ཉེ་ཆར། གསེར་རྙེད་ཆུས་སྤྱི་བདེ་ཅུས་ཉེས་དོན་ཉེན་རྟོག་རུ་ཆེན་གྱི་མྱུལ་ཞིབ་མི་དམངས་ཉེན་རྟོག་པས་ས་ཆ་མང་པོར་བསྐྱོད་ནས་ཁུངས་སྣེ་བཙལ་ཏེ“གཱ་གཉིས”ལྐོག་ཏུ་འཚོང་བའི་འབྲེལ་ཡོད་གྱོད་གཞི་ཞིག་བདེ་བླག་ངང་རྩད་ཆོད་ནས་ཉེས་གསོག་དོགས་ཅན་25བཟུང་བ་དང་། དངུལ་ཁང་གཱ་དང་Kའབོ་27གཞུང་བཞེས་བཏང་བ། གཏོང་ཡོང་མ་དངུལ་སྒོར་ཁྲི་6བསྡམས་བཅད་བྱས་པས། མང་ཚོགས་ཀྱི་དཔལ་འབྱོར་གྱོང་གུན་དུས་ཐོག་ཏུ་གསབ་པ་དང་། གློག་འཕྲིན་དྲ་རྒྱའི་ཁ་བསླུས་ཉེས་གསོག་པའི་རྫིག་ཉམས་ཟིལ་གྱིས་མནན་པ། མི་དམངས་མང་ཚོགས་ཀྱི་ཚེ་སྲོག་དང་རྒྱུ་ནོར་བདེ་འཇགས་ལ་སྲུང་སྐྱོང་ནུས་ལྡན་བྱས་ཡོད།

གྱོད་གཞིའི་གནས་ཚུལ་ཕྱིར་དྲན། 2023ལོའི་ཟླ་7ཚེས་30ཉིན་གྱི་ཆུ་ཚོད་16ཙམ་ལ། གསེར་རྙེད་ཆུས་སྤྱི་བདེ་ཅུས་ཉེས་དོན་ཉེན་རྟོག་རུ་ཆེན་གྱི་ཉེན་རྟོག་པས་ལས་དོན་སྒྲུབ་རིང་ཁོངས་གཏོགས་ཁུལ་གྱི་མང་ཚོགས་སྐར་ཆེ་གེ་མོའི་དངུལ་ཁང་གཱ་ལ་ཡོང་ཁུངས་གསལ་པོ་མེད་པའི་དངུལ་སྒོར་ཁྲི་40འབྱོར་བའི་ཁུངས་སྣེ་ཞིག་འབྱོར་ཡོད། ཤེས་རྟོགས་བྱུང་བར་གཞིགས་ན། མི་རིང་བའི་གོང་སྐར་ཆེ་གེ་མོས་སྐད་འཕྲིན་ལ་ཆ་རྒྱུས་མེད་པའི་གྲོགས་པོ་བསྣན་ནས་དྲ་ཐོག་དངུལ་བུན་གཡར་རྗེས། རང་ཉིད་ཀྱི་དངུལ་ཁང་གཱ་དང་Kའབོ་སོགས་ཚང་མ་དྲ་ཐོག་དངུལ་བུན་གྱི་ལས་སྒོ་གཉེར་མཁན་མཱ་ཆེ་གེ་མོ་ཟེར་བ་འདིར་སྤྲད་ཀྱང་ད་བར་ཚུར་རག་མེད། ཟླ་7ཚེས་30ཉིན་སྐར་ཆེ་གེ་མོའི་རྩིས་ཁྲར་སྒོར་ཁྲི་40འབྱོར་བའི་ཆ་འཕྲིན་ཞིག་འབྱོར་མ་ཐག་དངུལ་དེ་ལམ་སེང་གཞན་ལ་བསྒྱུར་བའི་འཕྲིན་ཐུང་འབྱོར་སྐབས་སྐར་ཆེ་གེ་མོར་གཞི་ནས་དོགས་པ་སྐྱེས་ནས་ཉེས་དོན་ཉེན་རྟོག་རུ་ཆེན་ལ་བརྟག་དཔྱད་གནང་རོགས་ཟེར་བར་སོང་།

ཁུངས་སྣེ་འབྱོར་རྗེས་ཉེས་དོན་ཉེན་རྟོག་རུ་ཆེན་གྱིས་འཕྲལ་དུ་ཉེན་རྟོག་པ་ཧྲག་པོ་སྒྲིག་འཛུགས་བྱས་ནས། མཱ་ཆེ་གེ་མོར་དམིགས་ཏེ་འཕྲལ་མར་བརྟག་དཔྱད་དཔང་ལེན་གྱི་ལས་དོན་སྤེལ་ཞིང་། མྱུལ་ཞིབ་བྱས་ནས་གྲངས་གཞི་འབོར་ཆེན་ལ་དབྱེ་ཞིབ་བྱས་པ་བརྒྱུད། ཉེན་རྟོག་པས་སྔ་རྗེས་སུ་ས་ཆ་མང་པོར་བསྐྱོད་ནས་བཅར་འདྲི་བརྟག་དཔྱད་དང་། ཁུངས་སྣེ་འཚོལ་ཞིབ། རྗེས་སྙེགས་བཅས་བྱས་རྗེས་གོང་རིམ་གྱི་ལས་སྒོའི་སྡེ་ཚན་གྱི་མཛུབ་ཁྲིད་ཞིབ་ཚགས་དང་ས་ཆ་གཞན་གྱི་སྤྱི་བདེ་ལས་ཁུངས་ཀྱི་གཞོགས་འདེགས་ཤུགས་ཆེན་འོག སྔ་རྗེས་སུ་ནག་ཆུ་དང་ལྷ་ས་སོགས་ནས་གྱོད་གཞི་དང་འབྲེལ་བ་ཡོད་པའི་རིམ་པ་དང་པོའི་གཱ་ཡི་བདག་པོ་11བདེ་བླག་ངང་རྩད་ཆོད་པ་དང་། གཞན་གྱི་བཏང་ཐུང་རྒྱུག་མཁན་དང་ལས་སྒོ་ཚབ་སྒྲུབ་བྱེད་མཁན་གྱི་ཉེས་གསོག་དོགས་ཅན་14བཟུང་བ་མ་ཟད། 2023ལོའི་ཟླ་8ཚེས་20ཉིན་གསེར་རྙེད་ཆུས་ལ་བདེ་བླག་ངང་ལྟ་སྐྱེལ་ལ་རྩིས་སྤྲད་ཡོད། མིག་སྔར་གྱོད་གཞི་འདི་སྔར་བས་སྒྲུབ་གཉེར་བྱེད་སྒང་རེད།