ཟླ་12ཚེས་8ཉིན་གསར་འགོད་པར་ཤེས་རྟོགས་བྱུང་བར། ཁྲེང་ཀོན་ཆུས་སློབ་ཆུང་བཅུ་པ་2024ལོའི་ཟླ་8པར་དངོས་སུ་སྤྱོད་འགོ་ཚུགས་རྒྱུ་རེད་འདུག

ཁྲེང་ཀོན་ཆུས་སློབ་ཆུང་བཅུ་པའི་རྣམ་གྲངས་ཀྱི་འཆར་འགོད་པར་རིས།

ཁྲེང་ཀོན་ཆུས་སློབ་ཆུང་བཅུ་པའི་རྣམ་གྲངས་འཛུགས་སྐྲུན་བྱ་ཡུལ་དུ་བཟོ་པ་ཚོས་རྒྱུ་ཆ་དབོར་གྱིན་བྲེལ་བརྩོན་ཆེན་པོས་ཨར་པོ་རྒྱག་བཞིན་འདུག

སློབ་གྲྭ་སྐྲུན་བཞིན་པ།

ཤེས་རྟོགས་བྱུང་བར་གཞིགས་ན། ཁྲེང་ཀོན་ཆུས་སློབ་ཆུང་བཅུ་པ་གྲོང་སྐོར་བྱང་ལམ་གྱི་བྱང་ངོས་དང་སེ་ར་ལམ་གྱི་ནུབ་ངོས་སུ་ཡོད་པ་དང་། རྣམ་གྲངས་ཀྱི་སྤྱིའི་འཛུགས་སྐྲུན་གྱི་རྒྱ་ཁྱོན་ལ་སྨི་ངོས་གྲུ་17123.45ཟིན་ཞིང་། དེར་སློབ་ཁྲིད་ཐོག་ཁང་དང་། ཕྱོགས་བསྡུས་ཐོག་ཁང་། ཟ་ཁང་། ལུས་རྩལ་ཐང་སོགས་ཡོད། སྔོན་དཔག་བྱས་ན་2024ལོའི་ཟླ་བརྒྱད་པར་བེད་སྤྱོད་གཏོང་འགོ་ཚུགས་རྒྱུ་ཡིན་པ་དང་སློབ་ཁང་36ཡོད་པར་སློབ་མ་1620ཙམ་ཞུགས་ཐུབ་ཀྱི་ཡོད་པ་རེད།

ཁྲེང་ཀོན་ཆུས་སློབ་ཆུང་བཅུ་པའི་འཆར་འགོད་པར་རིས།

ཁྲེང་ཀོན་ཆུས་སློབ་གསོ་ཅུས་རྨང་གཞི་འཛུགས་སྐྲུན་གཞུང་ལས་ཁང་གི་ལས་དོན་པ་ཡན་ཧྥུང་གིས།

ཁྲེང་ཀོན་ཆུས་སློབ་ཆུང་བཅུ་པ་བསྐྲུན་རྗེས། ཉང་བྲན་ཁྲོམ་གཞུང་གི་སྡེ་ཁུལ་ཁག་དང་དོག་སྡེ་ཁྲོམ་གཞུང་གསང་ཡིབ་སྡེ་ཁུལ་དང་གྲྭ་བཞི་ཁྲོམ་གཞུང་གྲྭ་བཞི་སྡེ་ཁུལ་སོགས་ཀྱི་ཕྲུ་གུ་སློབ་ཆུང་དུ་གཏོང་དཀའ་བའི་གནད་དོན་ཐག་གཅོད་ནུས་ལྡན་ཐུབ་རྒྱུ་རེད།