ཉེ་བའི་ལོ་ཤས་རིང་། ཡུན་ནན་བདེ་ཆེན་བོད་རིགས་རང་སྐྱོང་ཀྲོའུ་ཡིས་རང་བྱུང་སྲུང་སྐྱོང་ཁུལ་དང་སྐྱེ་དངོས་ཀྱི་སྣ་མང་རང་བཞིན་སྲུང་སྐྱོང་ལ་དམིགས་ཏེ། རྒྱལ་ཁབ་སྤྱི་གླིང་འཛུགས་སྐྲུན་ལ་མུ་མཐུད་ཤུགས་སྣོན་བརྒྱབ་པ་དང་། རྒྱལ་ཁབ་སྤྱི་གླིང་གཙོ་བོར་བྱས་པའི་རང་བྱུང་སྲུང་སྐྱོང་ཁུལ་གྱི་མ་ལག་འཛུགས་མགྱོགས་སུ་བཏང་ཡོད། བདེ་ཆེན་ཀྲོའུ་སེམས་ཀྱི་ཉི་ཟླ་པོ་ཏ་མཚོ་རྒྱལ་ཁབ་སྤྱི་གླིང་ནི་ཡུན་ནན་ནུབ་བྱང་གི“ཆུ་གསུམ་མཉམ་འདྲེས”ཀྱི་འཛམ་གླིང་རང་བྱུང་ཤུལ་བཞག་གི་ལྟེ་བའི་ས་ཆར་གནས་ཤིང་། ཀྲུང་གོའི་སྐམ་ས་ཆེ་མོའི་རྒྱལ་ཁབ་སྤྱི་གླིང་དང་པོ་ཡིན་ཁར། སྐྱེ་དངོས་སྣ་མང་རང་བཞིན་དང་། མཛེས་ལྗོངས་སྣ་མང་རང་བཞིན། རིག་གནས་སྣ་མང་རང་བཞིན་བཅས་གཞི་གཅིག་ཏུ་འདུས་ཡོད་ཅིང་། འདི་ནི་དགུན་སྟོད་ཀྱི་ཞོ་རྡོ་མཚོ་ཡིན་པ།