རང་ལྗོངས་ཀྱི་བརྗོད་དོན་གཙོ་བོའི་སློབ་གསོ་ཁག་གཉིས་པའི་སློབ་སྦྱོང་ལ་ཞུགས་མཁན་ཚན་པས་བརྩེ་སེམས་དང་ནུས་ཤུགས་ཡོད་རྒུས་མི་དམངས་ལྟེ་བར་བྱེད་པའི་འཕེལ་རྒྱས་ཀྱི་བསམ་བློ་ལག་ལེན་བསྟར་བ་དང་། དམངས་འཚོ་ལེགས་གཏོང་དང་མི་སེམས་གཅིག་ཏུ་སྒྲིལ་བ་འགོ་འཛུགས་ས་དང་དོན་ལ་འབབ་སར་བརྩིས་ནས། “དམངས་འཚོའི་འདུ་འགོད་ཆེན་པོ་བཅུ”ལག་བསྟར་གཏིང་ཟབ་དང་། དམངས་འཚོའི་དོན་དངོས་21ལེགས་པར་སྒྲུབ་པ། མང་ཚོགས་ཀྱི་འཕྲལ་མཁོ་དང་། དཀའ་ངལ། སེམས་ཁྲལ། རེ་སྒུག་བཅས་ཀྱི་གནད་དོན་ཐག་གཅོད་ཧུར་ཐག་བཅས་བྱས་ཏེ། མི་རིགས་ཁག་གི་མང་ཚོགས་ཀྱི་ཐོབ་སྣང་དང་། སྐྱིད་སྣང་། བདེ་སྣང་བཅས་རྒྱུན་ཆད་མེད་པར་ཆེ་རུ་བཏང་བ་རེད།

ཐབས་ལམ་ཤར་བགྲོད་ཀྱིས་དམངས་ཀྱི་དགོས་མཁོ་དྲིས་ཤིང་། སློབ་སྦྱོང་ལ་ཞུགས་མཁན་ཚན་པ་ཁག་གིས་དམངས་ཀྱི་གནས་ཚུལ་དང་འདོད་བློ་ཤེས་རྟོགས་དམངས་ལ་ཞབས་འདེགས་ཞུ་བའི“སྔོན་སྤེལ་བྱ་སྤྱོད”ལ་བརྩིས་ནས། ཏང་ཡོན་ལས་བྱེད་པ་སྒྲིག་འཛུགས་ཀྱིས་གྲོང་ཚོ་དང་། སྡེ་ཁུལ། ཁེ་ལས། འབྲོག་ར་སོགས་སུ་བསྐྱོད་དེ་དམངས་ཀྱི་བསམ་ཚུལ་ཉན་པ་དང་དྲ་མིག་པ་དང་མྱུར་སྐྱེལ་བ་སོགས་ཚོགས་སྤྱི་དང་། བསམ་འཆར་སྒམ། ལན་པང་།

ཐད་སྦྲེལ་ཁ་པར་སོགས་ཀྱི་ཐབས་ལམ་བརྒྱུད་དམངས་ཀྱི་འདོད་བློ་བསྡུ་ལེན་བྱེད་པ་དང་། འགལ་ཟླ་གཅིག་སྡུད་ཁུལ་དང་གནད་དོན་གྱི་འགག་རྩ་བཙལ་འཚོལ་གནད་འཁེལ་བྱེད་པ། ལྷག་བསམ་རྣམ་དག་གིས་དགོས་མཁོ་དྲིས་ནས་གསལ་འདེབས་བྱེད་པ། བརྗོད་དོན་གཙོ་བོའི་སློབ་གསོ་མང་ཚོགས་ཀྱི་སྒོ་འགྲམ་དུ་སྤེལ་བ་བཅས་བྱས་ཡོད། མིག་སྔར། ཐབས་འདོན་ཇུས་འགོད་ཀྱི་བྱེད་སྒོ་ཁྱོན་ཐེངས་3900ལྷག་ཙམ་སྤེལ་བར་ཞུགས་མཁན་ཏང་ཡོན་དང་མང་ཚོགས་ཁྲི་5.2ལྷག་ཙམ་ཟིན་པ་དང་། བསམ་འཆར་དང་གྲོས་འགོ་5600ལྷག་ཙམ་བསྡུ་རུབ་བྱས་པ་དང་གནད་དོན་2700ལྷག་ཙམ་ཐག་གཅོད་བྱེད་རོགས་བྱས་ཡོད། ལྷ་ས་གྲོང་ཁྱེར་གྱིས《ལྷ་སའི་སྲིད་དོན་བགྲོ་གླེང》ཞེས་པའི་བརྙན་འཕྲིན་ལེ་ཚན་བརྒྱུད་མང་ཚོགས་ཀྱི་འཚོ་བའི་ཁྲོད་ཀྱི་སེམས་ཁྲལ་དང་གནད་དོན་རྒྱ་ཁྱབ་ངང་བསྡུ་ལེན་བྱས་པ་དང་འབྲེལ་ཡོད་འགན་ནུས་སྡེ་ཚན་དང་ཁེ་ལས་ཀྱི་འགན་འཁུར་བ་སོགས་སྙན་སྒྲོན་ཁང་དུ་གདན་དྲངས་ནས་ལས་ཡུལ་དངོས་སུ་སྲིད་དོན་བགྲེ་གླེང་དང་ལེན་བྱས་པ་དང་མང་ཚོགས་ཀྱི་དོ་ཁུར་ལ་ལན་བརྒྱབ་ཡོད། ཁོར་ཡུག་འཕྲོད་བསྟེན་གྱི་གནད་དོན་ཁག་གཅིག་བཅོས་སྒྲིག་བྱས་པ་དང་འབྲེལ། དུས་ཡུན་རིང་པོའི་ནང་བཟོ་ཚོང་ཁེ་ལས་དང་གྲོང་མི་ཁག་གཅིག་ལ་འཕྲད་པའི་གློག་རིན་སྤོར་བའི་གནད་དོན་དུས་བཀག་ལྟར་བཅོས་སྒྲིག་བྱས་ཡོད།

ལས་དོན་དངོས་བསྒྲུབས་ནས་དམངས་ཀྱི་སེམས་ཁྲལ་བསལ་ཞིང་། ལས་ཞུགས་ལས་གཏོད་དང་། རིག་གནས་དམངས་ཕན། སྤྱི་ཚོགས་རོགས་སྐྱོབ། བདེ་འཇགས་ཐོན་སྐྱེད་སོགས“དམངས་འཚོའི་འདུ་འགོད་ཆེན་པོ་བཅུ”ལག་བསྟར་གཏིང་ཟབ་བྱས་ནས་ཆེད་དོན་མ་དངུལ་སྒོར་དུང་ཕྱུར་132.5བཏང་སྟེ་ཚད་འདེགས་དང་། དམིགས་བསལ་ལ་རོགས་སྐྱོར། འཛུགས་སྐྲུན་བཅས་རིགས་ཆེ་གྲས་3གྱི་དམངས་འཚོའི་དོན་དངོས་21ཏན་ཏིག་དང་ཞིབ་ཚགས་བསྒྲུབས་ཡོད། མིག་སྔར། གྲོང་ཁྱེར་དང་ས་ཁུལ་7གྱིས“དམངས་འཚོའི་འདུ་འགོད་ཆེན་པོ་བཅུར”དམིགས་ནས་དམངས་ཕན་བྱེད་ཐབས་ཁག་6300དོན་འཁྱོལ་བྱས་པའི་ནང་སྨན་བཅོས་ཤེས་ལྡན་མི་སྣའི“ཚོགས་སྒྲིག་རྣམ་པའི”བོད་སྐྱོར་གཙོ་གནད་རྫོང་དུ་རྒྱ་སྐྱེད་བཏང་བ་དང་ས་བབ་མཐོ་ཚད་སྨི་3500ཡན་གྱི་མཐའ་མཚམས་རྫོང་གྲོང་དང་ཤང་དང་གྲོང་རྡལ་ལ་གསོ་རླུང་མཁོ་འདོན་སྒྲིག་བཀོད་འཛུགས་སྐྲུན་དང་ས་མཐོའི་ནུས་མང་གཡོས་སྦྱོར་ཐབ་ཆས་ཁྱབ་གདལ་གཏོང་བ་སོགས་ཀྱི་དམངས་ཕན་དོན་དངོས་ལ་སྐུལ་འདེད་ནུས་ལྡན་བཏང་བས་རྒྱ་ཆེའི་མང་ཚོགས་ཀྱི་ཁས་ལེན་ཐོབ་ཡོད། ལྷོ་ཁ་གྲོང་ཁྱེར་གྱིས་ཐབས་བརྒྱ་ཇུས་སྟོང་ངང་ལས་ཞུགས་བརྟན་པོ་ཡོང་བར་བྱེད་རྒྱུ་དེ་བརྗོད་དོན་གཙོ་བོའི་སློབ་གསོའི་ཕན་འབྲས་ལ་ཞིབ་བཤེར་བྱེད་པའི་ཚད་གཞིའི་གྲས་སུ་བརྩིས་ནས་གྲོང་ཁྱེར་དང་གྲོང་རྡལ་ལ་ལས་ཞུགས་གསར་འཕར་6000ལྷག་ཙམ་ཡོང་བར་བྱས་པ་དང་ལས་ཞུགས་ཐུབ་མེད་པའི་ཁྱིམ་ཚང་ལ་སྐབས་བསྟུན་ལས་ཞུགས་ཐུབ་པར་བྱས་ཡོད། ལོ་འདི་རང་གི་མཐོ་སློབ་སློབ་ཐོན་སློབ་མ་3100ལྷག་ཙམ་ལས་ཞུགས་ཐུབ་པ་དང་ལས་ཞུགས་ཐུབ་ཚད་85.15%ཟིན་ཡོད།

དང་བླངས་ཞབས་ཞུས་དམངས་སེམས་དྲོ་བར་བྱས་ཤིང་། སློབ་སྦྱོང་ལ་ཞུགས་མཁན་ཚན་པ་ཁག་གིས་སྡེ་ཁུལ་གྱི་ཏང་རྩ་འཛུགས་དང་མཉམ་འཛུགས་མཉམ་སྐྲུན་བྱས་ཏེ་འགོ་ཁྲིད་ལས་བྱེད་པས“གྲོགས་པོ་སྒྲིག་པ་དང་གཉེན་ཉེ་འཚོལ་བ”དང་། ལས་ཐོག་ཏང་ཡོན་གྱི“འབྱོར་ཐོ་གཉིས་བཀོད”ཀྱི་བྱེད་སྒོ་སྤེལ་ནས། “མང་ཚོགས་ཀྱིས་མངག་ཐོ་འགོད་པ་དང་། རྩ་འཛུགས་ཀྱིས་མངག་ཐོ་སྐྱེལ་བ། ཏང་ཡོན་གྱིས་མངག་ཐོ་ལེན་པ”བཅས་ཀྱི་ལས་ཀ་བྱེད་སྟངས་ཁྱབ་གདལ་བཏང་བ་དང་ཐབས་བརྒྱ་ཇུས་སྟོང་གིས་ཉེ་འགྲམ་མང་ཚོགས་ལ་བྱ་བ་དངོས་བསྒྲུབས་པ་དང་། བྱ་བ་བཟང་པོ་བསྒྲུབས་པ། དཀའ་གནད་བསལ་བ་བཅས་བྱས་ཡོད། མིག་སྔའི་བར་འགོ་ཁྲིད་ལས་བྱེད་པས“གྲོགས་པོ་སྒྲིག་པ་དང་གཉེན་ཉེ་འཚོལ་བའི”བྱེད་སྒོ་ཐེངས་2700སྤེལ་བ་དང་། མང་ཚོགས་8000ལྷག་ཙམ་དང་གྲོགས་པོ་བསྒྲིགས་ནས་མང་ཚོགས་ལ་དཀའ་གནད་4100ལྷག་ཙམ་ཐག་གཅོད་བྱས་ཡོད། ལས་ཐོག་ཏང་ཡོན་གྱིས“འབྱོར་ཐོ་གཉིས་བཀོད”ཀྱི་བྱེད་སྒོ་ཐེངས་8900ལྷག་ཙམ་སྤེལ་བར་མི་གྲངས་ཁྲི་6.5ལྷག་ཙམ་ཞུགས་པ་དང་མ་དངུལ་སྒོར་ཁྲི་635.9དོན་འཁྱོལ་བྱས་ཡོད། ཉིང་ཁྲི་གྲོང་ཁྱེར་ཀོང་པོ་རྒྱ་མདའ་རྫོང་གིས“སྡེ་ཁུལ་དུ་བརྡ་ཐོ་གཏོང་བ་དང་སྡེ་ཚན་དུ་འབྱོར་ཐོ་འགོད་པའི”ལམ་སྲོལ་འཛུགས་པ་དང་འཐུས་སྒོ་ཚང་དུ་བཏང་ནས། “སྡེ་ཁུལ་གྱི་གྲོང་མིས་སྟབས་བདེའི་ངང་མངགས་ཐོ་འགོད་པ་དང་ཤང་དང་གྲོང་རྡལ་གྱིས་མངགས་ཐོར་ཞིབ་བཤེར་མགྱོགས་མྱུར་བྱེད་པ། རྫོང་ཨུད་རྩ་འཛུགས་པུས་མངགས་ཐོ་གནད་སྨིན་སྐྱེལ་བ། འགན་ནུས་སྡེ་ཚན་གྱིས་མངགས་ཐོ་རང་འགུལ་ངང་ལེན་པ། སྡེ་ཁུལ་གྱི་གྲོང་མིས་མངགས་ཐོར་ཞིབ་དཔྱད་དངོས་སུ་བྱེད་པ”བཅས་ཀྱི་ལས་ཀའི་བྱེད་སྟངས་འཚོལ་ཞིབ་ཧུར་ཐག་བྱས་ཏེ་མང་ཚོགས་ལ་དཀའ་གནད་སྣ་ཚོགས་སེལ་རོགས་དང་འགལ་བ་དང་རྩོད་གཞི་40ལྷག་ཙམ་སེལ་རོགས་བྱས་ཡོད། ཆབ་མདོ་གྲོང་ཁྱེར་སྨར་ཁམས་རྫོང་གིས་དམངས་ལ་སྟབས་བདེ་སྐྲུན་པའི་དང་བླངས་ཞབས་ཞུའི་དྲ་མིག་ཅན་གྱི་ལས་ཀའི་ལམ་སྲོལ་འཚོལ་ཞིབ་བྱས་ནས་བཙུགས་པ་དང་། ཏང་ཡོན་གྱི“ངར་ཤུགས་ལྡན་པའི”དང་བླང་ཞབས་ཞུའི་བྱ་སྤྱོད་རུ་ཁག་197བཙུགས་ནས། བདེ་འཇགས་འདུམ་འགྲིག་དང་། ངལ་རྩོལ་འགན་ལེན། དམངས་སྲིད་གཟིགས་སྐྱོང་སོགས་ཀྱི་ལས་དོན་དྲ་མིག་ཅན་དུ་སྤེལ་ནས་མང་ཚོགས་ལ་མཁོ་བའི་ཕྱོགས་གང་སར་ཞབས་འདེགས་ཞུ་ཐུབ་པར་བྱས་ཡོད།