པེར་ལིན་སྲོག་ཆགས་གླིང་གིས་རང་རྒྱལ་དུ་ལོག་གྲབས་ཡོད་པའི་དོམ་ཁྲ་མཚེ་མར་དགའ་སྐྱེལ་བྱེད་སྒོ་སྤེལ་བ།
ཚེས་8ཉིན་འཇར་མན་གྱི་པེར་ལིན་སྲོག་ཆགས་གླིང་གིས་ཀྲུང་གོར་ལོག་གྲབས་ཡོད་པའི་དོམ་ཁྲ་མཚེ་མ“མེང་ཞང”དང“མེང་ཡོན”ལ་དགའ་སྐྱེལ་བྱེད་སྒོ་སྤེལ་བ་དང་འབྲེལ“མེང་ཞང”དང“མེང་ཡོན”གྱི་དྲན་གསོའི་བྱང་བུའི་ཡོལ་བ་ཡང་ཕྱེ་བ་རེད། བྱེད་སྒོ་སྤེལ་བའི་ཉིན་དེར་པེར་ལིན་དུ་ཡོད་པའི་ཀྲུང་གོའི་རིག་གནས་ལྟེ་གནས་ཀྱིས་དོམ་ཁྲའི་བརྗོད་དོན་གཙོ་བོའི་ཀྲུང་གོའི་རིག་གནས་ཉམས་ལེན་བྱེད་སྒོ་སྤེལ་བས་ཡུལ་སྐོར་བ་མང་པོའི་ཡིད་དབང་བཀུག་ཡོད། པེར་ལིན་སྲོག་ཆགས་གླིང་གིས་ངོ་སྤྲོད་བྱས་པར་གཞིགས་ན། དོམ་ཁྲ་མཚེ་མ་ཟླ་12པའི་ཟླ་དཀྱིལ་དུ་ཀྲུང་གོར་ལོག་མཁན་ཡིན་པ་རེད། འདི་ནི་འཇར་མན་གྱི་པེར་ལིན་སྲོག་ཆགས་གླིང་དུ་གྲོགས་པོ་ཆུང་ཆུང་དང་མིས་བཟོས་དོམ་ཁྲ་པར་རྒྱག་བཞིན་པ།