དབུ་ཤོག>གསར་འགྱུར།>སྐབས་དོན་ཆབ་སྲིད།
  • བརྗོད་དོན་གཙོ་བོའི་སློབ་གསོ་ཁག་གཉིས་པ་སྤེལ་བར “སྣང་ཆེན་ལྔ”ཐུབ་པར་བྱེད་དགོས།

  • ཡོང་ཁུངས།  ཀྲུང་གོའི་བོད་ཀྱི་གསར་འགྱུར་དྲ་བ།   |     སྤེལ་དུས།  2023-10-25

    ཉེ་ཆར་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཅང་ཤིས་སུ་རྟོག་ཞིབ་གནང་སྐབས་བརྗོད་དོན་གཙོ་བོའི་སློབ་གསོའི་ཁག་དང་པོའི་གྲུབ་འབྲས་ཐོབ་པའི་ཉམས་མྱོང་ཕྱོགས་སྡོམ་དང་བེད་སྤྱོད་བྱས་ཏེ་བརྗོད་དོན་གཙོ་བོའི་སློབ་གསོ་ཁག་གཉིས་པ་སྤུས་ཚད་མཐོ་པོས་སྤེལ་དགོས་ཞེས་གསུངས་པ་རེད།

    ཀྲུང་དབྱང་གིས་བརྗོད་དོན་གཙོ་བོའི་སློབ་གསོ་ཁག་གཉིས་པའི་ལས་དོན་བཀོད་སྒྲིག་བྱེད་སྐབས“སྣང་ཆེན་ལྔའི”བླང་བྱ་བཏོན་ཞིང་། དེར་ཇི་ལྟར་བྱས་ནས་གོ་བ་ལེན་པ་དང་ཁོང་དུ་ཆུད་པར་བྱེད་དགོས་པ་དང་ཞིབ་ཕྲའི་ལས་དོན་ནང་ལག་ལེན་ཇི་ལྟར་བསྟར་དགོས་སམ། མཉམ་དུ་སློབ་སྦྱོང་གྱིས་དང་།

    “སྣང་ཆེན་ལྔའི”བླང་བྱ།

    ★ དམིགས་ཚད་དང་བླང་བྱ་ཁོང་དུ་ཡང་དག་ཆུད་པར་སྣང་ཆེན་བྱེད་པ་དང་། ★ རིགས་དབྱེ་མཛུབ་ཁྲིད་ལ་ཤུགས་སྣོན་རྒྱག་པར་སྣང་ཆེན་བྱེད་པ། ★ གནད་དོན་དངོས་ཐག་གཅོད་བྱེད་པར་སྣང་ཆེན་བྱེད་པ། ★འབྲེལ་མཐུད་མཉམ་འགུལ་ལ་དམ་འཛིན་ཡག་པོ་བྱེད་པར་སྣང་ཆེན་བྱེད་པ། ★ ཕྱི་ཚུལ་རིང་ལུགས་དང་དཔོན་ཉམས་རིང་ལུགས་བཀག་འགོག་བྱེད་པར་སྣང་ཆེན་བྱེད་པ།

    དམིགས་ཚད་དང་བླང་བྱ་ཁོང་དུ་ཡང་དག་ཆུད་པར་སྣང་ཆེན་བྱེད་པ།

    ★ བརྗོད་དོན་གཙོ་བོའི་སློབ་གསོ་ཁག་གཉིས་པ་སྤེལ་བའི་སྤྱིའི་བླང་བྱ་ནི་ཁག་དང་པོ་དང་གཅིག་མཚུངས་ཡིན།

    ★ “དགོངས་པ་སློབ་སྦྱོང་དང་། ཏང་གཤིས་བརྟན་གཏོང་། ལག་ལེན་ལ་མཐོང་ཆེན། བྱས་རྗེས་གསར་འཇོག”བཅས་ཀྱི་སྤྱིའི་བླང་བྱར་སྟངས་འཛིན་བྱས་ཏེ་དུས་མཚམས་དང་ལྷུ་ཚིགས་མི་དབྱེ་བར་རིགས་པའི་གཞུང་ལུགས་སློབ་སྦྱོང་དང་། བརྟག་དཔྱད་ཞིབ་འཇུག འཕེལ་རྒྱས་ལ་སྐུལ་འདེད། ལྟ་བཤེར་བཅོས་སྒྲིག སྒྲིག་སྲོལ་དང་ལམ་ལུགས་བཟོ་བ་སོགས་འབྲེལ་མཐུད་ཀྱིས་སྡེབ་གཅིག་ལ་སྐུལ་འདེད་གཏོང་དགོས།

    རིགས་དབྱེ་མཛུབ་ཁྲིད་ལ་ཤུགས་སྣོན་རྒྱག་པར་སྣང་ཆེན་བྱེད་པ།

    ★ རིགས་དབྱེ་མཛུབ་ཁྲིད་ལ་ཤུགས་སྣོན་རྒྱག་པ་ནི་བརྗོད་དོན་གཙོ་བོའི་སློབ་གསོ་ཁག་གཉིས་པར་ཕན་འབྲས་དངོས་ཐོན་པའི་འགན་ལེན་གལ་ཆེན་ཞིག་རེད།

    ★ ས་ཁུལ་མི་འདྲ་བ་དང་། རིགས་མི་འདྲ་བ། ཁྱབ་ཁོངས་མི་འདྲ་བ། ལས་གནས་མི་འདྲ་བ་བཅས་ཀྱི་ཁྱད་ཆོས་དང་དོན་དངོས་ལ་དམིགས་ཏེ་ཡུལ་བབ་དང་བསྟུན་པ་དང་ཚན་རིག་དང་མཐུན་པའི་སྒོ་ནས་བཀོད་སྒྲིག་ལུགས་མཐུན་དང་རྩ་འཛུགས་ཀྱི་མཛུབ་ཁྲིད་བྱེད་སྟངས་ལེགས་སུ་བཏང་སྟེ་རང་སོ་སོའི་བརྗོད་དོན་གཙོ་བོའི་སློབ་གསོ་སྤེལ་བའི་ཤུགས་རྒྱག་ས་གནད་འཁེལ་བཙལ་ནས་ཡོངས་སུ་ཁྱབ་ཐུབ་པའི་འགན་ལེན་བྱེད་དགོས།

    གནད་དོན་དངོས་ཐག་གཅོད་བྱེད་པར་སྣང་ཆེན་བྱེད་པ།

    ★ དཔེ་མཚོན་གྱི་གྱོད་དཔེར་དམ་འཛིན་བྱེད་མཁས་པོ་བྱས་ཏེ། ཆུང་རྩད་ཆེ་ཤེས་བྱེད་རིང་གནད་དོན་ཆུང་ས་ནས་ཆེ་ས་བཤེར་འདོན་དང་། གྲི་དངོ་ནང་གཏད་ཀྱིས་གནད་དོན་ལ་དབྱེ་ཞིབ། ཟུར་བསྟན་ལེབ་མཐོང་གིས་གནད་དོན་ཐག་གཅོད་བཅས་བྱེད་པ་དང་། “གནད་དོན་གཅིག་དབྱེ་ཞིབ”བྱས་པ་བརྒྱུད“གནད་དོན་རིགས་གཅིག”ཐག་གཅོད་བྱེད་པར་སྐུལ་འདེད་གཏོང་དགོས།

    སྤྱི་འདོམས་འབྲེལ་མཐུད་ལ་དམ་འཛིན་ཡག་པོ་བྱེད་པར་སྣང་ཆེན་བྱེད་པ།

    ★ བརྗོད་དོན་གཙོ་བོའི་སློབ་གསོ་ཁག་དང་པོ་ནས་ཁག་གཉིས་པར་བསྒྱུར་བ་དེ་རྒྱུག་མཐུད་འགྲན་བསྡུར་ཞིག་ཡིན་པ་མ་ཟད། ལས་དོན་ཧྲིལ་པོ་ཞིག་ཀྱང་ཡིན་པས་ངེས་པར་དུ་གོང་འོག་མཉམ་འགུལ་མཐའ་འཁྱོངས་ཀྱིས་རྦད་དེ་ཁ་བྲལ་བ་དང་སྔ་ཕྱི་ཁ་བྲལ་བ་བཀག་འགོག་བྱེད་དགོས།

    ཕྱི་ཚུལ་རིང་ལུགས་དང་དཔོན་ཉམས་རིང་ལུགས་སྔོན་འགོག་བྱེད་པར་སྣང་ཆེན་བྱེད་པ།

    ★ ཐམས་ཅད་དོན་དངོས་དང་བསྟུན་རྒྱུ་མཐའ་འཁྱོངས་ཀྱིས་བརྗོད་དོན་གཙོ་བོའི་སློབ་གསོའི་རྩ་བའི་དགོངས་གཞི་ཁོང་དུ་བརྟན་པོ་ཆུད་པ་དང་། ཕན་འབྲས་དངོས་ཐོན་པར་ཤུགས་མང་ཙམ་རྒྱག་པ་ལས་ཕྱི་ཚུལ་གྱི་རྣམ་པ་སྟོན་ཤུགས་ཉུང་ཙམ་རྒྱག་པ། ཕྱི་ཚུལ་ཙམ་དང་རང་དགར་གསར་སྒྱུར་མི་བྱེད་པ། ཕྱི་ཚུལ་རིང་ལུགས་དང་དཔོན་ཉམས་རིང་ལུགས་ཀྱི་ཕྱོགས་ལྷུང་དུས་ཐོག་ཏུ་ཤེས་རྟོགས་དང་ཡོ་བསྲང་བྱེད་པ། སྤྱོད་ཚུལ་ནན་པོར་བརྟེན་པ་བཅས་བྱས་ནས་བརྗོད་དོན་གཙོ་བོའི་སློབ་གསོའི་ཆབ་སྲིད་ཀྱི་རང་བཞིན་དང་སྒམ་ནན་གྱི་རང་བཞིན་འགན་ལེན་ཏན་ཏིག་བྱེད་དགོས།

    འགན་འཁུར་རྩོམ་སྒྲིག་པ། ཉི་མ་ཆོས་སྒྲོན།

མཉམ་སྤྱོད།

འབྲེལ་ཡོད་གསར་འགྱུར།