གསར་འགོད་པར་ཀྲུང་གོ་རྒྱལ་ཁབ་ལྕགས་ལམ་ཚོགས་པ་ཚད་ཡོད་ཀུང་སི་ནས་ཤེས་རྟོགས་བྱུང་བར། ཟླ་དང་པོ་ནས་བརྒྱད་པའི་བར་རྒྱལ་ཡོངས་ལྕགས་ལམ་གྱིས་གཏན་འཇགས་རྒྱུ་ནོར་ལ་མ་དངུལ་སྒོར་དུང་ཕྱུར་4320བཏང་བ་དེ་དུས་མཚུངས་ལས་7.2%འཕར་ཡོད་པ་རེད། ད་ལོར་རྒྱལ་ཡོངས་ལྕགས་ལམ་གྱིས་ལམ་ཐིག་གསར་པ་སྤྱི་ལེ་3000ཡན་བསྐྲུན་རྩིས་ཡོད་པ་དེའི་ནང་མྱུར་བགྲོད་ལྕགས་ལམ་སྤྱི་ལེ་2500ཡོད་པ་དང་དེང་རབས་ཅན་གྱི་ལྕགས་ལམ་གྱི་རྨང་གཞིའི་སྒྲིག་བཀོད་མ་ལག་མགྱོགས་མྱུར་སྐྲུན་བཞིན་ཡོད་པ་རེད།

རྣམ་གྲངས་ཁག་གཅིག་ཕྱོགས་ཡོངས་ནས་ལས་མཇུག་འགྲིལ་ནས་གཉེར་སྐྱོང་བྱེད་འགོ་ཚུགས་ཡོད། མཚོ་བོད་ལྕགས་ལམ་ཟི་ལིང་ནས་གོར་མོ་བར་གྱི་སྤུས་ཚད་མཐོར་གཏོང་གི་ལམ་དུམ་ལས་གྲྭ་བསྐྲུན་ཟིན་ནས་བསྐྱར་དར་རྟགས་ཅན་གྱི་ཤུགས་འགྲེམས་མེ་འཁོར་ཐེངས་དང་པོ་བཏང་ཞིང་། མཚོ་བོད་ལྕགས་ལམ་ཤུགས་འགྲེམས་མེ་འཁོར་གྱི་དུས་རབས་སུ་སླེབས་ཡོད། ལན་ཀྲོའུ་ནས་ཤིན་ཅང་བར་གྱི་མྱུར་བགྲོད་ལྕགས་ལམ་གྱི་ལན་ཀྲོའུ་ནས་ཟི་ལིང་གི་ལམ་དུམ་སྒྱུར་བཀོད་ལེགས་སྒྲུབ་བྱས་པ་དང་། ལམ་ཐིག་ཧྲིལ་པོའི་འཁོར་སྐྱོད་སླར་གསོ་ཐུབ་ནས་ཆུ་ཚོད་རེའི་མྱུར་ཚད་སྤྱི་ལེ་250ཟིན་པའི་ཚད་གཞི་མཐོ་བའི་འཁོར་སྐྱོད་ཐུབ་ཡོད། ལམ་ཐིག་ཧྲིལ་པོར་སྤྱི་ལེ་482ཡོད་པའི་ཀུའེ་དབྱང་ནས་ནན་ཉིང་བར་གྱི་མྱུར་བགྲོད་ལྕགས་ལམ་སྤུས་ཚད་མཐོན་པོས་ཤར་གཏོང་ཐུབ་པ་དང་འགྲུལ་རྒྱུན་རྒྱུན་མཐུད་ངང་མང་དུ་ཕྱིན་ཡོད། ལི་པོ་བབས་ཚུགས་སུ་ཉིན་རེའི་འབྱོར་ཐོན་འགྲུལ་པ་མི་ཐེངས་ཁྲི་1.1ཟིན་གྱི་ཡོད།

ལྕགས་ལམ་རྣམ་གྲངས་མང་པོ་ཞིག་ཤར་གཏོང་ཐུབ་ཉེར་ཡོད་ཅིང་། ནན་ཅིང་ནས་ཐའེ་ཚང་བར་གྱི་མྱུར་བགྲོད་ལྕགས་ལམ་དང་། ཀོང་ཀྲོའུ་ནས་ཧྲན་ཝེ་བར་གྱི་མྱུར་བགྲོད་ལྕགས་ལམ། ཧྥུའུ་ཀྲོའུ་ནས་ཞ་མོན་བར་གྱི་མྱུར་བགྲོད་ལྕགས་ལམ། སི་ཁྲོན་ནས་མཚོ་སྔོན་བར་གྱི་ལྕགས་ལམ་གྱི་ཆིང་པའེ་ཅང་ནས་ཀྲེན་ཅང་ཀོན་བར་གྱི་ལམ་དུམ་རིམ་པ་བཞིན་ཚོད་ལྟའི་འཁོར་སྐྱོད་ཀྱི་དུས་མཚམས་སུ་སླེབས་ནས་ཤར་གཏོང་ཐུབ་ཉེར་ཡོད་པ་དང་། ཅི་ནན་ནས་ཀྲེང་ཀྲོའུ་བར་གྱི་མྱུར་བགྲོད་ལྕགས་ལམ་གྱི་ཧྲན་ཏུང་ལམ་དུམ་དང་། ནན་ཁྲང་ནས་ཅིང་ཏེ་ཀྲེན་དང་ཧོང་ཧྲན་བར་གྱི་མྱུར་བགྲོད་ལྕགས་ལམ། ཐེན་ཅིན་ནས་ཏ་ཤིང་བར་གྱི་གྲོང་སྦྲེལ་ལྕགས་ལམ་སོགས་རྣམ་གྲངས་མཉམ་འབྲེལ་ལེགས་སྒྲིག་དང་ཚོད་ལྟ་བྱེད་འགོ་ཚུགས་པ། ཁྲེང་ཏུའུ་ནས་དབྱི་པིན་བར་གྱི་མྱུར་བགྲོད་ལྕགས་ལམ་དང་། ཡུན་ནན་ནས་བོད་ལྗོངས་བར་གྱི་ལྕགས་ལམ་གྱི་ས་དམ་ནས་སེམས་ཀྱི་ཉི་ཟླའི་བར་གྱི་ལམ་དུམ། ཞུས་ཡུང་ནས་པི་ཅེའི་བར་གྱི་ལྕགས་ལམ། ལུང་ཡན་ནས་ལུང་ཁྲོན་བར་གྱི་ལྕགས་ལམ་གྱི་ལུང་ཡན་ནས་ཝུའུ་ཕིང་བར་གྱི་ལམ་དུམ་སོགས་རྣམ་གྲངས་མང་པོའི་འཛུགས་སྐྲུན་མཇུག་འགྲིལ་ཉེར་ཡོད་པ་རེད།

འཛུགས་སྐྲུན་བྱེད་བཞིན་པའི་རྣམ་གྲངས་འབོར་ཆེན་ལ་ཏན་ཏིག་དང་ནུས་ལྡན་ངང་སྐུལ་འདེད་གཏོང་བཞིན་ཡོད། ཟླ་བརྒྱད་པར་ཏ་ལི་མེ་འཁོར་བབས་ཚུགས་ཀྱི་དེ་སྔའི་གནས་ཡུལ་ཕྱོགས་ཡོངས་ནས་བསྐྱར་སྐྲུན་ལས་འགོ་ཚུགས་པ་དང་། ཧྲེན་དབྱང་ནས་ཁྲང་པའེ་ཧྲན་བར་གྱི་མྱུར་བགྲོད་ལྕགས་ལམ་གྱི་སྨི་ཁྲི་ལས་བརྒལ་བའི་ཕུག་ལམ་དང་པོ་བདེ་བླག་ངང་ཤར་གཏོང་ཐུབ་པ། པའོ་ཐོའུ་ནས་དབྱིན་ཁྲོན་བར་གྱི་ལྕགས་ལམ་གྱི་ཉིང་ཞ་ལམ་དུམ་ལྕགས་ལམ་བཏིང་བའི་དུས་མཚམས་སུ་དངོས་སུ་སླེབས་པ། ཧར་པིན་ནས་དབྱི་ཁྲུན་བར་གྱི་མྱུར་བགྲོད་ལྕགས་ལམ་གྱི་ཐེ་ཧྲན་ནས་དབྱི་ཁྲུན་བར་གྱི་ལམ་དུམ་གྱི་སྒྲོམ་གཞི་འདིང་བའི་ལས་གྲྭ་སྔོན་ལ་ལེགས་སྒྲུབ་བྱས་ཡོད།

གཞན་ཡང་། རྒྱལ་ཁབ་ལྕགས་ལམ་ཚོགས་པའི་གྲངས་གཞི་ལས་མངོན་པར། ཟླ་དང་པོ་ནས་བརྒྱད་པའི་བར་རྒྱལ་ཁབ་ལྕགས་ལམ་གྱིས་དངོས་ཟོག་ཏུན་དུང་ཕྱུར་25.74དབོར་འདྲེན་བྱེད་པའི་ནང་དོས་སྒམ་ཏུན་དུང་ཕྱུར་4.68དབོར་འདྲེན་བྱས་པ་དེ་དུས་མཚུངས་ལས་7.4%འཕར་ནས། སྣ་མང་མཉམ་འདྲེན་འཕེལ་རྒྱས་ཤུགས་ཆེན་ཕྱིན་ཏེ་སྐྱེལ་འདྲེན་གྲུབ་ཆ་རྒྱུན་ཆད་མེད་པར་ལེགས་སྒྲིག་བྱ་རྒྱུར་སྐུལ་འདེད་ཐེབས་ཡོད།