ཟླ་12ཚེས་23ཉིན། ཧྲན་ཏུང་ཞིང་ཆེན་ཐེང་ཀྲོའུ་གྲོང་ཁྱེར་མཛེས་རྩལ་ཁང་དང་རྟེན་མཛོད་ཁང་སོགས་ཀྱི་མངོན་མིན་རིག་གནས་ཤུལ་བཞག་རྒྱུན་འཛིན་རྟེན་གཞིར། ཆིང་ཧྭ་སློབ་ཆེན་རྒྱལ་སྤྱིའི་འཛིན་གྲྭར་སློབ་སྦྱོང་བྱེད་པའི་ཕ་ཁི་སི་ཐན་དང་། ནེ་པ་ལ། ཧོ་ལན་སོགས་ཀྱི་རྒྱལ་ཁབ་20ནས་ཡོང་བའི་སློབ་མ་30ཡིས་མངོན་མིན་རིག་གནས་ཤུལ་བཞག་གི་ལག་རྩལ་རྒྱུན་འཛིན་པའི་ས་ནས་ཤོག་དྲས་དང་ཡིག་གཟུགས་སྦྱངས་པ་དང་། ལུའུ་པན་རིག་གནས་དང་ཐེང་ཀྲོའུ་རིག་དངོས་འགྲེམས་སྟོན་ལ་བལྟས་ཏེ་བར་ཐག་ཉེ་ས་ནས་ཀྲུང་ཧྭའི་སྲོལ་རྒྱུན་རིག་གནས་ཀྱི་ངོ་མཚར་མྱོང་རོལ་བྱས་པ་རེད། འདི་ནི་ཧྲན་ཏུང་ཞིང་ཆེན་ཐེང་ཀྲོའུ་གྲོང་ཁྱེར་རྟེན་མཛོད་ཁང་གི་མངོན་མིན་རིག་གནས་ཤུལ་བཞག་རྒྱུན་འཛིན་རྟེན་གཞིར་ཕྱི་རྒྱལ་གྱི་སློབ་མས་ཀྲུང་གོའི་ཤོག་དྲས་སྟོན་བཞིན་པ།