གསར་འགོད་པར་ཟླ་10ཚེས་21ཉིན་སྤེལ་འགོ་ཚུགས་པའི་2023ལོའི་ཀྲུང་གོའི་5Gའཕེལ་རྒྱས་ཚོགས་ཆེན་ཐོག་ནས་ཤེས་རྟོགས་བྱུང་བར། 5Gབཀོལ་སྤྱོད་བྱ་སྤྱོད་འཆར་གཞི་ལག་བསྟར་བྱས་ནས་ལོ་གསུམ་སོང་རིང་། རང་རྒྱལ་གྱི་5Gདྲ་རྒྱའི་འཛུགས་སྐྱོང་རྒྱུན་མཐུད་ངང་མགྱོགས་སུ་ཕྱིན་པ་དང་། མཉམ་འདྲེས་བཀོལ་སྤྱོད་ཐུབ་ཚད་རྒྱུན་ཆད་མེད་པར་རྒྱ་ཆེར་ཕྱིན་པ། བཀོལ་སྤྱོད་གསར་གཏོད་བྱེད་ཤུགས་ཆེ་རུ་ཕྱིན་པ། གསར་གཏོད་བྱེད་ཚད་དེ་བས་རྒྱུན་ཆད་མེད་པར་མཐོ་རུ་ཕྱིན་པ་བཅས་བྱུང་ནས། མིག་སྔའི་བར་རང་རྒྱལ་གྱི་5Gཚད་གཞིའི་དགོས་ངེས་ཀྱི་ཁེ་བེད་བདག་ཐོབ་གསལ་བསྒྲགས་བྱེད་ཚད་ཀྱིས་གོ་ལ་ཧྲིལ་པོའི་བསྡུར་ཚད་བཟུང་ཚད་42%ཟིན་ཡོད།

ཟླ་9པའི་ཟླ་མཇུག་བར། རང་རྒྱལ་གྱི་5Gསྦྲེལ་ཚུགས་ཀྱི་བསྡོམས་འབོར་ཁྲི་318.9ཟིན་ནས་ས་ཁུལ་རིམ་པའི་གྲོང་ཁྱེར་གྲོང་ཁུལ་དང་རྫོང་གྲོང་ཁུལ་ཚང་མར་ཁྱབ་སྟེ་མི་ཁྲི་རེར་5Gསྦྲེལ་ཚུགས་ལྡན་ཚད་22.6ཟིན་པ་དང་། 90%ལྷག་ཙམ་གྱི་5Gསྦྲེལ་ཚུགས་མཉམ་སྐྲུན་མཉམ་སྤྱོད་ཐུབ་པ། 5Gསྒུལ་བདེའི་ཁ་པར་སྤྱོད་མཁན་དུང་ཕྱུར་7.37ཟིན་ཡོད།

ཉེ་བའི་ལོ་ཤས་རིང་རང་རྒྱལ་གྱི་5Gཡི་འགག་རྩའི་ལག་རྩལ་ལ་སྤྱི་ཡོངས་རང་བཞིན་གྱི་ཐོག་ནས་ཚད་བརྒལ་བྱུང་སྟེ། མ་ལག་དང་། སྙིང་ཏིག མཐའ་སྣེ། དཔྱད་ཆས་སོགས་ལྷུ་ཚིགས་ལ་ཁྱབ་པའི་ཅུང་འཐུས་སྒོ་ཚང་བའི་5Gཐོན་ལས་འཁོར་འབྲེལ་ཆགས་ཏེ་ཐོན་ལས་ཀྱི་རྨང་གཞིའི་སྟོབས་ཤུགས་རྒྱུན་མཐུད་ཆེ་རུ་ཕྱིན་ཡོད།

རྒྱལ་ཡོངས་ཀྱི“5G+བཟོ་ལས་དྲ་སྦྲེལ”གྱི་རྣམ་གྲངས་7000ལྷག་ཙམ་ཟིན་ནས་5Gལས་རིགས་བཀོལ་སྤྱོད་དེ་རྒྱལ་དམངས་དཔལ་འབྱོར་གྱི་རིགས་ཆེན་པོ་67ནང་མཉམ་འདྲེས་ཐུབ་སྟེ་བཀོལ་སྤྱོད་གྲངས་གཞི་ཁྲི་9.4ལྷག་ཙམ་ཟིན་ཡོད་པ་རེད།