ལྷ་ས་གྲོང་ཁྱེར་སྨན་བཅོས་འཕྲོད་བསྟེན་ཁྱབ་ཁོངས་ཀྱིས་བརྗོད་དོན་གཙོ་བོའི་སློབ་གསོར་སྐུལ་འདེད་བཏང་བར་ཕན་འབྲས་དངོས་ཐོན་པ།
ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་དང་ལག་བསྟར་བྱེད་པའི་བརྗོད་དོན་གཙོ་བོའི་སློབ་གསོ་ཁག་གཉིས་པ་སྤེལ་བ་ནས་བཟུང་། ལྷ་ས་གྲོང་ཁྱེར་གྱི་སྨན་བཅོས་འཕྲོད་བསྟེན་ཁྱབ་ཁོངས་ཀྱིས“དགོངས་པ་སློབ་སྦྱོང་དང་། ཏང་གཤིས་བརྟན་གཏོང་། ལག་ལེན་ལ་མཐོང་ཆེན། བྱས་རྗེས་གསར་འཇོག”བཅས་ཀྱི་སྤྱིའི་བླང་བྱ་གཞིར་བཟུང་། མང་ཚོགས་ཀྱི་དོ་ཁུར་ལ་དམིགས་ནས“སྨན་པ་བསྟེན་དཀའ་བའི”གནད་དོན་ཐག་གཅོད་ཏན་ཏིག་བྱས་ཏེ། དག་ཐེར་བཅོས་སྒྲིག་གཏིང་ཟབ་བྱེད་པར་སྐུལ་འདེད་བཏང་བ་རེད།
ལྷ་ས་གྲོང་ཁྱེར་སྨན་བཅོས་འགན་སྲུང་ཅུས་ཀྱིས“སྨན་གསུམ་མཉམ་འགུལ”སྒྱུར་བཅོས་གཏིང་ཟབ་བྱས་ནས་སྨན་བཅོས་འགན་སྲུང་གི་ངོ་བཤེར་གཏོང་སྤྲོད་མ་ལག་ཁྱབ་གདལ་བཏང་ནས་སྨན་པ་བསྟེན་པ་དང་སྨན་རིན་རྩིས་རྒྱག་སྐབས་མང་ཚོགས་བང་རིང་པོ་སྒྲིག་མི་དགོས་པས། སྨན་རིན་རྩིས་རྒྱག་པའི་ལས་ཕྱོད་ཧ་ཅང་ཆེ་རུ་ཕྱིན་པ་དང་། བཙོངས་འཛིན་མཐོང་ཚོར་དབྱེ་འབྱེད་རྣམ་གྲངས་ལག་ལེན་བསྟར་བས། རིག་ནུས་ཞིབ་དཔྱད་རྩིས་རྒྱག་མངོན་འགྱུར་བྱུང་ནས་སྨན་རིན་རྩིས་ཞུའི་དུས་ཚོད་ཐུང་དུ་ཕྱིན་པ། སྨན་བཅོས་འགན་སྲུང་གི་ཐེབས་རྩའི་ཡིད་རྟོན་གདེང་འཇོག་མ་ལག་བཙུགས་པས། སྨན་བཅོས་འགན་སྲུང་གི་ཡིད་རྟོན་མཉམ་སྐྲུན་དང་། མཉམ་སྐྱོང་། མཉམ་བཅོས་བཅས་མངོན་འགྱུར་བྱུང་ནས་མང་ཚོགས་ཀྱི“སྲོག་སྐྱོབ་དངུལ”སྲུང་སྐྱོབ་ཡག་པོ་ཐུབ་ཡོད་པ་རེད།
ལྷ་ས་གྲོང་ཁྱེར་སྨན་བཅོས་འགན་སྲུང་ཅུས་ཀྱིས་གྲོང་ཁྱེར་རིམ་པའི་སྨན་བཅོས་འགན་སྲུང་སྒྲུབ་གཉེར་སྒྲིག་གཞི་ལྟེ་བར་བྱེད་པ་དང་། རྫོང(ཆུས)རིམ་པའི་སྒྲུབ་གཉེར་སྒྲིག་གཞི་གཡུལ་ས་གཙོ་བོར་བྱེད་པ། ཤང་དང་གྲོང་རྡལ(ཁྲོམ་གཞུང)སྨན་བཅོས་འགན་སྲུང་ཞབས་ཞུའི་ས་ཚིགས་ལྟེ་གནས་སུ་བྱེད་པ། གྲོང་ཚོའི(སྡེ་ཁུལ)སྨན་བཅོས་འགན་སྲུང་ཞབས་ཞུའི་ས་ཚིགས་དྲ་ཚིགས་སུ་བྱེད་པ། དམིགས་བཙུགས་སྨན་བཅོས་སྒྲིག་གཞི་དང་། དངུལ་རྩའི་འགན་བཅོལ་སྒྲིག་གཞི། སློབ་གྲྭ་སོགས་ཞབས་ཞུའི་ས་ཚིགས་སུ་བྱེད་པའི“རིམ་ལྔའི་སྨན་བཅོས་འགན་སྲུང་སྒྲུབ་གཉེར་ཞབས་ཞུའི་མ་ལག”ཧུར་ཐག་བསྐྲུན་པ་དང་། གྲོང་ཁྱེར་དང་། རྫོང་། ཤང་། གྲོང་ཚོ་བཅས་རིམ་བཞིའི“སྐར་མ་15ཡི་ཞབས་ཞུའི་འཁོར་རྒྱ”དང“གྲོང་ཚོ་རིམ་པའི་སྐར་མ་15ཡི་སྨན་བཅོས་འགན་སྲུང་གི་ཞབས་ཞུ་སྒོ་རྩར་སྐྱེལ་བའི”སྨན་བཅོས་འགན་སྲུང་གི་སྤུས་རྟགས་བཏོད་དེ། སྨན་བཅོས་འགན་སྲུང་གི་ཞབས་ཞུ་དུད་ཚང་ཁྲི་སྟོང་མང་པོར་ཁྱབ་པར་བྱས་ཤིང་། སྨན་བཅོས་འགན་སྲུང་གི་གྲངས་གཞི་ཆེན་པོར་བརྟེན་ནས་ནད་གཞིས་རྐྱེན་པས་དབུལ་པོར་འགྱུར་བ་དང་དབུལ་པོ་བསྐྱར་ལོག་སྔོན་འགོག་གི་འགུལ་རྣམ་ལྟ་ཞིབ་ཚད་ལེན་མ་ལག་བཙུགས་ཏེ། སྐྱོབ་བཅོས་བྱེད་ཐུབ་རིགས་སྐྱོབ་བཅོས་བྱེད་པའི་འགན་ལེན་དང་། དབུལ་པོ་བསྐྱར་ལོག་སྔོན་འགོག་གི་མཐའ་ཚད་བརྟན་པོ་བསྲུངས་ནས་སྨན་བཅོས་འགན་སྲུང་གི་དབུལ་སྒྲོལ་འགག་སྒྲོལ་གྱི་གྲུབ་འབྲས་དེ་གྲོང་གསེབ་དར་རྒྱས་དང་འབྲེལ་མཐུད་ནུས་ལྡན་ཡོང་བར་བྱེད་བཞིན་ཡོད་པ་རེད།