ལྷ་རྩེ་རྫོང་སྤྱི་བདེ་ཅུས་ཀྱིས་ལེ་ཏའི་མྱུར་ཚད་འཇལ་ཆས་ཕྱོགས་ཡོངས་ནས་སྤྱོད་འགོ་ཚུགས་པའི་སྐོར་གྱི་སྤྱི་བསྒྲགས།

རྒྱ་ཆེའི་ཁ་ལོ་བ་ཚོ།

སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་བདེ་འཇགས་ཐོན་སྐྱེད་སྐོར་གྱི་རྣམ་བཤད་གལ་ཆེན་ལག་བསྟར་གཏིང་ཟབ་བྱེད་པ་དང་། ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་ཐབས་ཇུས་བཀོད་སྒྲིག་དང་རང་སྐྱོང་ལྗོངས་ཏང་ཨུད་དང་སྲིད་གཞུང་གི་ལས་ཀའི་བླང་བྱ་དོན་འཁྱོལ་ནན་ཏན་བྱས་ནས་འགྲོ་ལམ་འགྲིམ་འགྲུལ་གྱི་སྒྲིག་ལམ་ལེགས་སུ་གཏོང་བ་དང་། ཁོངས་གཏོགས་ཁུལ་གྱི་འགྲོ་ལམ་འགྲིམ་འགྲུལ་བདེ་འཇགས་དང་། གོ་རིམ་ལྡན་པ། ཤར་གཏོང་བཅས་ཡོང་བར་འགན་ལེན་བྱེད་པ། འགྲིམ་འགྲུལ་ལས་འཛོལ་སྣ་ཚོགས་མ་ཐོན་སྔོན་འགོག་དང་ཐོན་ཚད་ཉུང་དུ་གཏོང་བ་བཅས་བྱས་ནས་རྒྱ་ཆེའི་མི་དམས་མང་ཚོགས་ཀྱི་ཚེ་སྲོག་དང་རྒྱུ་ནོར་བདེ་འཇགས་ལ་འགན་ལེན་བྱ་ཆེད། 《ཀྲུང་ཧྭ་མི་དངམས་སྤྱི་མཐུན་རྒྱལ་ཁབ་ཀྱི་འགྲོ་ལམ་འགྲིམ་འགྲུལ་བདེ་འཇགས་བཅའ་ཁྲིམས》དང《འགྲོ་ལམ་འགྲིམ་འགྲུལ་གྱི་ཁྲིམས་འགལ་བྱེད་སྤྱོད་ཐག་གཅོད་ཀྱི་གོ་རིམ་གཏན་འབེབས》སོགས་འབྲེལ་ཡོད་བཅའ་ཁྲིམས་དང་ཁྲིམས་སྲོལ་གཞིར་བཟུང་། ལྷ་རྩེ་རྫོང་སྤྱི་བདེ་ཅུས་འགྲིམ་འགྲུལ་ཉེན་རྟོག་རུ་ཆེན་གྱིས་རྒྱལ་ལམ་318དང་། རྒྱལ་ལམ་349 དེ་བཞིན་ལས་འཛོལ་ཐོན་སླ་བ་དང་ཐོན་མང་སར་ལེ་ཏའི་མྱུར་ཚད་འཇལ་ཆས་མང་དུ་གཏོང་རྒྱུ་ཡིན་ཞིང་། སྐབས་དེ་དུས་མྱུར་ཚད་ལས་བརྒལ་ནས་རླངས་འཁོར་གཏོང་བ་དང་ལམ་ལྡོག་ནས་རླངས་འཁོར་གཏོང་བ་སོགས་འགྲིམ་འགྲུལ་སྒྲིག་འགལ་བྱེད་སྤྱོད་པར་རྒྱག་གི་ཡོད་པས། རྒྱ་ཆེའི་ཁ་ལོ་བས་རང་འགུལ་ངང་གཏན་འབེབས་བྱས་པའི་མྱུར་ཚད་ལྟར་རླངས་འཁོར་གཏོང་དགོས། གཞན་ཡང་། འགྲིམ་འགྲུལ་ཉེན་རྟོག་པས་ཁྲིམས་སྒྱུར་བྱེད་སྐབས་ནོར་འཁྲུལ་ཡོད་མེད་སྤྱི་ཚོགས་ལས་རིགས་ཁག་དང་མང་ཚོགས་ཚོས་ལྟ་སྐུལ་གནང་རོགས།

གཅིག མྱུར་ཚད་འཇལ་ས།

1.རྒྱལ་ལམ་318ལམ་ཐིག་གི་སྤྱི་ལེ་4913ནས་སྤྱི་ལེ་5036བར་ཡིན་པ།(ཕར་འགྲོ་ཚུར་འོང་བྱེད་མཁན་གྱི་འཁོར་རིགས་ཚང་མ་ཚུད་པ)

2.རྒྱལ་ལམ་349ལམ་ཐིག་གི་སྤྱི་ལེ་1538ནས་སྤྱི་ལེ་1632བར་ཡིན་པ།(ཕར་འགྲོ་ཚུར་འོང་བྱེད་མཁན་གྱི་འཁོར་རིགས་ཚང་མ་ཚུད་པ)

གཉིས། སྤྱོད་འགོ་འཛུགས་པའི་དུས་ཚོད།

2023ལོའི་ཟླ་9ཚེས་18ཉིན་ནས་སྤྱོད་འགོ་འཛུགས་རྒྱུ་ཡིན་ཞིང་། རྒྱ་ཆེའི་ཁ་ལོ་བས་རླངས་འཁོར་གཏོང་རིང་ལམ་རྒྱུད་ཀྱི་མྱུར་ཚད་ཚད་བཀག་བྱང་བུ་དང་ཚད་འཇལ་སྒྲིག་ཆས་ལ་དོ་སྣང་བྱས་ནས། གཏན་འབེབས་བྱས་པའི་མྱུར་ཚད་ལྟར་བདེ་འཇགས་དང་ཡ་རབས་སྒོ་ནས་རླངས་འཁོར་གཏོང་དགོས། 

དམིགས་སུ་བཀར་ནས་སྤྱི་བསྒྲགས་འདི་སྤེལ། 

ལྷ་རྩེ་རྫོང་སྤྱི་བདེ་ཅུས་འགྲིམ་འགྲུལ་ཉེན་རྟོག་རུ་ཆེན་ནས།

2023ལོའི་ཟླ་9ཚེས་11ཉིན།