“ཚན་རིག་ཁྱབ་གདལ་གྲོང་གསེབ་ཀྱི་སློབ་གྲྭ་བརྒྱར་སྤེལ་བའི”བྱེད་སྒོ་ལྷ་སར་སྤེལ་བ།
བོད་ལྗོངས་ཉིན་རེའི་ཚགས་པར་ཐོག་གནས་ཚུལ་སྤེལ་བར་གཞིགས་ན། ཉེ་ཆར“སྲིན་འབུ་མེ་འཁྱེར་གྱི་འཆར་གཞི་སྟེ། ཚན་རིག་ཁྱབ་གདལ་གྲོང་གསེབ་ཀྱི་སློབ་གྲྭ་བརྒྱར་སྤེལ་བ”ཞེས་པའི་བོད་ལྗོངས་ལྷ་སའི་བྱེད་སྒོའི་ས་ཚིགས་གསུམ་པའི་བྱེད་སྒོ་སྟོད་ལུང་བདེ་ཆེན་ཆུས་སློབ་ཆུང་གཉིས་པར་སྤེལ་བ་རེད།
ད་ཐེངས་ཀྱི་བྱེད་སྒོ་དེ་སློབ་གྲྭའི་ཚན་རྩལ་དུས་ཆེན་གྱི་རྣམ་པའི་ཐོག་ནས་སྤེལ་བ་དང་། ཤེས་བྱ་འགྲེམས་སྟོན་དང་། ཉམས་ལེན་སྤེལ་རེས། ཆེད་ལས་འཆད་ཁྲིད་སོགས་ཀྱི་བྱེད་ཐབས་བརྒྱུད་སློབ་མས་ས་ཆ་དངོས་སུ་ཚན་རྩལ་གྱི་སྤྲོ་སྣང་ཉམས་ལེན་དང་ཚན་རྩལ་གྱི་ཡིད་དབང་འཕྲོག་ཤུགས་མྱོང་རོལ་ཐུབ་པར་བྱས་པ་རེད།