བརྗོད་དོན་གཙོ་བོའི་སློབ་གསོ་ཁག་གཉིས་པ་སྤེལ་ཚུན། དེ་འདམ་གཞུང་རྫོང་གི“གསར་གཉིས”ཏང་རྩ་འཛུགས་ཀྱིས“དགོངས་པ་སློབ་སྦྱོང་དང་། ཏང་གཤིས་བརྟན་གཏོང་། ལག་ལེན་ལ་མཐོང་ཆེན། བྱས་རྗེས་གསར་འཇོག”བཅས་ཀྱི་སྤྱིའི་བླང་བྱ་ཁོང་དུ་བརྟན་པོ་ཆུད་པར་བྱས་ནས་དུས་རབས་གསར་པ་དང་ཏང་གི་རྒྱང་ལམ་གསར་པའི་ཏང་གི་ལས་འགན་ལ་དམ་པོར་དམིགས་ནས་སློབ་སྦྱོང་ལ་བརྟེན་ནས་ལས་དོན་ལ་སྐུལ་འདེད་གཏོང་བ་དང་། སློབ་སྦྱོང་ལ་བརྟེན་ནས་ལག་ལེན་ལ་སྐུལ་འདེད་གཏོང་བ། མང་ཚོགས་ལ་ཞབས་འདེགས་ཞུ་བ་དང་སྤྱི་ཚོགས་ལ་ལེགས་སྐྱེས་འབུལ་བའི་ཁྲོད་རང་འགན་ཐེག་པ་ཁུར་ལེན་བྱས་ཏེ་ཁེ་ལས་ཀྱི་སྤྱི་ཚོགས་ཀྱི་འགན་འཁྲི་མངོན་པར་བྱེད་པ་དང་ལྟེ་བའི་ལས་དོན་ལ་སྐུལ་འདེད་ཧུར་ཐག་བཏང་ཡོད།

འདམ་གཞུང་རྫོང་གི“གསར་གཉིས”ཏང་རྩ་འཛུགས་ཀྱིས་ཏང་འཛུགས་སྐྱོང་དང་འཕེལ་རྒྱས་ཟུང་འབྲེལ་གྱི་ལས་ཀའི་འདུ་ཤེས་བརྟན་པོ་བཙུགས་ནས་ཏང་རྩ་འཛུགས་ཀྱི་ལེགས་ཆ་དེ་གྲོང་གསེབ་དར་རྒྱས་དང་འཕེལ་རྒྱས་ཀྱི་ལེགས་ཆར་བསྒྱུར་བར་བྱས་ཏེ།“གསར་གཉིས”ཏང་འཛུགས་སྐྱོང་དང་གྲོང་གསེབ་དར་རྒྱས་ཕན་ཚུན་མཉམ་འདྲེས་དང་། ཕན་ཚུན་སྐུལ་འདེད། གོམ་སྟབས་གཅིག་གྱུར་བཅས་ལ་སྐུལ་འདེད་བཏང་བ་རེད། འདམ་གཞུང་རྫོང་དུས་རབས་ཨར་སྐྲུན་ཆེད་ལས་མཉམ་ལས་ཁང་གིས་ཐོན་ལས་རྣམ་གྲངས་ཀྱིས་གྲོང་གསེབ་དར་རྒྱས་གཏོང་བར་རམ་འདེགས་བྱེད་པའི་འཐབ་ཇུས་ཀྱི་ནུས་པ་འདོན་སྤེལ་གང་ལེགས་བྱས་ནས་འཕྲུལ་ཆས་བཀོད་སྒྲིག་དང་ཀྲི་པུའི་ཏང་ཡོན་སྐུལ་སློང་བྱས་ཏེ་ཀོང་ཐང་ཤང་སྦྲ་ཁ་འདམ་གྲོང་ཚོའི་འགྲོ་ལམ་རིན་མི་དགོས་པར་ཉམས་བཟོ་བྱས་པ་རེད། ཐོན་ལས་ཀྱི་སྐུལ་ཁྲིད་ནུས་པ་འདོན་སྤེལ་གང་ལེགས་བྱས་ནས་2017ལོ་ནས་བཟུང་རིམ་རྩིས་བྱས་ན་ཐོན་ལས་ཀྱི་ཁེ་སྤོགས་མ་དངུལ་སྒོར་ཁྲི་294ལྷག་ཙམ་བགོས་པས་མང་ཚོགས་ཀྱི་གདེང་འཇོག་བཟང་པོ་ཐོབ་ཡོད།

འདམ་གཞུང་རྫོང་གིས“གསར་གཉིས”ཏང་རྩ་འཛུགས་རང་འགུལ་ངང་སྤྱི་ཚོགས་ལ་ཞབས་ཞུ་དང་གཞི་རིམ་བཅོས་སྐྱོང་ནང་ཞུགས་པར་ཁྲིད་སྟོན་ཧུར་ཐག་བྱས་ནས་སློབ་གསོ་དང་། ལས་ཞུགས། སྤྱི་ཚོགས་བཅོས་སྐྱོང་སོགས་ལ་རམ་འདེགས་བྱེད་པར་ཁེ་ལས་ཀྱི་འགན་འཁྲི་མངོན་པར་བྱས་ཏེ་ཁེ་ལས་ཀྱིས་བྱ་སྤྱོད་དངོས་ཀྱི་ཐོག་ནས་སྤྱི་ཚོགས་ཀྱི་འགན་འཁྲི་ལག་ལེན་བསྟར་ཡོད། བོད་ལྗོངས་འཁྱགས་རོམ་གཏེར་ཆུ་ཚད་ཡོད་ཀུང་སིའི་ཏང་ཀྲི་པུའུ་ཡིས“5100སློབ་གསོའི་འཕེལ་རྒྱས་ཀྱི་ཆེད་སྤྱོད་མ་དངུལ”བཙུཊ་ཤིང་། 2014ལོ་ནས་བཟུང་ཆ་སྙོམས་ལོ་རེར་སྒོར་ཁྲི་100བཏོན་ནས་འདམ་གཞུང་རྫོང་གི་སློབ་གསོའི་བྱ་གཞག་འཕེལ་རྒྱས་ལ་རྒྱབ་སྐྱོར་བྱས་པ་དང་། མིག་སྔར་སྒོར་ཁྲི་3བཏང་ནས་གྲོང་དཀར་གྲོང་ཚོའི་བུ་བཅོལ་ཁང་གི་སྒྲིག་བཀོད་དང་སྒྲིག་ཆས་ཉམས་གསོ་བྱེད་པ་དང་ཀོང་ཐང་ཤང་སློབ་ཆུང་ལ་གློག་ཀླད་སློབ་ཁང་བསྐྲུན་རོགས་བྱས་ནས་སློབ་གསོ་སློབ་ཁྲིད་ཀྱི་སྤུས་ཚད་མཐོ་རུ་བཏང་བ་རེད།

འདམ་གཞུང་རྫོང་གི“གསར་གཉིས”ཏང་རྩ་འཛུགས་ཀྱིས་ཁེ་ལས་འཕེལ་རྒྱས་བརྟན་པོ་གཏོང་བ་དང་དུས་མཚུངས། ཐོག་མའི་བསམ་འདུན་བློ་ལ་བརྟན་པོར་འཆང་བ་དང་། ཏང་འཛུགས་སྐྱོང་གི་སྣེ་ཁྲིད་མཐའ་འཁྱོངས་བྱེད་པ། བྱ་སྤྱོད་དངོས་ལ་བརྟེན་ནས་གཅེས་སེམས་སྤྱི་ཕན་བྱ་གཞག་ཁྲོད་རང་འགུལ་ངང་ཞུགས་པ། བྱ་སྤྱོད་དངོས་ལ་བརྟེན་ནས“གསར་གཉིས་”ཁེ་ལས་ཀྱི་གདོང་ལེན་པའི་རང་གཤིས་གསལ་པོར་མངོན་པར་བྱས་ཡོད། བོད་ལྗོངས་འཁྱགས་རོམ་གཏེར་ཆུ་ཚད་ཡོད་ཀུང་སི་དང་ས་མ་ལན་ཆི་ལུས་རྩལ་འཕེལ་རྒྱས་ཐེབས་རྩ་ལྷན་ཚོགས་ཀྱིས་ཐུན་མོང་ཐོག་ས་གནས་དེ་གའི་དཀའ་ངལ་ཡོད་པའི་ཁྱིམ་ཚང་གི་བྱིས་པ་བདུན་སྒྲིག་འཛུགས་བྱས་ནས་ཧྲང་ཧའེ་དང་ཧང་ཀྲོའུ་རུ་དུས་ཡུན་ཉིན་བདུན་གྱི“མེས་རྒྱལ་གྱི་འཕེལ་རྒྱས་མྱོང་ཚོར་དང་ཨེ་ཤེ་ཡ་ལུས་རྩལ་འགྲན་ཚོགས་ཀྱི་སྙིང་སྟོབས་ཉམས་ལེན་བྱེད་པའི”ཞིབ་སློབ་བྱེད་སྒོ་སྤེལ་ནས་སློབ་མ་འཚར་ལོངས་དང་ཤེས་ལྡན་པར་འགྱུར་བར་སེམས་ཁུར་དང་གཅེས་སྐྱོང་བྱས་ཡོད། འདམ་གཞུང་རྫོང་དུས་རབས་ཨར་སྐྲུན་ཆེད་ལས་མཉམ་ལས་ཁང་གི་ཏང་ཀྲི་པུའུ་ཡིས་ཏང་ཡོན་ལས་བཟོ་20སྒྲིག་འཛུགས་བྱས་ནས་དཀའ་ངལ་ཡོད་པའི་ཁྱིམ་ཚང་ལ་ཕྱུགས་རྩྭ་བརྔ་རོགས་བྱས་པ་མ་ཟད། ད་དུང་མ་དངུལ་སྒོར་ཁྲི་8ལྷག་ཙམ་བཏང་ནས་ས་གནས་དེ་གའི་མང་ཚོགས་དང་ལས་བཟོའི་དུད་ཚང་110ཡི་མི་131ལ་ཁྱིམ་ཚང་གི་འགན་བཅོལ་དང་ནད་གཞིའི་འགན་བཅོལ་ཉོས་ནས་ཁེ་ལས་ཀྱིས་འཁུར་འོས་པའི་སྤྱི་ཚོགས་ཀྱི་འགན་འཁྲི་གང་ལེགས་འཁུར་བ་རེད།