ཉེ་ཆར། རང་སྐྱོང་ལྗོངས་སྲིད་གཞུང་གསར་འགྱུར་གཞུང་དོན་ཁང་གིས་འཚོགས་པའི“བོད་ཀྱི་རའི་ཁུ་ལུའི”ས་ཁོངས་སྤྱི་སྤྱོད་སྤུས་རྟགས་ཀྱི་གསར་འགྱུར་ཡོངས་བསྒྲགས་ཚོགས་འདུ་ནས་གསར་འགོད་པར་ཤེས་རྟོགས་བྱུང་གསལ། 2022ལོར་ལྗོངས་ཡོངས་ཀྱི་ར་ལག་ཡོད་མགོ་གྲངས་ཁྲི་259.22ལྷག་ཙམ་ཡོད་པའི་ནང་། 90%ལྷག་ཙམ་ཁུལ་ལྡན་ར་ཡིན་ཞིང་། ལོར་ཁུ་ལུ་ཏུན་713ལྷག་ཙམ་ཐོན་ནས་རྒྱལ་ཡོངས་ཀྱི་ཨང་དྲུག་པར་སླེབས་ཀྱི་ཡོད། མིག་སྔ་བར། ལྗོངས་ཡོངས་སུ་ཁུལ་ལྡན་ར་གསོ་ཚགས་དང་ཁུ་ལུའི་ཐོན་ལས་ཐོན་སྐྱེད་ལས་སྣོན་བྱེད་པའི་ཁེ་ལས་6དང་། མཉམ་ལས་ཁང་42 མཉམ་ལས་ཁང་ནང་ཞུགས་པའི་ཞིང་དུད་5000ལྷག་ཙམ་བཅས་ཟིན་ནས་མི་ཁྲི་2ལྷག་ཙམ་ལས་ཞུགས་ཐུབ་པར་སྐུལ་ཁྲིད་ཐུབ་ཡོད་པ་རེད།

ཤེས་རྟོགས་བྱུང་བར་གཞིགས་ན། ལོ་མང་འབད་བརྩོན་བྱས་པ་བརྒྱུད། རང་ལྗོངས་ཀྱིས་མངའ་རིས་ས་ཁུལ་གྱི་རུ་ཐོག་རྫོང་དང་མཚོ་ཆེན་རྫོང་། ནག་ཆུ་གྲོང་ཁྱེར་གྱི་ཉི་མ་རྫོང་བཅས་ཁུལ་ལྡན་རའི་ར་ཐུག་ར་བ་དང་། མངའ་རིས་ས་ཁུལ་གྱི་དགེ་རྒྱས་དང་སྒེར་རྩེ། ནག་ཆུ་གྲོང་ཁྱེར་གྱི་ཤན་རྩ་དང་དཔལ་མགོན་བཅས་ཁུལ་ལྡན་རའི་རྒྱུད་སྤེལ་ར་བ་སྔ་རྗེས་སུ་བཙུགས་པས། ཁུལ་ལྡན་རའི་ཐོན་ལས་ས་གནས་དེ་གའི་ཀ་རྟེན་ཐོན་ལས་དང་དམངས་ཕྱུག་ཐོན་ལས་གལ་ཆེན་ཞིག་ཏུ་གྱུར་ཡོད། འཛད་སྤྱོད་པའི་འཛད་སྤྱོད་ལྟ་བ“ཚོང་ཟོག་འཛད་སྤྱོད”ནས“སྤུས་རྟགས་འཛད་སྤྱོད”དུ་གྱུར་པ་དང་བསྟུན་ནས། རང་སྐྱོང་ལྗོངས་ཞིང་ལས་གྲོང་གསེབ་ཐིང་གིས“བོད་ཀྱི་རའི་ཁུ་ལུའི”ས་ཁོངས་སྤྱི་སྤྱོད་སྤུས་རྟགས་འཛུགས་གཏོད་ལས་དོན་ལ་སྐུལ་འདེད་ཧུར་ཐག་བཏང་བ་དང་། རྒྱལ་ཁབ་ཁྲོམ་ར་ལྟ་འདོམས་སྤྱི་ཁྱབ་ཅུས་སོགས་པུའུ་ཨུད་ཀྱི་ཞིབ་བཤེར་ཆོག་མཆན་ཐོབ་པ་བརྒྱུད། རང་སྐྱོང་ལྗོངས་ཞིང་འབྲོག་ལས་ཀྱི་ས་ཁོངས་སྤྱི་སྤྱོད་སྤུས་རྟགས“བོད་ཀྱི་རའི་ཁུ་ལུ”འཛུགས་གཏོད་ལམ་ལྷོངས་བྱུང་བས། བོད་ཀྱི་རའི་ཁུ་ལུའི་ཐོན་ལས་ཀྱི་གཞི་ཁྱོན་ཅན་དང་། ཁྲོམ་ར་ཅན། སྤུས་རྟགས་ཅན་བཅས་ལ་སྐུལ་འདེད་ནུས་ལྡན་ཐུབ་རྒྱུ་རེད།