ཉེ་ཆར། ཁྲེང་ཀོན་ཆུས་སྲིད་གྲོས་ཀྱི་སྨན་བཅོས་འཕྲོད་བསྟེན་ལས་རིགས་ཀྱིས“སྲིད་ཇུས་དང་། སྨན་བཅོས། སྨན་རྫས། བདེ་ཐང་བཅས་དྲིལ་བསྒྲགས་བྱེད་པའི”འོས་འགན་ནད་བརྟག་སྨན་བཅོས་དང་ལས་ཁུངས་ཀྱི་ཏང་ཡོན་སྡེ་ཁུལ་དུ་དང་བླངས་ཞབས་འདེགས་ཞུ་བའི་བྱེད་སྒོ་སྤེལ་བ་རེད།

དང་བླངས་ཞབས་འདེགས་བྱེད་སྒོ་དར་དམར་སྡེ་ཁུལ་དུ་སྤེལ་འགོ་ཚུགས་པ་དང་། ཁྲེང་ཀོན་ཆུས་སྲིད་གྲོས་ཀྱི་སྨན་བཅོས་ལས་རིགས་ཀྱི་ཨུ་ཡོན་ཚོས་ནད་ཡམས་སྔོན་འགོག་དང་ཚོད་འཛིན་སོགས་ཀྱི་ནང་དོན་ལ་དམིགས་ནས་འོས་འགན་སྨན་བཅོས་དང་བདེ་ཐང་བློ་འདྲིའི་ཞབས་འདེགས་ཞུས་ཏེ། མང་ཚོགས་ལ་བདེ་ཐང་ཤེས་བྱའི་དྲིལ་བསྒྲགས་དཔྱད་ཡིག་དང་རྒྱུན་མཁོའི་སྨན་རྫས་སྤྲད་པ་རེད། བདེ་ཐང་ཤེས་བྱ་འཆད་ཁྲིད་དང་། བདེ་ཐང་བློ་འདྲི། དྲིལ་བསྒྲགས་དཔྱད་ཡིག་སྤྲོད་པ་སོགས་བརྒྱུད་མང་ཚོགས་ལ་ཡང་དག་པའི་བདེ་ཐང་གི་ཤེས་བྱ་བརྒྱུད་སྤྲོད་བྱས་ནས་གྲོང་མི་མང་ཚོགས་ཀྱི་བདེ་ཐང་གི་འདུ་ཤེས་ཟབ་ཏུ་ཕྱིན་ཏེ་མང་ཚོགས་ཀྱི་བཟའ་བཏུང་གི་གོམས་གཤིས་བཟང་པོ་དང་བདེ་ཐང་གི་བྱ་སྤྱོད་ལ་སྐུལ་འདེད་བཏང་ཡོད་པ་རེད།