ཟླ་8ཚེས་31ཉིན་གྱི་སྔ་དྲོ། གསར་འགོད་པར་རང་སྐྱོང་ལྗོངས་མི་དམངས་སྲིད་གཞུང་གསར་འགྱུར་གཞུང་ལས་ཁང་གིས་འཚོགས་པའི་ཉིང་ཁྲི་གྲོང་ཁྱེར་གྱི་སྤྱོད་ཚུལ་འཛུགས་སྐྱོང་གི་ལས་དོན་སྤེལ་ཚུལ་གྱི་གསར་འགྱུར་ཡོངས་བསྒྲགས་ཚོགས་འདུ་ནས་ཤེས་རྟོགས་བྱུང་བར། སྤྱོད་ཚུལ་ལེགས་གཏོང་དང་དོན་འཁྱོལ་ལ་དམ་འཛིན་ནན་པོ་བྱེད་པའི་ལས་དོན་སྤེལ་ཚུན། ཉིང་ཁྲི་གྲོང་ཁྱེར་གྱིས་གཙོ་གནད་ལ་དམ་འཛིན་དང་དོན་འཁྱོལ་ལ་དམ་འཛིན་ཤུགས་ཆེན་བྱེད་པར་འབད་བརྩོན་བྱས་པས། སྤྱོད་ཚུལ་འཛུགས་སྐྱོང་ལ་ཕན་འབྲས་མངོན་གསལ་དོད་པོ་ཐོབ་པ་དང་དམངས་ལ་ཞབས་འདེགས་ཞུ་བའི་རང་འགུལ་ནུས་པ་ཆེ་རུ་ཕྱིན་པ་མ་ཟད། ལོ་ལྟར་དམངས་འཚོའི་བྱ་བ་དངོས་ཁག་བཅུ་ཡག་པོ་སྒྲུབ་རྒྱུ་མཐའ་འཁྱོངས་ཀྱིས་དམངས་ཕན་ཞབས་འདེགས་ཀྱི་བྱ་ཐབས་ཁག་320ལྷག་ཙམ་བཏོན་ནས་དམངས་ལ་བྱ་བ་དངོས་དང་དཀའ་གནད་620ལྷག་ཙམ་ཐག་གཅོད་བྱེད་རོགས་བྱས་པ་རེད།

སྤྱོད་ཚུལ་འཛུགས་སྐྱོང་གི་ལས་དོན་སྤེལ་རིང་། ཉིང་ཁྲི་གྲོང་ཁྱེར་གྱིས“བཞི་བཤེར་བཞི་རྩད”ཀྱི་ནང་དོན་ཕུན་སུམ་ཚོགས་སུ་བཏང་བ་དང་གཙོ་གནད་ཐག་གཅོད་བྱེད་དགོས་པའི་མངོན་གསལ་དོད་པའི་གནད་དོན་34གསེད་བཀྲོལ་བྱས་ཏེ“བརྟག་ཞིབ་ཆེན་པོ་དང་། གྲོས་བསྡུར་ཆེན་པོ། དོན་འཁྱོལ་ཆེན་པོ”དང“སྤྱོད་ཚུལ་ལ་ལྟ་སྟངས་ཇི་ལྟར་འཛིན་པ་དང་ལས་དོན་ཇི་ལྟར་སྒྲུབ་པའི”ཆེད་དོན་བགྲོ་གླེང་གཏིང་ཟབ་བྱས་ནས་ཧེ་བག་འཚོལ་བ་དང་། མི་འདང་ས་འཚོལ་བ། གནད་དོན་འཚོལ་བ་བཅས་བྱས་ཡོད། 2022ལོ་ནས་བཟུང་རིམ་པ་ཁག་དང་སྡེ་ཚན་ཁག་གིས་རིམ་རྩིས་བྱས་ན་སློབ་སྦྱོང་དང་བགྲོ་གླེང་ཐེངས་ཁྲི་1ལྷག་ཙམ་བྱས་པ་དང་། རིམ་ཁག་ཚན་ཁག་གི་གནད་དོན་3800ལྷག་ཙམ་དང་མི་སྒེར་གྱི་གནད་དོན་ཁྲི་2.3ལྷག་ཙམ་འཚོལ་ཞིབ་བྱས་པ། དག་ཐེར་བྱ་ཐབས་ཁྲི་2.5ལྷག་ཙམ་བཟོས་པ་མ་ཟད། ཚང་མ་དག་ཐེར་ཐུབ་ཡོད། དེ་དང་ཆབས་ཅིག་ཆེད་དོན་དག་ཐེར་གྱི་བྱེད་སྒོ་སྣུར་སྲིང་བྱས་ནས་ན་ནིང“སྤྱོད་ཚུལ་བཞིའི”མངོན་གསལ་དོད་པའི་གནད་དོན་དང་། ལས་བྱེད་པས་འགན་འཁྲི་མི་འཁུར་བ་དང་བྱས་རྗེས་མི་འཇོག་པའི་གནད་དོན། མང་ཚོགས་ཀྱི་ཁེ་ཕན་ལ་གནོད་འཚེ་གཏོང་བའི་གནད་དོན་སྣང་མེད་དུ་གཏོང་བ་སོགས་ནང་དོན་གཙོ་བོར་བྱས་པའི“དག་ཐེར་ཁག་བརྒྱད”ཀྱི་བྱེད་སྒོ་སྤེལ་ནས་རིམ་རྩིས་བྱས་ན། གནད་དོན་751གྲལ་བཤེར་དང་དག་ཐེར་བྱས་པ་དང་ཏང་ཡོན་དང་ལས་བྱེད་པ་238ཀྱི་འགན་འཁྲི་བདའ་འདེད་བཏང་བ་རེད། འདི་ལོ་གྲུབ་འབྲས་སྲ་བརྟན་དུ་གཏོང་བའི་རྨང་གཞིའི་ཐོག་གནད་དོན་སྣ་ཚོགས་3700ལྷག་རྩད་ཞིབ་ཐུབ་པ་དང་དག་ཐེར་ཡོ་བསྲང་གི་གསལ་ཐོ་བཟོས་ནས་ད་ལྟ་གནད་དོན་3400ལྷག་དག་ཐེར་ཡོ་བསྲང་བྱས་ཡོད། སྒྲིག་སྲོལ་དང་ལམ་སྲོལ་འཐུས་སྒོ་ཚང་དུ་བཏང་བ་དང་ལམ་ལུགས་སྣ་ཚོགས་1200ལྷག་ཙམ་བཟོ་བཅོས་དང་འཐུས་སྒོ་ཚང་དུ་བཏང་ནས་ལམ་ལུགས་དང་ལམ་སྲོལ་ཁག་550ལྷག་ཙམ་གསར་སྐྲུན་བྱས་ཏེ། སྤྱོད་ཚུལ་ལེགས་གཏོང་དང་དོན་འཁྱོལ་ལ་དམ་འཛིན་བྱེད་པའི་ལས་དོན་ལ་མུ་མཐུད་སྐུལ་འདེད་གཏོང་བར་ལམ་ལུགས་ཀྱི་འགན་ལེན་མཁོ་འདོན་བྱས་ཡོད།

བསམ་བློར་བཅིངས་འགྲོལ་གཏོང་བའི་གཙོ་གནད་ལ་དམ་འཛིན་བྱས་ནས་རིགས་པའི་གཞུང་ལུགས་གསར་པ་སློབ་སྦྱོང་བྱས་ཏེ་བསམ་བློར་བཅིངས་འགྲོལ་གཏོང་རྒྱུར་ཁྲིད་སྟོན་བྱས་ཤིང་། 2022ལོ་ནས་བཟུང་རྒྱུན་རྣམ་ཅན་གྱི་སྒོ་ནས་ཏང་གི་གསར་གཏོད་རིགས་པའི་གཞུང་ལུགས་ཀྱི་ཆེད་དོན་བགྲོ་གླེང་འཛིན་གྲྭ་བཙུགས་ནས་ལས་བྱེད་པ་མི་ཐེངས་ཁྲི་12ལྷག་ཙམ་ལ་གསོ་སྦྱོང་དང་། གྲོང་ཁྱེར་ཡོངས་ཀྱི་རིམ་ཁག་སྡེ་ཚན་ཁག་ལ་གཅིག་སྡུད་སློབ་སྦྱོང་ཐེངས་9600བྱེད་པར་སྐུལ་ཁྲིད། སྤེལ་རེས་དང་ཞིབ་བསྡུར་ཐེངས་650ལྷག་ཙམ་བཅས་བྱས་པ་རེད། དེ་དང་དུས་མཚུངས“ཕྱིར་བསྐྱོད་པ”དང“ནང་དུ་གདན་དྲངས་པ”ཟུང་འབྲེལ་བྱ་རྒྱུ་མཐའ་འཁྱོངས་ཀྱིས“བརྒྱ་གཉིས་ཀྱི་འཆར་གཞི”གཏིང་ཟབ་ཏུ་གཏོང་བ་དང“ཀོང་པོའི་ཤེས་ལྡན་མི་སྣའི”ཆེད་དོན་བྱ་སྤྱོད་རྒྱ་ཆེར་བཏང་སྟེ་སྔ་རྗེས་སུ་ལས་བྱེད་པ་520ལྷག་ཙམ་ཀོང་ཀྲོའུ་དང་། ཧྲེན་ཀྲེན། པེ་ཅིང་སོགས་སུ་གཅིག་སྡུད་གསོ་སྦྱོང་དང་གནས་སྦྱར་སྤེལ་རེས་བྱེད་པར་བཏང་བ་དང་། ཀོང་ཏུང་ཞིང་ཆེན་དང་མཐུན་སྦྱོར་བྱས་ནས་རིགས་ཁག་གི་ཤེས་ལྡན་པ་216ནང་འདྲེན་བྱས་ཏེ་ཉིང་ཁྲིར་གནས་སྦྱར་བྱས་པ་དང་ཏང་ཡོན་ལས་བྱེད་པ་ཕན་ཚུན་སྤེལ་རེས་བྱེད་རིང་ཐུན་མོང་ཐོག་ཡར་རྒྱས་ཡོང་བར་བྱས་ཡོད།

འགན་འཁུར་ཐུབ་པ་དང་བྱས་རྗེས་འཇོག་རྒྱུའི་གཙོ་གནད་དེར་དམ་འཛིན་བྱས་ནས་ལས་དོན་སྤེལ་ནུས་ཆེ་རུ་བཏང་ཞིང་། བརྟག་དཔྱད་ཞིབ་འཇུག་གི་ལས་ཀའི་ཇུས་གཞི་ཆེན་པོ་གཏན་འབེབས་བྱས་པ་བརྒྱུད་ཕྱོགས་9ཡི་བརྟག་དཔྱད་ཞིབ་འཇུག་བྱ་གཞི་600ལྷག་ཙམ་གཏན་འཁེལ་བྱས་པ་དང་གྲོང་ཁྱེར་ཡོངས་ཀྱི་རྒྱ་ཆེའི་ཏང་ཡོན་ལས་བྱེད་པས་གཞི་རིམ་གྱི་འཐབ་ས་དང་པོར་བསྐྱོད་དེ་བརྟག་དཔྱད་ཞིབ་འཇུག་ཐེངས་ཁྲི་2.4ལྷག་ཙམ་བྱེད་པར་སྐུལ་འདེད་བཏང་ཞིང་། བསམ་འཆར་དང་གྲོས་འགོ་ཁག་1200ལྷག་ཙམ་བཏོན་པ་དང་གནས་ཚུལ་ཁོང་དུ་ཆུད་པ་དང་། གནད་དོན་ཤེས་རྟོགས། གནད་དོན་ཐག་གཅོད་བཅས་བྱེད་རིང་དམ་པ་དོན་གཉེར་གྱི་ལས་ཀའི་སྤྱོད་ཚུལ་རྒྱུན་འཁྱོངས་གང་ཐུབ་བྱས་ཡོད།

ལྟ་སྐུལ་དང་འགན་འཁྲི་བདའ་འདེད་ཀྱི་གཙོ་གནད་དེར་དམ་འཛིན་བྱས་ནས་སྤྱོད་ཚུལ་ལེགས་གཏོང་ནུས་ལྡན་དང་ཕན་འབྲས་ཐོན་པར་བྱས་ཤིང་། 2022ལོ་ནས་བཟུང་ཕྱོགས་ཁག་གི་སྟོབས་ཤུགས་སྤྱི་འདོམས་བྱས་ནས་རིམ་པ་ཁག་དང་སྡེ་ཚན་ཁག་ལ་ལྟ་སྐུལ་ཞིབ་བཤེར་ཐེངས་གསུམ་བྱས་པར་བརྟེན། ལྟ་སྐུལ་ཞིབ་བཤེར་གྱི་ཆེད་དོན་སྙན་ཞུ་དང་ལས་ཀའི་དྲན་སྐུལ་གསལ་ཐོ་སོགས་དུས་ཐེངས་860གྲུབ་སྟེ་ལས་དོན་ཁག་4800ལྷག་ཙམ་དོན་འཁྱོལ་ཞིབ་ཚགས་ཐུབ་པར་སྐུལ་འདེད་བཏང་ཡོད། དུས་མཚུངས་ལྟ་སྐུལ་གྱི་ཐབས་ལམ་རྒྱ་ཆེར་གཏོང་བ་དང་ཐེར་འདོན་ཁ་པར་དང་ལྟ་སྐུལ་ཡིག་སྒམ་440བཙུགས་པ་དང་། སྤྱི་ཚོགས་ལས་རིགས་ཁག་ནས་འོས་འགན་ལྟ་སྐུལ་བ་136བདམས་པ། རིགས་ཁག་གི་གནད་དོན་314བདག་སྤྲོད་བྱས་པ་དང་279ཐག་གཅོད་བྱས་པས་མང་ཚོགས་བློ་ཡིད་ཚིམ་ཚད་95%ཡན་ཟིན་ཡོད། གཞན་ཡང“ལྟ་སྐུལ”གྱི་ཕན་འབྲས་མངོན་གསལ་དོད་པོ་ཐོན་ཞིང་། 2022ལོ་ནས་བཟུང་གྲོང་ཁྱེར་ཡོངས་ཀྱི་ཁྱབ་ཁོངས་སུ་སྤྱོད་ཚུལ་ལེགས་གཏོང་དང་དོན་འཁྱོལ་ལས་དོན་ལ་དམ་འཛིན་ཡག་པོ་མ་བྱུང་བའི་ཚན་པ་239ཡོད་པ་དང་། དགོས་པའི་ལས་མི་བྱེད་པ་དང་ལས་འགྱངས་གཏོང་བ་དང“སྤྱོད་ཚུལ་བཞིའི”མངོན་གསལ་དོད་པའི་གནད་དོན་གྱི་ཁུངས་སྣེ་21བདག་སྤྲོད་བྱས་ནས་མི་2ལ་ཏང་གི་སྒྲིག་ཁྲིམས་ཀྱི་སྲིད་ཀྱི་དོན་ཆད་པ་བཅད་པ་དང་མི་7ལ་བརྡ་ཁྱབ་བཏང་བ་རེད།

ཉིང་ཁྲི་གྲོང་ཨུད་ཀྱི་རྒྱུན་ཨུ་དང་དྲུང་ཆེ་མེ་ཅ་ཁུའེ་ཡིས་གོམ་སྟབས་རྗེས་མར་ཉིང་ཁྲི་གྲོང་ཁྱེར་གྱིས་སྤྱོད་ཚུལ་འཛུགས་སྐྱོང་རྒྱུན་རྣམ་ཅན་དང་ཕུགས་ཕན་ཅན་ལ་སྐུལ་འདེད་བཏང་ནས“དོན་ཆེན་བཞིར”དམིགས་པ་དང“འཛུགས་གཏོད་བཞིར”ཤུགས་སྣོན་བརྒྱབ་སྟེ་ཉིང་ཁྲི་གྲོང་ཁྱེར་གྱི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་ཆེད་འགན་ལེན་ཧུར་ཐག་བྱ་རྒྱུ་ཡིན་ཞེས་བཤད་པ་རེད།