ཁྲང་ཁྲུན་རྒྱལ་སྤྱིའི་རླངས་འཁོར་དངོས་མང་སྟོན་ཚོགས་སྐབས་20པ་ཅི་ལིན་ཁྲང་ཁྲུན་དུ་འཚོགས་ཤིང་། སྤུས་རྟགས་ཁག་གི་ནུས་རྒྱུ་གསར་པའི་རླངས་འཁོར་100ལྷག་ཙམ་འགྲེམས་སྟོན་བྱས་པར་འཛད་སྤྱོད་པའི་དོ་ཁུར་ཐོབ་ཡོད། འདི་ནི་ལྟ་སྐོར་བས་ཁྲང་ཁྲུན་རླངས་འཁོར་དངོས་མང་སྟོན་ཚོགས་སུ་ནུས་རྒྱུ་གསར་པའི་རླངས་འཁོར་ཞིག་ལ་ལྟ་བཞིན་པ།

ཉེ་ཆར། ཀྲུང་གོས་རླངས་འཁོར་དང་གློག་རྡུལ་ཐོན་རྫས་ཀྱི་འཛད་སྤྱོད་ལ་སྐུལ་འདེད་གཏོང་བར་དམིགས་པའི་བྱ་ཐབས་ཁྱབ་བསྒྲགས་བྱས་ཏེ་དཔལ་འབྱོར་འཕེལ་རྒྱས་ཡོང་བའི་རེ་བ་བྱེད་ཀྱི་ཡོད། ཀྲུང་གོའི་རྒྱལ་ཁབ་འཕེལ་སྒྱུར་ཨུ་ལྷན་ཚུད་པའི་སྲིད་གཞུང་སྒྲིག་གཞི་13གྱིས་མཉམ་དུ་གསལ་བསྒྲགས་སྤེལ་ནས་ས་གནས་ཁག་གིས་ལོ་འཁོར་གྱི་རླངས་འཁོར་ཉོ་བའི་དམིགས་ཚད་མཐོ་རུ་གཏོང་བར་ལྕག་སྐུལ་དང་ཉིས་བརྒྱུད་རླངས་འཁོར་ཕྱིར་ཚོང་ལ་རྒྱབ་སྐྱོར་བྱས་ཡོད། རླངས་འཁོར་ལས་རིགས་ནི་འཛད་སྤྱོད་ལ་འདེགས་སྐྱོར་དང་དཔལ་འབྱོར་འཕར་བའི་འགག་རྩའི་འདེགས་སྐུལ་དུ་གྱུར་ཡོད། འདི་ལོའི་ཟླ་6པར། ཀྲུང་གོས་ནུས་རྒྱུ་གསར་པའི་རླངས་འཁོར་ཉོ་སྒྲུབ་དཔྱ་ཁྲལ་ཆག་ཡང་དང་རྩ་ཆག་གཏོང་བའི་སྲིད་ཇུས་2027ལོ་བར་རིང་དུ་བཏང་བ་རེད།

གཞན་ཡང་། གློག་རྡུལ་ཐོན་རྫས་འཛད་སྤྱོད་ལ་སྐུལ་འདེད་གཏོང་བའི་གསལ་བསྒྲགས་གཞན་ཞིག་ཏུ། ས་གནས་ཁག་གིས་ཚན་རིག་ཞིབ་འཇུག་སྒྲིག་གཞི་དང་ཁྲོམ་རའི་བྱེད་པོར་མི་ཐབས་རིག་ནུས་ལག་རྩལ་ཧུར་ཐག་སྤྱད་དེ་གློག་རྡུལ་ཐོན་རྫས་ཀྱི་རིག་ནུས་ཅན་གྱི་ཆུ་ཚད་མཐོ་རུ་གཏོང་བའི་ལྕག་སྐུལ་བྱེད་དགོས་པ་བཏོན་ཡོད།

—— ལུའུ་ཐོའུ་གསར་འགྱུར་ཁང་ནས་གནས་ཚུལ་སྤེལ་བ་གཞིར་བཟུང་།