གསར་འགོད་པར་ལྷ་ས་གྲོང་ཁྱེར་སྤྱི་བདེ་ཅུས་ནས་ཤེས་རྟོགས་བྱུང་བར། ལྷ་ས་གྲོང་ཁྱེར་སྤྱི་བདེ་ལས་ཁུངས་ཀྱི“མི་དམངས་ཀྱི་ཉེན་རྟོག་པ་ཡག་ཤོས”དཔྱད་འདེམས་ཀྱི་བྱེད་སྒོ་སྐབས་གསུམ་པ་ཚེས་4ཉིན་ནས་སྤེལ་འགོ་ཚུགས་པ་དང་། བྱེད་སྒོ་དེ་2024ལོའི་ཟླ་དང་པོའི་ཟླ་མཇུག་བར་སྤེལ་རྒྱུ་རེད།

ཤེས་རྟོགས་བྱུང་བར་གཞིགས་ན། ལྷ་ས་གྲོང་ཁྱེར་སྤྱི་བདེ་ལས་ཁུངས་ཀྱི“མི་དམངས་ཀྱི་ཉེན་རྟོག་པ་ཡག་ཤོས”དཔྱད་འདེམས་ཀྱི་བྱེད་སྒོ་ལྷ་ས་གྲོང་ཁྱེར་སྤྱི་བདེ་ཅུས་དང་ལྷ་ས་གྲོང་ཨུད་དྲིལ་བསྒྲགས་པུས་མཉམ་དུ་གཙོ་བོར་གཉེར་བ་དང་། 2014ལོ་ནས་ལོ་4རེར་ཐེངས་རེ་སྤེལ་གྱི་ཡོད། ད་ཐེངས་ཀྱི་དཔྱད་འདེམས་བྱེད་སྒོར་ལྷ་ས་གྲོང་ཁྱེར་གྱིས་དུས་རབས་གསར་པས་སྤྱི་བདེ་ལས་ཁུངས་ལ་བཏོན་པའི་བླང་བྱ་གསར་པ་དང་ཟུང་འབྲེལ་བྱས་ཏེ་ཏང་འཛུགས་སྐྱོང་གི་སྣེ་ཁྲིད་རྩ་དོན་མངོན་གསལ་དོད་པོ་ཡོང་བར་བྱེད་པ་དང་། གཞི་རིམ་ལ་དམ་འཛིན་ཤུགས་ཆེན་དང་། རྨང་གཞི་བརྟན་གཏོང་། དྲང་གཞག་དྲང་བདེན་བཅས་ཀྱི་རྩ་དོན་མཐའ་འཁྱོངས། དམངས་གཙོའི་དཔྱད་བསྡུར་དང་། མང་ཚོགས་ཀུན་གྱིས་ཁས་ལེན་པ། བཟང་ཁྲོད་ལེགས་འདེམས་བཅས་ཀྱི་རྩ་དོན་མཐའ་འཁྱོངས་བྱས་ནས་རྩ་འཛུགས་ཀྱིས་འོས་སྦྱོར་དང་། ས་ཡུལ་དངོས་སུ་འཚོལ་བ། མང་ཚོགས་ཀྱིས་འོས་སྦྱོར་བཅས་ཀྱི་བྱེད་ཐབས་གསུམ་ལ་བརྟེན་ནས་སྤེལ་རྒྱུ་རེད། དཔྱད་འདེམས་བྱེད་སྒོ་དེ་འགོ་ཚུགས་ཡོངས་བསྒྲགས་དང་། འོས་སྦྱོར་སྙན་ཞུ། ཐོག་མའི་དཔྱད་ཞིབ། མཐའ་མའི་དཔྱད་ཞིབ། གཟེངས་བསྟོད་བཅས་དང་དེ་བཞིན་སྐོར་སྐྱོད་སྒྲོག་འགྲེལ་བཅས་དུས་མཚམས་དྲུག་སྤེལ་རྒྱུ་དང་། མཐར“མི་དམངས་ཀྱི་ཉེན་རྟོག་པ་ཡག་ཤོས”10དང་། “ལས་རོགས་ཉེན་རྟོག་པ་ཡག་ཤོས”5“ཉེན་རྟོག་པའི་ནང་མི་ཡག་ཤོས”5བཅས་དཔྱད་འདེམས་བྱེད་རྒྱུ་རེད།