ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་དང་ལག་བསྟར་བྱེད་པའི་བརྗོད་དོན་གཙོ་བོའི་སློབ་གསོ་ཁག་གཉིས་པ་སྤེལ་བ་ནས་བཟུང་། ནག་ཆུ་གྲོང་ཁྱེར་འབྲི་རུ་རྫོང་གིས་དམངས་ལ་བྱ་བ་དངོས་སྒྲུབ་པ་དེ་འགོ་འཛུགས་ས་དང་གནད་དོན་དངོས་ཐག་གཅོད་བྱ་རྒྱུ་དེ་དོན་ལ་བབས་སར་བྱས་ཏེ། བརྗོད་དོན་གཙོ་བོའི་སློབ་གསོ་དམངས་འཚོར་ཕན་པ་འདོགས་པ་དང་མཉམ་འདྲེས་བྱས་ནས་དམངས་འཚོར་ཕན་པའི་བྱ་བ་ཏན་ཏིག་སྒྲུབ་པ་དང་། དམངས་ལ་དྲོ་སྐྱིད་སྦྱིན་པའི་བྱ་བ་ཞིབ་ཚགས་སྒྲུབ་པ། དམངས་ཀྱི་འདོད་བློ་དང་མཐུན་པའི་བྱ་བ་ཡག་པོ་སྒྲུབ་པ་བཅས་བྱས་པ་རེད།

འབྲི་རུ་རྫོང་གིས“དུས་འཁོར་ཧྲིལ་པོའི་དྲོ་སྐྱིད་སྦྱིན་པའི་བྱ་སྤྱོད་ལྔ”ནུས་ཤུགས་ཡོད་རྒུས་དོན་འཁྱོལ་བྱས་ནས་ཏང་དང་སྲིད་གཞུང་གི་ཐུགས་ཁུར་དང་གཅེས་སྐྱོང་དེ“ཕྲུ་གུ་དམར་འབྱར་སྐྱེས་པ་དང་། སྦྱངས་འབྲས་ཐོན་པ། དམག་དཔུང་ལ་ཞུགས་པ། གཟི་བརྗིད་མཚན་སྙན་ཐོབ་པ། འདས་གྲོངས་ཀྱི་འཚམས་འདྲི”བཅས་དུས་སྐབས་གལ་ཆེན་ལྔར་ཁྱབ་པར་བྱས་པར་མིག་སྔའི་བར་མ་དངུལ་སྒོར་ཁྲི་137བཏང་བ་དང་། གཞི་རིམ་གྱི་ལས་བྱེད་པ་དང་མང་ཚོགས་ཀྱི་འཐུང་ཆུའི་སྤུས་ཚད་གནད་དོན་ལ་དམིགས་ཏེ། ཁྱོན་མ་དངུལ་སྒོར་ཁྲི་70ལྷག་ཙམ་བཏང་ནས་ཆུ་གཙང་བཟོའི་སྒྲིག་ཆས་སྒྲིག་སྦྱོར་བྱས་པ། ལས་ཐོག་ཏང་ཡོན་གྱིས“འབྱོར་ཐོ་གཉིས་འགོད་པའི”ལས་དོན་མུ་མཐུད་གཏིང་ཟབ་ཏུ་བཏང་ནས“གསར་བརྗེའི་དང་བླངས་དཔུང་ཁག”བཙུགས་ཏེ་སྙིང་གཏམ་ཤོད་རེས་དང་དང་བླངས་ཞབས་ཞུ་སོགས་ཀྱི་ཐབས་ལམ་བརྒྱུད“མང་ཚོགས་ལ་བཅར་འདྲི་དང་ཐབས་ཇུས་དམངས་ལ་འདྲི་བའི”བྱེད་སྒོ་སྤེལ་བ།“བྱང་ཐང་དུ་འོད་སྣང་སྦྱིན། སྐྱ་གྲིབ་ཕོག་མཁན་ལ་རིན་མེད་གཤགས་བཅོས་བྱེད་པ”དང་། “མིས་བཟོས‘པུས་མོ’རིན་མེད་ངང་བརྗེ་བ” དང་བླངས་པས་སྟོན་ལས་བྱེད་རོགས་བྱེད་པ་སོགས་དམངས་འཚོའི་བྱ་བ་དངོས་ལ་སྐུལ་འདེད་བཏང་བ་རེད།