེབས་ཞིང་པ་100ལྷག་ཙམ་ལ་གནས་སྐབས་ཀྱི་ངལ་གསོ་རྒྱག་ཡུལ་མཁོ་འདོན་བྱས་པ་དང་འབྲེལ་རིན་མེད་ཀྱི་ཇ་དང་། སྟབས་བདེའི་བཟའ་བཅའ། སྨན་རྫས་སོགས་མཁོ་འདོན་གྱི་ཞབས་འདེགས་ཞུས་པ་རེད། ལྷ་ཡུལ་ཤང་ཆང་ཁྱིམ་གྲོང་ཚོའི“ཏང་དམངས་ས་ཚིགས”ཀྱིས་སྤྲོ་གསེང་ཡུལ་སྐོར་གྲོང་གསེབ་ཀྱི་ངེས་གནས་ལ་གཞི་ཚུགས་ནས་ཞབས་ཞུའི་སྣེ་ལེན་ས་ཚིགས་བཙུགས་ཏེ་ཡུལ་སྐོར་བར་ཆུ་ཚ་པོ་དང་། སྐུད་མེད་དྲ་རྒྱ། ཡུལ་སྐོར་སྣེ་ཤན་པ་སོགས་ཀྱི་རིན་མེད་ཞབས་འདེགས་ཞུས་ནས་ཡུལ་སྐོར་ཞབས་ཞུའི་སྤུས་ཚད་ཕྱོགས་ཡོངས་ནས་མཐོ་རུ་བཏང་ཡོད། རྒྱལ་སྨད་ཤང་ཐག་རིང་གྲོང་ཚོའི“ཏང་དམངས་ས་ཚིགས”ཀྱིས་མང་ཚོགས་ལ་སྙིང་ཉེ་བའི་ཞབས་འདེགས་ཞུ་བར་དམིགས་ནས་མང་ཚོགས་ལ་རིན་མེད་ཀྱི་ཆར་གཡོལ་དང་། གློག་གསོག བཟའ་བཏུང་སོགས་ཀྱི་དམངས་ཕན་ཞབས་འདེགས་ཞུས་ཏེ་མང་ཚོགས་ཀྱིས་ཕྱི་རོལ་དུ་ངལ་རྩོལ་བྱེད་སྐབས་ཀྱི་དགོས་མཁོ་ནུས་ཤུགས་ཡོད་རྒུས་བསྐངས་ཡོད།

འཕྱོངས་རྒྱས་རྫོང་གིས་ཤང་དང་གྲོང་རྡལ་མངགས་གཏོང་ཁང་དང་། ཁྲིམས་འཛིན་ཁང། ཡིག་འབུལ་ཞུ་བཅར་གཞུང་ལས་ཁང་། མངགས་གཏོང་ཁྲིམས་ར་སོགས་སྡེ་ཚན་གྱི་འགན་འཁྲི་བསྡུ་སྒྲིལ་ཧུར་ཐག་བྱས་ཏེ། ཤ་གསོས་ཤང་ཚོད་ལྟའི་ས་ཚིགས་སུ་བྱས་ནས་རྫོང་ཡོངས་སུ“སྐར་ཁུང་ཅན་དང་། ཕྱོགས་བསྡུས་རང་བཞིན། གཅིག་འཐུས་རྣམ་པ”བཅས་ཀྱི་གཞི་རིམ་ཕྱོགས་བསྡུས་བཅོས་སྐྱོང་ས་ཚིགས་ཁྱབ་གདལ་བཏང་བ་དང་། “བཅའ་ཁྲིམས་ཁྱབ་གདལ་ས་ཚིགས”གཞི་རྟེན་དུ་བྱས་ནས་བཅའ་ཁྲིམས་ཁྱབ་གདལ་གྱི“མངགས་ཐོའི་རྣམ་པའི”ཞབས་ཞུ་གསར་གཏོད་བྱས་ཏེ། མང་ཚོགས་ཀྱི“མངགས་ཐོ་མངགས་པ”དང་། ཞབས་ཞུའི་ས་ཚིགས་ཀྱིས“མངགས་ཐོ་སྐྱེལ་བ” བཅའ་ཁྲིམས་ཁྱབ་གདལ་མི་སྣས“མངགས་ཐོ་ལེན་པ”བཅས་ཀྱི་ལས་ཀ་བྱེད་སྟངས་བརྒྱུད་མང་ཚོགས་ཀྱི་བཅའ་ཁྲིམས་ཤེས་བྱའི་དགོས་མཁོའི་འགུལ་རྣམ་ཆ་འཕྲིན་མཛོད་བཟོས་ནས་བཅའ་ཁྲིམས་ཁྱབ་གདལ་དྲིལ་བསྒྲགས་དང་འགལ་ཟླ་རྩོད་གཞི་སྔོན་འགོག་དང་སེལ་བའི་ལས་དོན་ཡག་པོ་བསྒྲུབས་ཡོད། མིག་སྔར་རིམ་རྩིས་བྱས་ན་སྒོ་རྩར་བཅའ་ཁྲིམས་ཁྱབ་གདལ་ཐེངས་15དང་འགལ་ཟླའི་རྩོད་གཞི་13ཐག་གཅོད་བྱས་པ་རེད།