《ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་གི་དཔེ་ཚོགས》དེབ་དྲུག་པ་ནས་བཅུ་པ་བར་དཔེ་སྐྲུན་འགྲེམས་སྤེལ་བྱས་པ།
ཤིན་ཧྭ་གསར་འགྱུར་ཁང་པེ་ཅིང་ནས་གློག་འཕྲིན་འབྱོར་གསལ། ཉེ་ཆར་ཀྲུང་གུང་ཀྲུང་དབྱང་ཏང་གི་ལོ་རྒྱུས་དང་ཚད་ལྡན་ཡིག་ཆ་ཞིབ་འཇུག་ཁང་གིས་རྩོམ་སྒྲིག་བྱས་པའི《ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་གི་དཔེ་ཚོགས》དེབ་དྲུག་པ་ནས་བཅུ་པ་བར་ཀྲུང་དབྱང་ཚད་ལྡན་ཡིག་ཆ་དཔེ་སྐྲུན་ཁང་གིས་དཔེ་སྐྲུན་བྱས་ནས་རྒྱལ་ཡོངས་སུ་བཀྲམ་པ་རེད།
དཔེ་ཚོགས་དེའི་དེབ་དྲུག་པ་ནས་བཅུ་པའི་བར་གྱི་ནང་ཀྲུང་དབྱང་ཏང་གི་ལོ་རྒྱུས་དང་ཚད་ལྡན་ཡིག་ཆ་ཞིབ་འཇུག་ཁང་གིས་2020ལོ་ཚུན་དུ་རྩོམ་འབྲི་སྒྲིག་འཛུགས་བྱས་པ་མ་ཟད་མི་དམངས་ཉིན་རེའི་ཚགས་པར་དང《བདེན་འཚོལ》དུས་དེབ་སོགས་སུ་སྤེལ་བའི་ཡིག་འབྲུ་ཁྲི་23ཙམ་ཟིན་པའི་རིགས་པའི་གཞུང་ལུགས་དྲིལ་བསྒྲགས་ཀྱི་རྩོམ་ཡིག་ཁག་31བསྡུས་ཡོད། རྩོམ་ཡིག་དེ་དག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་འབྲེལ་ཡོད་རྣམ་བཤད་གལ་ཆེན་སློབ་སྦྱོང་དང་གོ་བ་གཏིང་ཟབ་ལེན་པར་དམིགས་ཏེ་དེའི་ནང་འདུས་པའི་གནས་ལུགས་དང་། ཚན་རིག་གི་རིགས་པའི་གཞུང་ལུགས། མཚན་ཉིད་རིག་པ་བཅས་གསལ་འགྲེལ་བྱས་པར་བསམ་བློ་གཏོང་རིན་དང་ཀློག་རིན་ཧ་ཅང་ཆེན་པོ་ཡོད། དཔེ་ཚོགས་དེའི་དེབ་དང་པོ་ནས་ལྔ་པའི་བར་2020ལོར་དཔེ་སྐྲུན་འགྲེམས་སྤེལ་བྱས་པ་རེད།