འདི་ལོ་ནས་བཟུང་། རང་ལྗོངས་ཀྱིས་བློ་བརྟན་འགྱུར་མེད་ངང་རྒྱལ་སྲིད་སྤྱི་ཁྱབ་ཁང་གི་ཐབས་ཇུས་བཀོད་སྒྲིག་ལག་བསྟར་མཐའ་གཅིག་ཏུ་བྱས་ཏེ་བྱ་ཐབས་སྣ་མང་མཉམ་དུ་སྤྱད་ནས་འཛད་སྤྱོད་སླར་གསོ་དང་རྒྱ་ཆེར་གཏོང་རྒྱུར་དམ་འཛིན་བྱས་ཏེ་འཛད་སྤྱོད་ལ་སྐུལ་འདེད་གཏོང་བའི་སྲིད་ཇུས་རབ་དང་རིམ་པ་དོན་ཐོག་ཏུ་འཁྱོལ་བ་དང་ཕན་འབྲས་ཐོན་པར་རྒྱུན་མཐུད་སྐུལ་འདེད་བཏང་བས་འཛད་རྫས་ཁྲོམ་ར་བརྟན་པོའི་ངང་འཕར་བའི་རྣམ་པ་མུ་མཐུད་རྒྱུན་འཁྱོངས་ཐུབ་ཡོད། དུས་ཚིགས་དང་པོ་ནས་གསུམ་པའི་བར། ལྗོངས་ཡོངས་ཀྱི་སྤྱི་ཚོགས་འཛད་རྫས་སིལ་ཚོང་བསྡོམས་འབོར་སྒོར་དུང་ཕྱུར་632.1ཟིན་པ་དེ་དུས་མཚུངས་ལས་18.8%འཕར་ནས་འཕར་ཚད་རྒྱལ་ཡོངས་ཀྱི་ཨང་དང་པོར་སླེབས་པ་དང་རྒྱལ་ཡོངས་ཀྱི་ཆ་སྙོམས་ཆུ་ཚད་ལས་བརྒྱ་ཆའི་གྲངས་12ཀྱིས་མཐོ་བ་ཡོད་པ་རེད།

འདི་ལོ། རང་ལྗོངས་ཀྱིས་སྔ་རྗེས་སུ་འཛད་སྤྱོད་སླར་གསོ་དང་རྒྱ་ཆེར་གཏོང་རྒྱུའི་བྱ་ཐབས“ཁག་24”དང་མཚན་མོའི་དཔལ་འབྱོར་དང་གུང་གསེང་དཔལ་འབྱོར་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་བྱ་ཐབས“ཁག་8”བཏོན་ནས་འཛད་སྤྱོད་རྒྱུན་མཐུད་ངང་སླར་གསོ་ཡག་པོ་བྱུང་ནས་2021ལོ་དང་2019ལོའི་དུས་ཚིགས་དང་པོ་ནས་གསུམ་པའི་བར་ལས་13.1%དང་13.7%སོ་སོར་འཕར་ཡོད།

རང་སྐྱོང་ལྗོངས་དང་ས་ཁུལ（གྲོང་ཁྱེར）རིམ་པ་གཉིས་ཀྱི་ཚོང་དོན་སྡེ་ཚན་གྱིས་རིམ་རྩིས་བྱས་པར་གཞིགས་ན། འཛད་སྤྱོད་ལ་སྐུལ་འདེད་གཏོང་བའི་ཆེད་སྤྱོད་མ་དངུལ་སྒོར་དུང་ཕྱུར་2.6ལྷག་ཙམ་དོན་འཁྱོལ་བྱས་པ་དང“བདེ་སྐྱིད་ལྡན་པའི་བོད་ལྗོངས། འཛད་སྤྱོད་ལ་རོལ་བའི”འཛད་སྤྱོད་ཡར་སྐུལ་གྱི་ཆེད་དོན་བྱ་སྤྱོད་ལག་བསྟར་བྱས་པས་ཐད་ཀར་འཛད་སྤྱོད་བྱེད་ཚད་སྒོར་དུང་ཕྱུར་26.9ལྷག་ཙམ་ཟིན་པ་རེད། སྲིད་ཇུས་ཀྱི་ནུས་པ་གང་ལེགས་འདོན་པ་དང་ཆབས་ཅིག རང་ལྗོངས་ཀྱིས་གཉེར་སྐྱོང་བྱེད་པོའི་གསོན་ཤུགས་འཕེལ་བར་བྱེད་པ་དེ་འཛད་སྤྱོད་སླར་གསོ་དང་རྒྱ་ཆེར་གཏོང་བའི་གལ་ཆེའི་དམ་འཛིན་བྱ་གཞིར་བརྩིས་ནས་རིམ་རྩིས་བྱས་ན་གཉེར་སྐྱོང་བྱེད་པོ་ཁྲི་1.34ལྷག་ཙམ་ཆེད་དོན་བྱ་སྤྱོད་ནང་ཞུགས་རྒྱུའི་སྒྲིག་འཛུགས་བྱས་པ་དེའི་ནང་ཁེར་རྐྱང་བཟོ་ཚོང་དུད་ཚང་ཁྲི་1.15ལྷག་ཙམ་ཡོད་པ་རེད།