ཉེ་བའི་ལོ་ཤས་རིང་། མཚོ་སྔོན་ཞིང་ཆེན་གྱིས་མཐོ་གྲང་གསོ་རླུང་དཀོན་པ་དང་ཨར་སྐྲུན་ཆ་རྐྱེན་ཞན་པ་སོགས་ཀྱི་དཀའ་ངལ་ཁྱད་དུ་བསད་དེ་འགྲིམ་འགྲུལ་སྐྱེལ་འདྲེན་གྱི་དྲ་རྒྱ་མགྱོགས་མྱུར་འཐུས་སྒོ་ཚང་དུ་བཏང་ནས་སྐྱེལ་འདྲེན་ཞབས་ཞུའི་ནུས་པ་རིམ་སྤོར་བྱས་པ་རེད། ན་ནིང་ལོ་མཇུག་བར་ཞིང་ཆེན་ཡོངས་ཀྱི་གཞུང་ལམ་ལམ་ཐག་སྤྱི་ལེ་བསྡོམས་ཁྲི་8.77ཟིན་ནས་གྲོང་ཁྱེར་དང་ཀྲོའུ་ཡོངས་དང་རྫོང་རིམ་པའི་སྲིད་འཛིན་ཁུལ་30ལ་མྱུར་བགྲོད་གཞུང་ལམ་ཤར་གཏོང་ཐུབ་པ་དང་ཆ་རྐྱེན་འཛོམས་པའི་ཤང་དང་གྲོང་རྡལ་དང་སྒྲིག་ཚུད་གྲོང་ཚོ་ཚང་མར་མཁྲེགས་འགྱུར་ལམ་བསྐྲུན་ནས་འགྲུལ་སྐྱེལ་རླངས་འཁོར་ཤར་གཏོང་ཐུབ་སྟེ་མང་ཚོགས་འགྲོ་སྐྱོད་ལ་སྟབས་བདེ་དང་གྲོང་གསེབ་དར་རྒྱས་ལ་རམ་འདེམས་བྱེད་པའི་ཐད་ནུས་པ་ཆེན་པོ་ཐོན་ཞིང་། འདི་ནི་ཉེ་ཆར་པར་བླངས་པའི་སྒོ་མེ་ལའི་གཡུ་འབྲུག་སྔོན་མོ་འཁྱུག་འདྲའི་གཞུང་ལམ་ཡིན་པ།