འདི་ལོ་རང་ལྗོངས་ཀྱིས་རྨོ་ཞིང་གཞན་སྤྱོད་བཀག་འགོག་མཐའ་གཅིག་ཏུ་བྱེད་པ་དང་རྨོ་ཞིང་དུ་འབྲུ་རིགས་མི་འདེབས་པར་བཀག་འགོག་བྱེད་རྒྱུའི་སྐོར་གྱི་ཏང་ཀྲུང་དབྱང་གི་ཐབས་ཇུས་བཀོད་སྒྲིག་ལག་བསྟར་བྱེད་པ་དང་། རང་སྐྱོང་ལྗོངས་ཀྱི་འབྲེལ་ཡོད་ལས་ཀའི་བཀོད་སྒྲིག་དོན་འཁྱོལ་བྱེད་པ། “འབྲུ་རིགས་འཚམ་སར་འབྲུ་རིགས་དང་། རྩྭ་འཚམ་སར་རྩྭ། ཁྱད་ལྡན་གྱི་རྩྭ་རྩི་ཤིང་འཚམ་སར་ཁྱད་ལྡན་གྱི་རྩྭ་རྩི་ཤིང་བཅས་འདེབས་པའི”རྩ་དོན་གཞིར་བཟུང་། ཞིང་འབྲོག་པ་དང་མཉམ་སྡེབ་དཔལ་འབྱོར་ལ་ཞིང་ཐ་རྒོད་བསྐྱར་འདེབས་ཀྱི་ལས་དོན་སྤེལ་བར་ཁྲིད་སྟོན་ཧུར་ཐག་བྱས་ནས་རྨོ་ཞིང་ཐ་རྒོད་དུ་གྱུར་པ་སོགས་ཀྱི་སྣང་ཚུལ་མཐའ་གཅིག་ཏུ་བཀག་འགོག་དང་ཐག་གཅོད་བྱས་ཡོད། མིག་སྔའི་བར་ས་ཁུལ་དང་གྲོང་ཁྱེར་ཁག་གིས་ཞིང་ཐ་རྒོད་མུའུ་ཁྲི་2.37གྱི་བསྐྱར་འདེབས་ལས་འགན་ལེགས་སྒྲུབ་བྱས་ནས་ལེགས་གྲུབ་ཐུབ་ཚད་83.02%ཟིན་ཡོད་པ་རེད།

རྨོ་ཞིང་ཡག་པོ་སྲུང་རྒྱུ་ནི་འབྲུ་རིགས་ཐོན་སྐྱེད་ཡག་པོ་སྲུང་བའི་སྲོག་རྩ་ལྟ་བུ་ཞིག་རེད། རང་སྐྱོང་ལྗོངས་ཞིང་ལས་དང་གྲོང་གསེབ་ཐིང་གིས་ཞིང་ཐ་རྒོད་བསྐྱར་འདེབས་ཀྱི་ལས་དོན་ལ་ཚད་མཐོའི་མཐོང་ཆེན་བྱས་ནས། 《2023ལོའི་ལྗོངས་ཡོངས་ཀྱི་ཞིང་ཐ་རྒོད་བསྐྱར་འདེབས་ཀྱི་ལས་ཀའི་ཇུས་གཞི》དང《ཞིང་ཐ་རྒོད་སྤྱི་འདོམས་ཀྱིས་བེད་སྤྱོད་པའི་ལས་དོན་ཡག་པོ་བསྒྲུབ་རྒྱུའི་སྐོར་གྱི་ལྗོངས་ཞིང་ལས་དང་གྲོང་གསེབ་ཐིང་གི་བརྡ་ཐོ》བཀྲམ་ནས།ས་ཁུལ་དང་གྲོང་ཁྱེར་གྱིས་སྤྱི་འགན་འཁུར་བ་དང་རྫོང་དང་ཆུས་ཀྱིས་དོན་འཁྱོལ་ལ་དམ་འཛིན་ཞིབ་ཕྲ་བྱེད་པའི་ལས་རྣམ་ཞིག་ཆགས་པ་མ་ཟད། ཞིང་ཐ་རྒོད་བསྐྱར་འདེབས་ཀྱི་ལས་དོན་འདི་ལོའི་ཞིང་འབྲོག་ལས་ཀྱི་ཚན་རྩལ་གཤམ་སྤེལ་དང་ལག་རྩལ་འགན་ལེན་གྱི་ནང་དོན་གལ་ཆེན་དུ་བཅུག་ནས། ཞིང་ཐ་རྒོད་གཅིག་སྡུད་ཁུལ་ལ་ཞིང་ལས་ལག་རྩལ་བ་སྒྲིག་འཛུགས་ཀྱིས་གྲོང་སྡོད་འགན་ལེན་གྱི་བྱེད་སྟངས་སྤྱད་དེ། དམིགས་ས་ཡོད་པའི་སྒོ་ནས་མཛུབ་ཁྲིད་ཞབས་འདེགས་ཀྱི་ལས་དོན་སྤེལ་ནས་ཞིང་ཐ་རྒོད་བསྐྱར་འདེབས་ཀྱི་ལས་དོན་ནུས་ལྡན་སྤེལ་ཐུབ་པར་བྱས་ཡོད།

དེ་དང་ཆབས་ཅིག རང་སྐྱོང་ལྗོངས་ཞིང་ལས་དང་གྲོང་གསེབ་ཐིང་གིས་གྲོང་གསེབ་དར་རྒྱས་ཀྱི་གཙོ་གནད་ལས་ཀའི་དུས་ཚིགས་ཀྱི་ལྟ་བཤེར་དང་ཞིང་ལས་དང་གྲོང་གསེབ་ཀྱི་རིགས་ཁག་གི་ལྟ་སྐུལ་མཛུབ་ཁྲིད་དང་བརྟག་ཞིབ་གོ་སྐབས་སུ་བྱས་ཏེ། དུས་ངེས་མེད་ལ་ལྟ་སྐུལ་ཞིབ་བཤེར་གྱིས་ཞིང་ཐ་རྒོད་སྤྱི་འདོམས་བེད་སྤྱོད་ཀྱི་ལས་ཀའི་བཀོད་གཏོང་ལ་ཤུགས་སྣོན་བརྒྱབ་ནས། བསྐྱར་རྨོ་བསྐྱར་འདེབས་ལེགས་གྲུབ་བྱུང་རིགས་ལ་ཐོ་སུབ་ལམ་སྲོལ་ལག་ལེན་བསྟར་བ་དང་ལྷག་པའི་གནད་དོན་ལ་དུས་ཐོག་ཏུ་དབྱེ་ཞིབ་ཀྱིས་བསྐྱར་རྨོ་བསྐྱར་འདེབས་ཀྱི་ལས་དོན་དོན་ཐོག་ཏུ་འཁྱོལ་བར་བྱས་ཡོད།

གསར་འགོད་པར་འབྲེལ་ཡོད་སྡེ་ཚན་ནས་ཤེས་རྟོགས་བྱུང་བར། གོམ་སྟབས་རྗེས་མར་རང་ལྗོངས་ཀྱིས་འབྲུ་རིགས་བདེ་འཇགས་ཏང་སྲིད་འགན་འཁྲི་གཅིག་མཚུངས་ཀྱི་འབྲེལ་ཡོད་བླང་བྱ་གཞིར་བཟུང་། ཞིང་ཐ་རྒོད་ཀྱི་སྤྱི་འདོམས་བེད་སྤྱོད་འབྲུ་རིགས་བདེ་འཇགས་དཔྱད་ཞིབ་ཀྱི་ནང་དོན་གལ་ཆེན་དུ་བཅུག་ནས། ནོར་སྲིད་ཀྱི་རྒྱབ་སྐྱོར་ཧུར་ཐག་ཐོབ་པར་བྱས་ཏེ་ཞིང་ཐ་རྒོད་ས་ཞིང་བཅོས་སྒྲིག་དང་ལེ་ལག་ཚང་བའི་སྒྲིག་ཆས་འཛུགས་སྐྲུན་དང་། གཅིག་སྡུད་ཡུག་སྦྲེལ་གྱི་ཞིང་ཐ་རྒོད་ཚད་གཞི་མཐོ་བའི་ས་ཞིང་འཛུགས་སྐྲུན་རྣམ་གྲངས་སུ་འཇུག་པ་དང་ས་ཞིང་ནང་ཤུག་ལ་སྐུལ་འདེད་ནུས་ལྡན་གཏོང་བ་སོགས་ཀྱི་བྱེད་ཐབས་སྤྱད་པ་བརྒྱུད། ཞིང་ཐ་རྒོད་ས་ཁུལ་གྱི་ཐོན་སྐྱེད་འཕེལ་རྒྱས་ཀྱི་ཧུར་སེམས་ཆེ་རུ་ཧུར་ཐག་གཏོང་རྩིས་ཡོད་པ་རེད།