བོད་རང་སྐྱོང་ལྗོངས་བུ་བཙའ་དང་བྱིས་པའི་སྨན་ཁང(བོད་རང་སྐྱོང་ལྗོངས་མ་བུ་བདེ་སྲུང་སྨན་ཁང)གི་འགོག་ཁབ་HPVརྒྱག་རྒྱུའི་སྤྱི་བསྒྲགས།

མིའི་ནུ་ཏོག་སྐྲན་གྱི་ནད་དུག་འགོག་ཁབ་HPVལ་མངལ་སྐེའི་འབྲས་སྐྲན་འགོག་པའི་སྨན་ཁབ་ཅེས་ཀྱང་བརྗོད་ཀྱི་ཡོད། མིག་སྔར། རང་སྐྱོང་ལྗོངས་བུ་བཙའ་དང་བྱིས་པའི་སྨན་ཁང་ལ་མི་80ལ་འདང་བའི་ནད་རིགས་དགུ་འགོག་པའི་སྨན་ཁབ་HPVདང་། མི་80ལ་འདང་བའི་ནད་རིགས་བཞི་འགོག་པའི་སྨན་ཁབ་HPVརག་ཡོད་པས། སྨན་ཁབ་རྒྱག་དགོས་མཁན་ཚོས་སྐད་འཕྲིན་གྱི་བྱ་རིམ་ཆུང་ངུ་ནས་འགོག་ཁབ་HPVཡི་ཨང་ཀི་བཀག་སྟེ་སྨན་ཁབ་གཟེད་ཆོག འདིར་སྨན་ཁབ་རྒྱག་པའི་འབྲེལ་ཡོད་དོན་ཚན་སྤྱི་བསྒྲགས་བྱེད་པ་གཤམ་གསལ།

01

སྨན་ཁབ་རྒྱག་ཆོག་པའི་མི་དང་རྒྱག་ཐེངས།

འགོག་ཁབ་HPVརྒྱག་ཆོག་པའི་མི་ཚོགས་ནི་ལོ་9ནས་45བར་གྱི་བུད་མེད་ཡིན་པ་དང་། སྨན་ཁབ་ཐེངས་དང་པོ་གཟེད་ནས་ཟླ་བ་གཉིས་སོང་རྗེས་སྨན་ཁབ་ཐེངས་གཉིས་པ་གཟེད་དགོས་པ་དང་། དེ་རྗེས་ཟླ་བ་དྲུག་སོང་རྗེས་སྨན་ཁབ་ཐེངས་གསུམ་པ་གཟེད་དགོས། རིམས་འགོག་སྨན་ཁབ་ཐེངས་གསུམ་པོ་ལོ་1ནང་གཟེད་ཚར་བ་བྱེད་དགོས།

02

ཨང་ཀི་བཀག་པའི་དུས་ཚོད།

2023ལོའི་ཟླ་12ཚེས་25ཉིན་རྗེས་ཀྱི་གཟའ་འཁོར་རེའི་གཟའ་མིག་དམར་དང་ཕུར་བུའི་ཉིན་དགུང་གི་ཆུ་ཚོད་13:00ནས་ཨང་ཀི་བཀག་ཆོག་གི་ཡོད།

03

སྨན་ཁབ་རྒྱག་པའི་དུས་ཚོད་དང་མི་གྲངས།

གཟའ་འཁོར་རེའི་གཟའ་མིག་དམར་དང་ཕུར་བུའི་ཆུ་ཚོད་15:30-17:30བར་ནི་སྨན་ཁབ་གཟེད་པའི་དུས་ཚོད་ཡིན་པ་དང་། ནད་རིགས་བཞི་འགོག་པ་དང་ནད་རིགས་དགུ་འགོག་པའི་སྨན་ཁབ་སོ་སོར་མི་20ཡི་ཚད་གཞི་ལས་མེད། སྐད་འཕྲིན་ནས་ཨང་ཀི་བཀག་དགོས་པ་ལས་སྨན་ཁང་དུ་ཨང་ཀི་བཀག་ས་མེད།

04

སྨན་ཁབ་རྒྱག་པའི་གོ་རིམ་དང་སྨན་ཁབ་རྒྱག་ཡུལ།

ཨང་ཀི་བཀག་ཐུབ་རྗེས། མི་སྒེར་གྱི་གོ་ཆོད་ཐོབ་ཐང་ལག་ཁྱེར་ཁྱེར་ཏེ་རང་སྐྱོང་ལྗོངས་བུད་མེད་དང་བྱིས་པའི་སྨན་ཁང་གི་སྔོན་འགོག་སྨན་ཁབ་རྒྱག་སའི(སྒོ་བསྟེན་ཐོག་ཁང་གི་ཐོག་སོ་གཉིས་པ)སྨན་བཅོས་ཁང་གི་སྒོ་རྟགས་གཉིས་པར་ཕྱིན་ནས་སྤ་སེ་བླངས་ཏེ་སྨན་རིན་སྤྲོད་དགོས་པ་དང་། དེ་ནས་རིགས་གཉིས་པའི་རིམས་འགོག་སྨན་ཁབ་རྒྱག་སར་སྨན་ཁབ་གཟེད་པར་འགྲོ་དགོས། གྲོང་ཁྱེར་དང་གྲོང་རྡལ་གྱི་ལས་བཟོ་ཡིན་ཚེ་སྨན་བཅོས་འགན་བཅོལ་ནས་སྨན་རིན་སྤྲོད་ཆོག་པ་དང་། ཞིང་འབྲོག་མང་ཚོགས་ཡིན་ཚེ་དངུལ་སྨར་རམ་ཡང་ན་སྐད་འཕྲིན་ནས་དངུལ་སྤྲོད་དགོས། 

05

སྨན་ཁབ་ཀྱི་གོང་ཚད།

ནད་རིགས་དགུ་འགོག་པའི་སྨན་ཁབ་ཀྱི་རིན་གོང་ནི་རྒྱག་ཐེངས་རེར་སྒོར་1308ཡིན་པ་དང་། 《འགོག་ཁབ་ཀྱི་རིན་གོང་དོ་དམ་སྐོར་གྱི་བརྡ་ཐོ》[བོད་འཕེལ་སྒྱུར་གྱི་རིན་གོང(2014ལོའི)ཡིག་ཨང་716པ]ལྟར། རྒྱག་ཐེངས་རེར་སྒོར་88.5འཐོལ་པ་བསྡུ་ཡི་ཡོད་པས། རྒྱག་ཐེངས་རེར་ཁྱོན་སྒོར་1396.5སྤྲོད་དགོས་ཀྱི་ཡོད།

ནད་རིགས་བཞི་འགོག་པའི་སྨན་ཁབ་ཀྱི་རིན་གོང་ནི་རྒྱག་ཐེངས་རེར་སྒོར་808ཡིན་པ་དང་། 《འགོག་ཁབ་ཀྱི་རིན་གོང་དོ་དམ་སྐོར་གྱི་བརྡ་ཐོ》[བོད་འཕེལ་སྒྱུར་གྱི་རིན་གོང(2014ལོའི)ཡིག་ཨང་716པ]ལྟར། རྒྱག་ཐེངས་རེར་སྒོར་88.5འཐོལ་པ་བསྡུ་ཡི་ཡོད་པས། རྒྱག་ཐེངས་རེར་ཁྱོན་སྒོར་896.5སྤྲོད་དགོས་ཀྱི་ཡོད།

བྱ་རིམ་ཆུང་ངུ་ནས་ཨང་ཀི་བཀག་ཐབས།