བོད་རང་སྐྱོང་ལྗོངས་ཏང་ཨུད་རྩ་འཛུགས་པུའི་ལས་ཁུངས་ཏང་ཨུད་ཀྱིས།
“ཏང་གི་བཀའ་དྲིན་དང་། སྲོག་ཤིང་། མི་དམངས་བཅས་ལ་བསྟོད་གླུ་འབུལ”ཞེས་པ་བརྗོད་དོན་གཙོ་བོར་བྱས་པའི་སྒྱུ་རྩལ་རྣམ་པའི་ཏང་གི་སློབ་ཚན་འཚོགས་པ།
ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་དང་ལག་བསྟར་བྱེད་པའི་བརྗོད་དོན་གཙོ་བོའི་སློབ་གསོ་མུ་མཐུད་གཏིང་ཟབ་ཏུ་གཏོང་ཆེད། ཉེ་ཆར་བོད་རང་སྐྱོང་ལྗོངས་ཏང་ཨུད་རྩ་འཛུགས་པུས་ལས་ཁུངས་ཀྱི་ཏང་ཡོན་ལས་བྱེད་པ་སྒྲིག་འཛུགས་བྱས་ནས། བོད་རང་སྐྱོང་ལྗོངས་ལྷ་མོ་ཚོགས་པའི་སྒྱུ་རྩལ་ལྟེ་གནས་སུ་བསྐྱོད་དེ“ཏང་གི་བཀའ་དྲིན་དང་། སྲོག་ཤིང་། མི་དམངས་བཅས་ལ་བསྟོད་གླུ་འབུལ”ཞེས་པ་བརྗོད་དོན་གཙོ་བོར་བྱས་པའི་སྒྱུ་རྩལ་རྣམ་པའི་ཏང་གི་སློབ་ཚན་འཚོགས་ཏེ། ཕུལ་བྱུང་སྒྱུ་རྩལ་ཁྲོད་ནས་ཏང་ཡོན་ལས་བྱེད་པར་ཏང་གཤིས་སློབ་གསོ་དང་བསམ་པའི་ཞུན་བརྡར་བཏང་ནས། ཏང་གི་བཀའ་ལ་ཉན་པ་དང་། ཏང་གི་བཀའ་དྲིན་ཚོར་བ། ཏང་གི་རྗེས་སུ་འབྲང་བ་བཅས་བྱེད་པའི་ཁོ་ཚོའི་གདེང་ཚོད་དང་ཆོད་སེམས་བརྟན་དུ་བཏང་ཡོད།
སྒྱུ་རྩལ་རྣམ་པའི་ཏང་གི་སློབ་ཚན་དེས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་བོད་ཀྱི་མི་དམངས་ལ་སྤྲིངས་པའི“འཕྲིན་ཡིག་བཞི”བརྗོད་དོན་གཙོ་བོར་བྱས་ཏེ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཀྲུང་གོ་ཚན་རིག་ཁང་མཚོ་བོད་ས་མཐོའི་ཕྱོགས་བསྡུས་ཚན་རིག་རྟོག་ཞིབ་ཞིབ་འཇུག་རུ་ཁག་ལ་སྤྲིངས་པའི་རྟེན་འབྲེལ་འཕྲིན་ཡིག་དང་། སྒྲོལ་དཀར་དང་གཡང་འཛོམས་གཅེན་གཅུང་གཉིས་ལ་སྤྲིངས་པའི་འཕྲིན་ལན། བོད་ལྗོངས་མི་རིགས་སློབ་ཆེན་བཙུགས་ནས་ལོ་60འཁོར་བར་སྤྲིངས་པའི་རྟེན་འབྲེལ་འཕྲིན་ཡིག རྒྱལ་སའི་ལྕགས་དང་ངར་ལྕགས་བཟོ་གྲྭའི་སྨན་ཁང་དུ་དངོས་སྦྱོང་བྱེད་བཞིན་པའི་བོད་ལྗོངས་སློབ་ཆེན་གསོ་རིག་སློབ་གླིང་གི་སློབ་མར་སྤྲིངས་པའི་འཕྲིན་ལན་བཅས་ལ་དམིགས་ཏེ་འཕྲིན་ཡིག་གྱེར་ཀློག་དང་གནས་ཚུལ་དངོས་འཁྲབ་པ་སོགས་ཀྱི་རྣམ་པ་ནས་བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གིས་བོད་ཀྱི་ལས་དོན་ལ་ཚད་མཐོའི་མཐོང་ཆེན་དང་བོད་ཀྱི་མི་དམངས་ལ་དམིགས་བསལ་ཐུགས་ཁུར་གནང་ལུགས་གསོན་ཉམས་དོད་པོས་མཚོན་པར་མ་ཟད། ད་དུང་ས་མཐོའི་བུ་ཕྲུག་གིས་ཏང་ཀྲུང་དབྱང་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་བཀའ་དྲིན་ཆེན་པོ་ཚོར་སེམས་དང་དུས་རབས་གསར་པར་འབད་འབུངས་བྱེད་པའི་དཔའ་ངར་ཆེད་སྐྱེད་ཀྱི་ཉམས་འགྱུར་གང་ལེགས་མཚོན་པར་བྱས་ཡོད།