ཀྲུང་གོ་མི་བཞུགས་འཇིག་རྟེན་འཕུར་སྐྱོད་འདུ་འགོད་གཞུང་དོན་ཁང་གིས་ཆ་འཕྲིན་སྤེལ་བ་ལྟར་ན། པེ་ཅིང་གི་དུས་ཚོད་ཟླ་10ཚེས་29ཉིན། ལྷ་གྲུ་ཨང་བཅུ་དྲུག་པ་དང་ཨང་བཅུ་བདུན་པའི་འཇིག་རྟེན་འཕུར་སྐྱོད་པ་ཚོགས་ཆུང་གིས་རྩིས་སྤྲོད་རྩིས་ལེན་མཛད་སྒོ་གཉེར་ནས་ཀྲུང་གོ་བར་སྣང་ས་ཚིགས་ཀྱི་ལྡེ་མིག་སྤྲད་པ་རེད།

ལྷ་གྲུ་ཨང་བཅུ་དྲུག་པའི་འཇིག་རྟེན་འཕུར་སྐྱོད་པ་ཚོགས་ཆུང་གིས་སྔོན་ནས་གཏན་ཁེལ་བའི་ལས་འགན་ཆ་ཚང་ལེགས་པར་བསྒྲུབས་རྗེས་ཟླ་10ཚེས་31ཉིན་ལྷ་གྲུ་ཨང་བཅུ་དྲུག་པའི་མི་བཞུགས་འཕུར་གྲུར་བསྡད་དེ་ཤར་རླུང་འབབ་ཐང་དུ་ལོག་གི་ཡོད་པ་རེད།

མིག་སྔར། འབབ་ཐང་དང་དེ་བཞིན་ཚོད་ཞུགས་མ་ལག་ཁག་གིས་འཇིག་རྟེན་འཕུར་སྐྱོད་པ་ལོག་པའི་གྲ་སྒྲིག་གི་ལས་དོན་ཁག་ཡག་པོ་སྒྲུབ་བཞིན་ཡོད་པ་རེད།