ཟླ་9ཚེས་24ཉིན། ཧང་ཀྲོའུ་ཨེ་ཤེ་ཡའི་ལུས་རྩལ་འགྲན་ཚོགས་ཀྱི་བུད་མེད་ཀྱི་ཡང་བའི་རིམ་པའི་འགྲན་བྱེད་གྲུ་ཆུང་གི་མི་གཉིས་སྐྱ་གཉིས་ཀྱི་མཐའ་བསྡུར་ཁྲོད་ཀྲུང་གོའི་མཉམ་སྡེབ་ཙའུ་ཅ་ཆི་དང་ཆིའུ་ཤིའུ་ཕིང་གིས་སྐར་མ་7དང་སྐར་ཆ་06དང་གྲངས་ཆུང་78ཀྱི་གྲུབ་འབྲས་ཐོག་ནས་ཨང་དང་པོ་བླངས་ནས་སྐབས་འདིའི་ཨེ་ཤེ་ཡའི་ལུས་རྩལ་འགྲན་ཚོགས་ཀྱི་གསེར་གྱི་རྟགས་མ་ཐོག་མ་དེ་རག་ཅིང་། འདི་ནི་ཙའུ་ཅ་ཆི(གཡོན)དང་ཆིའུ་ཤིའུ་ཕིང་གིས་ཨང་དང་པོ་བླངས་རྗེས་རྟེན་འབྲེལ་ཞུ་བཞིན་པ།

ཟླ་9ཚེས་24ཉིན། ཀྲེ་ཅང་ཧང་ཀྲོའུ་ཨོ་ལིམ་ཕིག་ལུས་རྩལ་ལྟེ་གནས་ཆུ་རྐྱལ་ཁང་དུ་སྤེལ་བའི་ཧང་ཀྲོའུ་ཨེ་ཤ་ཡའི་ལུས་རྩལ་འགྲན་ཚོགས་ཀྱི་ཆུ་རྐྱལ་འགྲན་བསྡུར་གྱི་སྐྱེས་པའི་སྨི་200ཡི་མཉམ་བསྲེས་ཆུ་རྐྱལ་གྱི་མཐའ་བསྡུར་ཁྲོད་ཀྲུང་གོའི་བདམས་ཐོན་པ་དབང་ཧྲུན་གྱིས་སྐར་མ་1དང་སྐར་ཆ་54དང་གྲངས་ཆུང་62ཀྱི་གྲུབ་འབྲས་ཐོག་ནས་ཨང་དང་པོ་བླངས་ཤིང་། འདི་ནི་ཀྲུང་གོའི་བདམས་ཐོན་པ་དབང་ཧྲུན་གྱིས་འགྲན་བསྡུར་བྱེད་བཞིན་པ།

ཟླ་9ཚེས་24ཉིན། ཧང་ཀྲོའུ་ཨེ་ཤེ་ཡའི་ལུས་རྩལ་འགྲན་ཚོགས་ཀྱི་དེང་རབས་རྣམ་གྲངས་ལྔའི་བུད་མེད་མི་སྒེར་གྱི་མཐའ་བསྡུར་ཀྲེ་ཅང་ཞིང་ཆེན་ཧང་ཀྲོའུ་གྲོང་ཁྱེར་ཧྥུའུ་དབྱང་ཆུས་ཧྥུའུ་དབྱང་དབྱིན་ཧུའུ་ལུས་རྩལ་ལྟེ་གནས་སུ་འཚོགས་པ་རེད། ཀྲུང་གོའི་རུ་ཁག་གི་བདམས་ཐོན་པ་ཀྲང་མིང་ཡུས་ཀྱིས་སྤྱིའི་སྐར་གྲངས་1406གི་གྲུབ་འབྲས་ཐོག་ནས་གསེར་གྱི་རྟགས་མ་བླངས་པ་དང་། པེན་ཡུས་ཧྥེ་ཡིས་སྐར་མ་1374ཡི་གྲུབ་འབྲས་ཐོག་ནས་ཟངས་ཀྱི་རྟགས་མ་བླངས་ཤིང་། འདི་ནི་ཀྲུང་གོའི་བདམས་ཐོན་པ་ཀྲང་མིང་ཡུས་ཀྱིས་བུད་མེད་མི་སྒེར་གྱི་རྟ་རྒྱུག་འགྲན་བསྡུར་ལ་ཞུགས་བཞིན་པ།

ཟླ་9ཚེས་24ཉིན། ཧང་ཀྲོའུ་ཨེ་ཤེ་ཡའི་ལུས་རྩལ་འགྲན་ཚོགས་ཀྱི་དྲག་རྩལ་རྣམ་གྲངས་བུད་མེད་ཀྱི་ཐའེ་ཅིའི་དྲག་རྩལ་ཐའེ་ཅིའི་རལ་གྲིའི་ཀུན་ནུས་མཐའ་བསྡུར་ཁྲོད་ཀྲུང་གོའི་བདམས་ཐོན་པ་ཐུང་ཤིན་གྱིས་སྐར་མ་19.696གི་གྲུབ་འབྲས་ཐོག་ནས་ཨང་དང་པོ་བླངས་ཤིང་། འདི་ནི་ཐུང་ཤིན་གྱིས་ཐའེ་ཅིའི་རལ་གྲིའི་རྣམ་གྲངས་ཀྱི་འགྲན་བསྡུར་ལ་ཞུགས་བཞིན་པ།

ཟླ་9ཚེས་24ཉིན། ཧང་ཀྲོའུ་ཧྥུའུ་དབྱང་དབྱིན་ཧུའུ་ལུས་རྩལ་ལྟེ་གནས་སུ་འཚོགས་པའི་ཧང་ཀྲོའུ་ཨེ་ཤེ་ཡའི་ལུས་རྩལ་འགྲན་ཚོགས་ཀྱི་མདའ་འཕེན་རྣམ་གྲངས་བུད་མེད་ཀྱི་སྨི་10ཡི་རླུང་མདའི་མི་སྒེར་གྱི་མཐའ་བསྡུར་ཁྲོད་ཀྲུང་གོའི་བདམས་ཐོན་པ་ཧོང་ཡུས་ཐིང་གིས་252.7ཡི་གྲུབ་འབྲས་ཐོག་ནས་ཨང་དང་པོ་བླངས་པ་དང་། ཧན་ཅ་ཡུས་ཀྱིས་ཨང་གཉིས་པ་བླངས་པ། རྒྱ་གར་གྱི་བདམས་ཐོན་པ་ལཱ་སྨི་ཐཱ་ཡིས་ཨང་གསུམ་པ་བླངས་ཤིང་། འདི་ནི་ཧོང་ཡུས་ཐེང་གིས་འགྲན་བསྡུར་ལ་ཞུགས་བཞིན་པ།

ཟླ་9ཚེས་24ཉིན། ཀྲེ་ཅང་ཧང་ཀྲོའུ་ཨོ་ལིམ་ཕིག་ལུས་རྩལ་ལྟེ་གནས་ཆུ་རྐྱལ་ཁང་དུ་གཉེར་བའི་ཧང་ཀྲོའུ་ཨེ་ཤེ་ཡའི་ལུས་རྩལ་འགྲན་ཚོགས་ཀྱི་ཆུ་རྐྱལ་འགྲན་བསྡུར་གྱི་བུད་མེད་ཀྱི་སྨི་200ཡི་ཕྱེ་ལེབ་ཆུ་རྐྱལ་གྱི་མཐའ་བསྡུར་ནང་ཀྲུང་གོའི་བདམས་ཐོན་པ་ཀྲང་ཡུས་ཧྥེ་ཡིས་སྐར་མ་2དང་སྐར་ཆ་05གྲངས་ཆུང་57གྱི་གྲུབ་འབྲས་ཐོག་ནས་ཨང་དང་པོ་བླངས་པ་དང་འབྲེལ་འགྲན་བསྡུར་གྱི་ཟིན་ཐོ་བཏོད་པ་དང་། ཡུས་ལི་ཡན་གྱིས་སྐར་མ་2དང་སྐར་ཆ་08གྲངས་ཆུང་31གི་གྲུབ་འབྲས་ཐོག་ནས་ཨང་གཉིས་པ་བླངས་པ་རེད། འདི་ནི་ཀྲུང་གོའི་བདམས་ཐོན་པ་ཀྲང་ཡུས་ཧྥེ(གཡས)དང་རུ་གྲོགས་ཡུས་ལི་ཡན་གྱི་མཉམ་པར་ཡིན་པ།