ཟླ་10ཚེས་17ཉིན། ཧིན་རྡུ་ཉི་ཞི་ཡའི་རྒྱལ་ས་ཅ་ཁར་ཐ་དང་ཡུལ་སྐོར་གྲོང་ཁྱེར་གྲགས་ཅན་དབན་ལུང་སྦྲེལ་མཐུད་བྱས་པའི་ཅ་ཁར་ཐ་ནས་དབན་ལུང་བར་གྱི་མྱུར་བགྲོད་ལྕགས་ལམ་དངོས་སུ་གཉེར་འགོ་ཚུགས་ཤིང་། དེ་ནི་ཀྲུང་གོ་དང་ཧིན་རྡུ་ཉི་ཞི་ཡའི“རྒྱུད་གཅིག་ལམ་གཅིག”མཉམ་སྐྲུན་མཉམ་ལས་ཀྱི་ལྟེ་བའི་རྣམ་གྲངས་ཤིག་རེད། འདི་ནི་ཟླ་9ཚེས་30ཉིན། ཧིན་རྡུ་ཉི་ཞི་ཡའི་ཕུའུ་ཝ་ཅ་ཏ་ནས་པར་བརྒྱབ་པའི་ཅ་ཁར་ཐ་ནས་དབན་ལུང་བར་གྱི་མྱུར་བགྲོད་ལྕགས་ལམ་དུ་སྐྱོད་བཞིན་པའི་ཤུགས་འགྲེམས་མེ་འཁོར་ཡིན་པ།

ཟླ་11ཚེས་10ཉིན། ཀྲུང་གོ་མཁའ་འགྲུལ་ལག་རྩལ་རྒྱལ་སྤྱིའི་ལས་གྲྭ་ཚད་ཡོད་ཀུང་སིས་སྐྲུན་འགན་འཁུར་བའི་ཨན་ཀོ་ལའི་ཨན་ཏུང་ཉི་ཨའོ·ཨ་ཀེ་ཧྲེན་ཏི་ཉིའུ·ནེ་ཐུའུ་པོ་ཧྲི་རྒྱལ་སྤྱིའི་གནམ་ཐང་གི་མཁའ་ལམ་ཤར་གཏོང་ཐུབ་པའི་མཛད་སྒོ་ཨན་ཀོ་ལའི་རྒྱལ་ས་ལུ་ཨན་ཏ་རུ་འཚོགས་པ་ལས། གནམ་ཐང་གི་ཟོག་འདྲེན་བྱེད་ནུས་དངོས་སུ་སྤྱོད་འགོ་ཚུགས་པ་མཚོན་གྱི་ཡོད། གནམ་ཐང་དེ་ལུ་ཨན་ཏའི་གྲོང་ཁུལ་གྱི་ཤར་ལྷོའི་སྤྱི་ལེ་40ཡི་སར་གནས་པ་དང་ལོར་ཡུལ་སྐོར་བ་མི་ཐེངས་ཁྲི་1500དང་དངོས་ཟོག་ཏུན་ཁྲི་13དབོར་གྱི་ཡོད་ཅིང་། རྒྱལ་ནང་དང་རྒྱལ་སྤྱིའི་འགྲུལ་སྐྱེལ་བྱེད་ནུས་སང་ལོའི་ཟླ་2ཚེས་6ཉིན་དངོས་སུ་སྤྱོད་འགོ་ཚུགས་རྒྱུ་རེད། འདི་ནི་ཟླ་10ཚེས་21ཉིན། པར་བརྒྱབ་པའི་ཨན་ཀོ་ལའི་རྒྱལ་ས་ལུ་ཨན་ཏར་གནས་པའི་ཨན་ཏུང་ཉི་ཨའོ·ཨ་ཀར་ཧྲེན་ཏི་ཉིའུ·ནེ་ཐུའུ་པོ་ཧྲི་རྒྱལ་སྤྱིའི་གནམ་ཐང་ཡིན་པ།

ཀྲུང་གོ་འཛུགས་སྐྲུན་མ་རྐང་ཚད་ཡོད་ཀུང་སི་ཨེ་ཅིབ་ཡན་ལག་ཀུང་སིས་སྐྲུན་འགན་འཁུར་བའི་ཨེ་ཅིབ་ཀྱི་སྲིད་འཛིན་རྒྱལ་ས་གསར་པའི་ལྟེ་བའི་ཚོང་དོན་ཁུལ་གྱི་རྣམ་གྲངས་རྒྱལ་ས་ཁེ་རོའི་ཤར་རྒྱུད་ཀྱི་བར་ཐག་སྤྱི་ལེ་50ཡི་སར་གནས་པ་དང་། སྤྱིའི་རྒྱ་ཁྱོན་སྨི་ངོས་གྲུ་ཁྲི་50.5ཟིན་པ་དང་། དེའི་ནང་ཐོག་བརྩེགས་མང་བའི་འཛུགས་སྐྲུན་དང་དེ་བཞིན་ལེ་ལག་ཚང་བའི་གྲོང་སྲིད་ལས་གྲྭ་20ཚུད་ཡོད། དེའི་ཁྲོད་ཀྱི་ཡིད་དབང་འཕྲོག་ཤོས་ནི“མཚོན་རྟགས་ལྕགས་སྒྲོམ”གྱི་རྣམ་གྲངས་ཡིན་པ་དང་ལྕགས་སྒྲོམ་གྱི་མཐོ་ཚད་སྨི་385.8ཟིན་ནས། ཨ་ཧྥེ་རི་ཁའི་ཐོག་བརྩེགས་ཁང་ཆེན་དང་པོ་ཞེས་བརྗོད་ཀྱི་ཡོད། འདི་ནི་ཟླ་9ཚེས་11ཉིན། ཨེ་ཅིབ་ཀྱི་ཁེ་རོའི་ཤར་རྒྱུད་ནས་པར་བརྒྱབ་པའི་སྐྲུན་བཞིན་པའི་སྲིད་འཛིན་རྒྱལ་ས་གསར་པའི་ལྟེ་བའི་ཚོང་དོན་ཁུལ་ཡིན་པ།

ཀྲུང་གོ་འགྲིམ་འགྲུལ་འཛུགས་སྐྲུན་མ་རྐང་ཚད་ཡོད་ཀུང་སིས་སྐྲུན་འགན་འཁུར་བ་དང་ཀྲུང་གོ་ལམ་ཟམ་ལས་གྲྭ་ཚད་ཡོད་འགན་འཁྲི་ཀུང་སིས་ལག་བསྟར་བྱེད་འགན་འཁུར་བའི་ཨེ་ཤེ་ཡ་ལྷོ་མའི་ས་ཁུལ་གྱི་ཆུ་འོག་ཕུག་ལམ་སྟེ། བྷང་ག་ལའི་ཁ་ནེ་ཕུའུ་ལི་གཙང་པོའི་ཕུག་ལམ་རྣམ་གྲངས་ལེགས་གྲུབ་བྱུང་ནས་ཟླ་10ཚེས་28ཉིན་རླངས་འཁོར་དངོས་སུ་ཤར་གཏོང་ཐུབ་ཡོད། ཅིས་ཏ་གྲུ་ཁའི་གནམ་ཐང་ནས་བཟོ་ལས་གླིང་བར་གྱི་རླངས་འཁོར་གྱི་ལམ་ཐག་ཆུ་ཚོད་4ཡིན་པ་ནས་སྐར་མ་20བར་ཐུང་དུ་ཕྱིན་པ་མ་ཟད། ད་དུང་ཡུལ་དེའི་འགྲིམ་འགྲུལ་ལེགས་སུ་ཤུགས་ཆེན་ཕྱིན་ནས། བྷང་ག་ལ་དང་ཉེ་འཁོར་རྒྱལ་ཁབ་ཕན་ཚུན་སྦྲེལ་མཐུད་ལ་སྐུལ་འདེད་བཏང་ཡོད། འདི་ནི་ཟླ་10ཚེས་29ཉིན། བྷང་ག་ལའི་ཅིས་ཏ་གྲུ་ཁའི་གྲོང་ཁྱེར་གྱི་ཁ་ནེ་ཕུའུ་ལི་གཙང་པོའི་ཕུག་ལམ་དུ་རླངས་འཁོར་སྐྱོད་བཞིན་པ།

ཨ་ཧྥེ་རི་ཁའི་ནུབ་རྒྱུད་དུ་གནས་པའི་སེ་ནེ་ཀལ་གྱི་གནམ་གཤིས་ཚ་བ་ཆེ་ཞིང་། རྒྱལ་ས་ཏ་ཁར་ལ་སྔར་ནས་བཟུང་ཆུའི་ཐོན་ཁུངས་དཀོན་པའི་དཀའ་ངལ་ཕྲད་ཡོད། དེ་དང་ཆབས་ཅིག་ཏ་ཁར་གྲོང་ཁྱེར་གྱི་ཆུ་མཁོ་འདོན་མདོང་ལམ་རྙིང་པ་ཆགས་པ་དང་བཙའ་བརྒྱབ་ནས་ཆུ་འཛག་པའི་གནས་ཚུལ་ཚབས་ཆེན་ཐོན་ཏེ་ཆུའི་ཐོན་ཁུངས་འབོར་ཆེན་འཕྲོ་བརླག་འགྲོ་གི་ཡོད། དཀའ་གནད་དེ་དག་ཐག་གཅོད་བྱ་ཆེད། ཀྲུང་གོ་གློག་སྐྲུན་ཚོགས་པ་གྲུ་ཁ་འཛུགས་སྐྲུན་ཚད་ཡོད་ཀུང་སིས་སྐྲུན་འགན་འཁུར་བའི་ཏ་ཁར་ཆུ་མཁོ་འདོན་རྣམ་གྲངས་2021ལོའི་ཟླ་9པར་དངོས་སུ་སྤེལ་འགོ་ཚུགས་ཡོད། རྣམ་གྲངས་དེས་ཏ་ཁར་གྲོང་ཁུལ་གྱི་ཆུའི་མདོང་ལམ་ལ་སྒྱུར་བཀོད་བྱས་པ་དང་། དེའི་དམིགས་ཡུལ་ནི་ཆུ་འཕྲོ་བརླག་འགྲོ་ཉུང་དུ་གཏོང་བ་དང་ཆུའི་ཐོན་ཁུངས་སྤྱོད་ཚད་ཆེ་རུ་བཏང་ནས། ཡུལ་དེའི་གྲོང་མིར་ཆུ་འགན་ལེན་ཐུབ་ཆེད་རེད། འདི་ལོའི་ཟླ་10པར་ཏ་ཁར་གྱི་ཁྲོམ་གཞུང་ཁག་གཅིག་གི་ཆུའི་མདོང་ལམ་ཉམས་བཟོ་བྱས་ནས་ཡུལ་དེའི་གྲོང་མིར་ཆུ་སྤྱོད་པའི་གནད་དོན་ཐག་གཅོད་བྱེད་རོགས་བྱས་ཡོད། འདི་ནི་ཟླ་11ཚེས་1ཉིན། ཡུལ་དེའི་བཟོ་པས་སེ་ནེ་ཀལ་གྱི་རྒྱལ་ས་ཏ་ཁར་གྱི་ཆུ་མཁོ་འདོན་ལས་གྲྭའི་རྣམ་གྲངས་ཀྱི་ལས་ཡུལ་དུ་ལས་ཀ་བྱེད་བཞིན་པ།

ཀྲུང་གོ་ཀྲུང་ཧྲེ་ཚོགས་པས་སྤྱིའི་སྐྲུན་འགན་འཁུར་བའི་ཝུ་ར་ཀུའེ་ཡི་ཆན་ཧྥུའུ་500ཡི་གློག་སྐྱེལ་གློག་སྒྱུར་རྣམ་གྲངས་སྐྲུན་བཞིན་པ་དང་། རྣམ་གྲངས་དེ་བསྐྲུན་རྗེས་ཝུ་ར་ཀུའེ་ལ“མཉེན་ཆ་དེ་བས་ཆེ་བའི”རྒྱལ་ཡོངས་ཀྱི་གློག་གཏོང་དྲ་རྒྱ་གཏོད་རོགས་བྱས་ནས། ཝུ་ར་ཀུའེ་ཡི་ས་ཆ་མི་འདྲ་བས་ཆུ་ནུས་དང་། རླུང་ནུས། ཉི་ནུས། སྐྱེ་དངོས་ནུས་པ་བཅས་ཀྱི་གློག་ནུས་གཙང་མ“བགོ་ཆོག་པ་དང་གློག་སྐྱེལ་ནུས་རྒྱུར”གྱུར་པར་བྱས་ཏེ། ཝུ་ར་ཀུའེ་ཡིས་ཨ་ཀེན་ཐིན་དང་པར་ཙིར་སོགས་ཁྱིམ་མཚེས་རྒྱལ་ཁབ་དང་དེ་བས་ལེགས་པའི་ངང་སྦྲེལ་མཐུད་ཐུབ་པ་མ་ཟད། ཝུ་ར་ཀུའེ་ཡི་ཚོང་དོན་དང་མ་དངུལ་འཕེལ་རྒྱས་ལ་རམ་འདེགས་ཀྱང་བྱས་ཡོད། འདི་ནི་ཟླ་11ཚེས་15ཉིན། ཝུ་ར་ཀུའེ་ཡི་ཕའེ་སང་ཏུའུ་ཞིང་ཆེན་ནས་པར་བརྒྱབ་པའི་ཝུ་ར་ཀུའེ་ཡི་ཆན་ཧྥུའུ་500ཡི་གློག་སྐྱེལ་གློག་སྒྱུར་རྣམ་གྲངས་བསྐྲུན་ཡུལ་ཡིན་པ།

མ་ལེ་ཞི་ཡའི་ཤར་རྒྱ་མཚོའི་ངོགས་ཀྱི་ལྕགས་ལམ་གྱི་སྤྱིའི་རིང་ཚད་སྤྱི་ལེ་600ལྷག་ཙམ་ཟིན་ནས་མ་ལེ་ཞི་ཡའི་ཤར་ནུབ་རྒྱ་མཚོའི་ངོགས་སྦྲེལ་བའི“སྐམ་སའི་ཟམ་ཆེན”ཞེས་བརྗོད་པ་དང་། དེ་བསྐྲུན་པས་མ་ལེ་ཞི་ཡའི་ཤར་རྒྱ་མཚོའི་ངོགས་ཀྱི་ས་ཁུལ་གྱི་དཔལ་འབྱོར་འཕེལ་རྒྱས་ལ་སྐུལ་ཁྲིད་བྱས་པ་དང་ཆབས་ཅིག ལམ་རྒྱུད་ས་ཁུལ་གྱི་ཕན་ཚུན་སྦྲེལ་མཐུད་ཀྱི་ཆུ་ཚད་ཀྱང་མཐོ་རུ་ཕྱིན་ཡོད། དེ་ནི་ཀྲུང་གོ་དང་མ་ལེ་ཞི་ཡ་རྒྱལ་ཁབ་གཉིས་ཀྱི“རྒྱུད་གཅིག་ལམ་གཅིག”མཉམ་སྐྲུན་གྱི་གཙོ་གནད་རྣམ་གྲངས་ཤིག་རེད། འདི་ནི་ཟླ་12ཚེས་11ཉིན། མ་ལེ་ཞི་ཡའི་ཕོང་ཧོང་ཀྲོའུ་ཡི་ལྟེ་བའི་གྲོང་ཁྱེར་ཀོན་ཏན་ནས་པར་བརྒྱབ་པའི་མ་ལེ་ཞི་ཡའི་ཤར་རྒྱ་མཚོའི་ངོགས་ཀྱི་ལྕགས་ལམ་རྣམ་གྲངས་བསྐྲུན་འགོ་ཚུགས་པའི་མཛད་སྒོ་འཚོག་ཡུལ་ཡིན་པ།