མཚོ་སྔོན་ཉིན་རེའི་ཚགས་པར་ཐོག་གནས་ཚུལ་སྤེལ་བར་གཞིགས་ན། མཚོ་སྔོན་ཞིང་ཆེན་མཚོ་ནུབ་སོག་རིགས་བོད་རིགས་རང་སྐྱོང་ཀྲོའུ་གཏེར་ལེན་ཁ་གྲོང་ཁྱེར་གྱིས་ཏང་ཡོན་ལས་བྱེད་པའི་སློབ་སྦྱོང་གི་དགོས་མཁོ་ཕྱོགས་སྟོན་དུ་བྱེད་པ་དང་། བརྙན་འཕྲིན་སློབ་གསོའི་རྒྱང་ཁྲིད་ནུས་པའི་ལེགས་ཆ་འདོན་སྤེལ་གང་ལེགས་བྱེད་པ། ཏང་ཡོན་ལས་བྱེད་དང་མང་ཚོགས་ལ་ཞབས་འདེགས་ཞུ་བའི་བར་མཐོངས་རྒྱ་ཆེར་གཏོང་བ་བཅས་བྱས་ཏེ་རྒྱང་ཁྲིད་སློབ་གསོའི“སྐར་ཁུང་ཆུང་ངུར”བརྟེན་ནས་ཏང་ཡོན་སློབ་གསོའི་ནུས་པ་ཆེན་པོ་འདོན་སྤེལ་བྱས་པ་རེད།

རྨང་གཞིར་འགན་ལེན་ཏན་ཏིག་བྱས་ནས་མི་སེམས་འགུག་ཤུགས་ཆེ་རུ་བཏང་ཞིང་། “སྟོབས་ཆེན་བཞི་དང་མཐོར་གཏོང་བཞིའི”དཔེ་སྟོན་ས་ཚིགས་གཏོད་པའི་ལས་དོན་དང་ཟུང་འབྲེལ་གྱིས་རྒྱང་ཁྲིད་སློབ་གསོའི་དཔེ་སྟོན་ས་ཚིགས་11བཏོད་དེ“AB”ལས་གནས་ཀྱི་འགུལ་རྣམ་དོ་དམ་ལམ་སྲོལ་ལག་ལེན་བསྟར་བ་དང་། དུས་ཐོག་ཏུ་ས་ཚིགས་ཀྱི་སྒྲིག་ཆས་ལ་དོ་དམ་དང་ཞིབ་བཤེར་བྱེད་པ། སྒྲིག་ཆས་ཀྱི་གནད་དོན་3ཐག་གཅོད་བཅས་བྱས་ནས་རྒྱང་ཁྲིད་སློབ་གསོའི་ས་ཚིགས་འཁོར་རྒྱུག་རྒྱུན་གཏན་ཐུབ་པར་འགན་ལེན་བྱས་པ་རེད།

ཏང་གཤིས་ཀྱི་སློབ་གསོར་བརྟེན་ནས་རང་འགུལ་གྱི་ནུས་པ་ཆེ་རུ་བཏང་ཞིང་། ཏང་ཡོན་དང་མང་ཚོགས་སྒྲིག་འཛུགས་བྱས་ནས“ཏང་གི་སློབ་ཚན་ཁྲིད་འགོ་ཚུགས་སོང”དང“རྒྱལ་ཡོངས་ཀྱི་ཕུལ་བྱུང་བརྙན་འཕྲིན་སློབ་གསོའི་གློག་བརྙན”སོགས་ཀྱི་ལེ་ཚན་500ལྷག་ཙམ་བལྟས་པ་དང་། “གཏེར་ལེན་ཁའི་ཏང་འཛུགས་སྐྱོང”ཞེས་པར་རྩེར་སོན་ལེ་ཚན་ཐེངས་90ལྷག་ཙམ་བཏང་ཡོད། དུས་རབས་གསར་པའི་ཤེས་དཔལ་ལག་ལེན་བསྟར་ཡུལ་དང་“སེ་འབྲུའི་འབྲུ་གུ་ལྟ་བུའི་ཁྱིམ་གཞིས”སོགས་སུ་བརྙན་འཕྲིན་སློབ་གསོ་དང་རྒྱང་ཁྲིད་སློབ་གསོ་བེད་སྤྱོད་བྱེད་ཁྱོན་ཆེ་རུ་བཏང་ནས་ཞིང་འབྲོག་མང་ཚོགས་ཏང་ཡོན་གྱི་དགུན་དཔྱིད་གསོ་སྦྱོང་དང་ཏང་ཡོན་འཕེལ་རྒྱས་གཏོང་བའི་གསོ་སྦྱོང་སོགས་ཐེངས་9སྤེལ་ཏེ་ཏང་ཡོན་གྱི་སློབ་གསོ་དེ“གཞན་དབང་དུ་ཁྲིད་པ”ནས“རང་འགུལ་ངང་མཉམ་འདྲེས་བྱེད་པར”འགྱུར་རྒྱུར་སྐུལ་འདེད་བཏང་ཡོད།

གྲུབ་འབྲས་གཞན་སྒྱུར་ལ་སྣང་ཆེན་བྱས་ནས་དམག་འཐབ་ཀྱི་ནུས་པ་ཆེ་རུ་བཏང་ཞིང་། གྲོང་ཁྱེར་རིམ་པའི་དྲ་རྒྱའི་ལས་སྟེགས་ཀྱི་གཞི་རྟེན་ལ་བརྟེན་ནས་བརྙན་འཕྲིན་སློབ་གསོ་དང་རྒྱང་ཁྲིད་སློབ་གསོ་དེ“ཚོགས་འདུ་གསུམ་དང་སློབ་ཚན་གཅིག”དང་བརྗོད་དོན་གཙོ་བོའི་ཏང་གི་ཉིན་མོ་སོགས་དང་མཉམ་འདྲེས་བྱས་ཤིང་། བློ་མཐུན་ཀྲུའུ་ཀྲེ་གོའི་སྔོན་ཐོན་བྱས་རྗེས་སློབ་སྦྱོང་དང་དྲིལ་བསྒྲགས་ཐེངས་24བྱས་པ་རེད། ས་གནས་རང་གི་རྒྱུ་ཆ་སྔོག་འདོན་གཏིང་ཟབ་བྱས་ནས་སྔོན་ཐོན་དཔེ་མཚོན་གྱི་ཆེད་དོན་པར་གཞི་5པར་ལེན་ཞིབ་ཚགས་བྱས་ཏེ་བརྙན་འཕྲིན་སློབ་གསོ་དང་རྒྱང་ཁྲིད་སློབ་གསོའི་སྦྱོང་སྤྱོད་ཀྱི་གྲུབ་འབྲས་གཞན་སྒྱུར་ཐུབ་རྒྱུར་སྐུལ་འདེད་བཏང་ཡོད།