ཤིན་ཧྭ་གསར་འགྱུར་ཁང་གྲོང་ཁྱེར་ཝན་ཐེན་ནས་གློག་འཕྲིན་འབྱོར་གསལ། ཉེ་ཆར། ཀྲུང་གོ་སྲིད་གཞུང་གིས་སྐྲུན་རོགས་བྱས་པའི་ལོ་སིའི་ལྕགས་ལམ་ལས་རིགས་ལག་རྩལ་སློབ་གླིང་གི་རྣམ་གྲངས་རྩིས་སྤྲོད་རྩིས་ལེན་གྱི་མཛད་སྒོ་ལོ་སིའི་རྒྱལ་ས་ཝན་ཐེན་དུ་གཉེར་བ་རེད། ལོ་སིའི་མི་དམངས་གསར་བརྗེ་ཏང་ཀྲུང་དབྱང་གི་སྤྱི་ཁྱབ་ཧྲུའུ་ཅི་རྒྱལ་ཁབ་ཀྱི་ཀྲུའུ་ཞི་ཐུང་ལུན·ཤིས་སུའུ་ལི་མཛད་སྒོར་ཞུགས་པ་དང་འབྲེལ་སློབ་གླིང་དངོས་སུ་སྤྱོད་འགོ་ཚུགས་པའི་རྔ་བརྡུང་བ་རེད། ལོ་སིར་བཅའ་སྡོད་ཀྲུང་གོའི་གཞུང་ཚབ་ཆེ་མོ་ཁང་གི་གནས་སྐབས་ལས་ཚབ་ཝང་ཁྲང་གིས་ཀྲུང་གོ་སྲིད་གཞུང་གི་ཚབ་ཞུས་ནས་ལོ་སི་སྲིད་གཞུང་ལ་རྣམ་གྲངས་ཀྱི་ལྡེ་མིག་རྩིས་སྤྲད་པ་རེད།

ལོ་སིའི་ལྕགས་ལམ་ལས་རིགས་ལག་རྩལ་སློབ་གླིང་དེ་ཀྲུང་གོ་སྲིད་གཞུང་གིས་སྐྲུན་རོགས་བྱས་ཤིང་། རྣམ་གྲངས་དེ་2021ལོའི་ཟླ་9ཚེས་20ཉིན་དངོས་སུ་ལས་འགོ་ཚུགས་པ་དང་2023ལོའི་ཟླ་8ཚེས་17ཉིན་ལས་མཇུག་འགྲིལ་ནས་ཞིབ་བཤེར་རྩིས་ལེན་བྱས་པ་རེད།