རྔ་པ་ཉིན་རེའི་ཚགས་པར་ཐོག་གནས་ཚུལ་སྤེལ་བར་གཞིགས་ན། ཉེ་བའི་ལོ་ཤས་རིང་། འབར་ཁམས་གྲོང་ཁྱེར་གྱིས་ཏང་འཛུགས་སྐྱོང་གིས་སྣེ་ཁྲིད་བྱ་རྒྱུ་མཐའ་འཁྱོངས་བྱས་ཏེ་མང་ཚོགས་ཀྱི་སྐྱིད་སྣང་དང་བདེ་སྣང་ཆེ་རུ་གཏོང་རྒྱུ་དེ་སྡེ་ཁུལ་ལས་དོན་གྱི་འགོ་འཛུགས་ས་དང་དོན་ལ་བབས་སར་བརྩིས་ནས་གནད་དོན་ཆུང་གྲས་ནས་འགོ་འཛུགས་པ་དང་ཕྱོགས་མང་པོ་ནས་མང་ཚོགས་ལ་ཞབས་འདེགས་ཞུ་བ་དེ་སྡེ་ཁུལ་བཅོས་སྐྱོང་བར་སྣུར་སྲིང་བྱས་ཡོད།

“ལས་སྟེགས་ཆུང་ངུ”བཏོད་དེ་སྡེ་ཁུལ་ལ་ཞབས་འདེགས་ཞུ་རྒྱ་ཆེ་རུ་བཏང་ཡོད། ཀྲོའུ་དང་གྲོང་ཁྱེར་དུ་བཅའ་སྡོད་ཁེ་ལས་ཚན་པ་214དང་སྤྱི་འདོམས་ཀྱིས་སྡེ་ཁུལ་དང“ཏང་ཨུད་ཆེ་མོ”མཉམ་སྐྲུན་བྱས་ནས་ཏང་ཡོན་གྱི་སྡོད་གནས་བལྟོས་བཅས་ཀྱིས་གཅིག་སྡུད་ཡིན་པའི་སྒོ་ར་དང་ཐོག་ཁང་དུ་ཏང་གི་ཚོགས་ཆུང་26དང་ཏང་ཡོན་འཕེལ་རྒྱས་ཀྱི་ལྟེ་བའི་དུད་ཚང་45བཙུགས་ཏེ“ཏང་ཨུད་ཆེ་མོའི”ཁོངས་གཏོགས་ནང་གི་དམངས་འཚོའི་དོན་དག་གལ་ཆེན་གྱི་དོན་གྲོས་བྱེད་དབང་དང་སྤྱི་འདོམས་མཐུན་སྦྱོར་བྱེད་དབང་སོགས་འགན་ནུས་ཁག་12དུས་མཚུངས་སུ་དོན་འཁྱོལ་བྱས་ནས་གཙོ་ལས་གཅིག་སྡུད་དང་འགན་དབང་གཅིག་གྱུར་གྱི་དམིགས་ཚད་མངོན་འགྱུར་བྱས་པ་དང་། སྡེ་ཁུལ་གྱི་ཏང་དང་མང་ཚོགས་ཀྱི་བྱེད་སྒོའི་ལྟེ་གནས་ལ་བརྟེན་ནས“མངགས་ཐོ་དང་། སྡེབ་ཐོ། སྐྱེལ་ཐོ”བཅས་ཀྱི་ཞབས་ཞུའི་རྣམ་པ་བཙུགས་པ་དང“རེ་ཞུ་བསྡུ་རུབ་དང་། ལས་འགན་གཤམ་སྤྲོད། དྲ་ཕྱིར་ཐག་གཅོད། གདེང་འཇོག་ཚུར་ལན”བཅས་ཀྱི་ལས་ཀའི་བརྒྱུད་རིམ་ལ་བརྟེན་ནས་གནད་དོན་དང་བསམ་འཆར་ཁག་125བདག་སྤྲོད་བྱས་ཏེ་སྡེ་ཁུལ་གྱི་སྲིད་ཇུས་བློ་འདྲི་དང་། ལས་ཞུགས་ཞབས་ཞུ། དཀའ་ངལ་ཡོད་མཁན་ལ་རོགས་སྐྱོར་སོགས་ཀྱི་གནད་དོན་ཁག་156ཐག་གཅོད་བྱས་པ་རེད།

“དྲ་མིག་ཆུང་ངུ”ལེགས་སུ་བཏང་ནས་སྡེ་ཁུལ་གྱི་དཀའ་གནད་སེལ་བར་ཞབས་འདེགས་ཞུས་ཡོད། “སྡེ་ཁུལ་གྱི་ཏང་ཨུད་ཆེ་མོ་དང་། དྲ་མིག་གི་ཏང་ཀྲི་པུའུ། ཐོག་ཁང་གི་ཏང་ཚོགས་ཆུང་། ཏང་ཡོན་འཕེལ་རྒྱས་ཀྱི་ལྟེ་བའི་དུད་ཚང”བཅས་རིམ་བཞིའི་དྲ་མིག་མ་ལག་གཞི་རྟེན་དུ་བྱས་ཏེ་གྲོང་ཁྱེར་ཡོངས་ཀྱི་སྡེ་ཁུལ་3དྲ་མིག་ཆུང་གྲས་18ལ་ཕྱེ་ནས“1+5+Ｎ”དྲ་མིག་ཅན་གྱི་དོ་དམ་དཔྱད་ཡིག་གི་ཆ་འཕྲིན་མཛོད་བཙུགས་ཏེ་སྤྱི་ཚོགས་ཀྱི་གནས་ཚུལ་དང་དམངས་ཀྱི་བསམ་འདུན་བསྡུ་ལེན་དང་། ཆ་འཕྲིན་འཚོལ་བསྡུ། རྩོད་གཞི་ཁག་1200ལྷག་ཙམ་འདུམ་འགྲིག་བཅས་བྱས་པ་དང་། “ངས་མང་ཚོགས་ལ་བྱ་བ་དངོས་སྒྲུབ”ཅེས་པ་གཞི་རྟེན་དུ་བྱས་ནས་དམིགས་བསལ་མི་ཚོགས་ཀྱི་དགོས་མཁོའི་རྩིས་ཁྲ་རིགས་དབྱེ་ནས་བཟོས་པ་དང་དྲ་རྒྱའི་ལས་དོན་པ་སྒྲིག་འཛུགས་བྱས་ཏེ་སྡེ་ཁུལ་གྱི་ཁེར་སྡོད་རྒན་རྒོན་དང་། ནད་གཞི་ཚབས་ཆེན་དང་དབང་སྐྱོན་ཚབས་ཆེན། དཀའ་ངལ་ཡོད་པའི་ཁྱིམ་ཚང་སོགས་ཉམས་ཞན་ཚོགས་སྤྱིར་རྒྱུན་མཐུད་ངང་སློབ་ཁྲིད་དང་འགན་བཅོལ་ཚབ་སྤྲོད་སོགས་ཀྱི་ལས་དོན་སྤེལ་ནས་དཀའ་ངལ་དངོས་325ཐག་གཅོད་བྱས་ཏེ“ཞབས་འདེགས་ཞུ་ཡུལ་སྒུག་ནས་སྡོད་པ”དེ“སྒོ་རྩར་བསྐྱོད་ནས་ཞབས་འདེགས་ཞུ་བར”བསྒྱུར་ཡོད་པ་རེད།

“བྱེད་སྒོ་ཆུང་གྲས”ཡག་པོ་གཉེར་ནས་སྡེ་ཁུལ་ལ་ཞབས་འདེགས་ཞུ་བར་བཀྲག་མདངས་བསྣན་ཡོད། སྡེ་ཁུལ་གྱི་ཞབས་འདེགས་ཞུ་ཡུལ་ཚོགས་སྤྱི་མི་འདྲ་བའི་དགོས་མཁོར་དམིགས་ཏེ་གྲོང་མིར་རང་འགུལ་ངང་གཟུགས་པོར་བརྟག་དཔྱད་དང་རྒན་རྒོན་ལ་ཉིན་མོའི་ལྟ་རྟོག་སོགས་ཁྱད་ལྡན་ཞབས་འདེགས་ཞུས་པ་དང་། ཚོགས་པ་བསྒྲིགས་ནས་མི་ཧྲེང་རྒན་རྒོན་དང་གཞིས་ལུས་བྱིས་པ་སོགས་མི་ཐེངས་400ལྷག་ཙམ་ལ་འཚམས་འདྲི་དང་གཅེས་སྐྱོང་བྱས་པ། ཀུན་སྤྱོད་སློབ་ཁང་དང་། ལས་ཞུགས་གསོ་སྦྱོང་། བཅའ་ཁྲིམས་སྒྲོག་འགྲེལ་སོགས་ཀྱི་བྱེད་སྒོ་ཐེངས་20ལྷག་ཙམ་སྤེལ་ནས་མི་1000ལྷག་ཙམ་ལ་ཁྱབ་པར་བྱས་པ། སྡེ་ཁུལ་དུ“ཆུ་ཚོད་ལྔ་དང་ཕྱེད་ཀའི་སློབ་ཁང”བཙུགས་ནས་སེམས་ཁམས་ཁྲིད་སྟོན་དང་། ལག་ཤེས་བཟོ་རྩལ། རྩལ་ནུས་གསོ་སྦྱོང་། སྤྱི་ཚོགས་ཀྱི་ལག་ལེན། བསྟན་བཅོས་ཀློག་པ་སོགས་བྱེད་སྒོ་རབ་དང་རིམ་པ་ཐེངས་62སྤེལ་བ་བཅས་བྱས་ནས་རོལ་རྩེད་ཀྱི་ཞོར་ལ་སློབ་གསོ་གཏོང་བའི་བྱ་ཐབས་བརྒྱུད། སྡེ་ཁུལ་གྱི་གཞོན་ནུ་ལོ་ཆུང་དང་བྱིས་པ་བདེ་ཐང་ངང་འཚར་ལོངས་ཡོང་བའི་ཁོར་ཡུག་བཟང་པོ་ཞིག་བཏོད་ཡོད།