འདི་ནི་ལྷ་ས་མངའ་རིས་ཧོ་པེ་ཆ་ཚང་སློབ་འབྲིང་གི་སློབ་མས་ཧོ་པེ་དང་པེ་ཅིང་དུ་ཟབ་སྦྱོང་བྱེད་སྒོ་སྤེལ་བར་བསྐྱོད་པ།

འདི་ནི་ཧོ་པེ་ཞིང་ཆེན་གྱི་བོད་སྐྱོར་སྨན་བཅོས་རུ་ཁག་ཁག་བཅུ་པས་མང་ཚོགས་ལ་འོས་འགན་སྨན་བཅོས་བྱེད་བཞིན་པ།

2022ལོའི་ཟླ་7ཚེས་13ཉིན་བོད་དུ་སླེབས་པ་ནས་བཟུང་། ཧོ་པེ་ཞིང་ཆེན་གྱི་བོད་སྐྱོར་ལས་དོན་རུ་ཁག་ཁག་བཅུ་པས་བོད་སྐྱོར་གྱི་ལེགས་ཆ་གང་ལེགས་བཏོན་ནས། བོད་སྐྱོར་སྲིད་ཇུས་དོན་འཁྱོལ་ནན་ཏན་དང་། བོད་སྐྱོར་ལས་དོན་གྱི་ལམ་སྲོལ་ཟམ་མི་ཆད་པར་འཐུས་སྒོ་ཚང་དུ་གཏོང་བ། བོད་སྐྱོར་ལས་དོན་གྱི་ནང་དོན་མུ་མཐུད་གཏིང་ཟབ་ཏུ་གཏོང་བ་བཅས་བྱས་ནས། “ལོ་གཅིག་ལ་འགོ་གསར་པ་འཛུགས་པ་དང་། ལོ་གཉིས་ལ་ཕན་འབྲས་ཐོན་པ། ལོ་གསུམ་ལ་སྐས་རིམ་གསར་པར་སླེབས་པ”བཅས་ཀྱི་བརྩོན་ལེན་དང་། རྣམ་གྲངས་འཛུགས་སྐྲུན་དང་། ཚོང་འགུགས་མ་འདྲེན། སློབ་གསོའི་བོད་སྐྱོར། སྨན་བཅོས་རོགས་སྐྱོར། ལས་བྱེད་ཤེས་ལྡན་པའི་དཔུང་ཁག་འཛུགས་སྐྱོང་སོགས་ཀྱི་གཙོ་གནད་ལས་དོན་ལ་ནུས་ཤུགས་ཡོད་རྒུས་དམ་འཛིན་ཡག་པོ། ཁ་གཏད་རོགས་སྐྱོར་གྱི་ལས་དོན་ཁག་ཧུར་ཐག་སྒྲུབ་པ་བཅས་བྱས་ཏེ། མངའ་རིས་ས་ཁུལ་གྱི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་ཧུར་ཐག་བཏང་བ་རེད།

རྣམ་གྲངས་འཛུགས་སྐྲུན་ལ་ཕན་འབྲས་གསར་པ་ཐོན་པ།

ཉེ་བའི་ལོ་ཤས་རིང་། ཧོ་པེ་ཞིང་ཆེན་གྱི་བོད་སྐྱོར་ལས་དོན་རུ་ཁག་ཁག་བཅུ་པས་རྣམ་གྲངས་འཛུགས་སྐྲུན་བོད་སྐྱོར་ལས་དོན་གྱི་གལ་ཆེའི་ནང་གི་འགངས་ཆེར་མཐའ་འཁྱོངས་བརྩིས་ནས་རིག་སྟོབས་རོགས་སྐྱོར་དང་། ཐོན་ལས་རོགས་སྐྱོར། དམངས་འཚོ་འགན་ལེན་དང་ལེགས་གཏོང་། མི་རིགས་ཁག་དབར་འགྲོ་འོང་དང་སྤེལ་རེས་མཉམ་འདྲེས། རིག་གནས་སློབ་གསོ་རོགས་སྐྱོར་བཅས་ཁྱབ་ཁོངས་ཆེ་གྲས་ལྔའི་རྣམ་གྲངས་འཛུགས་སྐྲུན་ལ་སྐུལ་འདེད་ཤུགས་ཆེན་བཏང་བས། བོད་སྐྱོར་རྣམ་གྲངས་ཀྱི་དཔལ་འབྱོར་ཕན་འབྲས་དང་། སྤྱི་ཚོགས་ཕན་འབྲས། སྐྱེ་ཁམས་ཕན་འབྲས་བཅས་གསར་པ་འཕར་ཡོད།

རྣམ་གྲངས་འཛུགས་སྐྲུན་གྱི་དུས་ཕྱོད་རང་བཞིན་ཆེ་རུ་གཏོང་ཆེད། ལས་དོན་རུ་ཁག་གིས“ཧོ་པེས་རྒྱབ་ཕྱོགས—བོད་སྐྱོར་གྱིས་མདུན་ཕྱོགས—ས་གནས་ཐད་གཏོགས་ལས་ཁུངས—རོགས་སྐྱོར་བྱ་ཡུལ་རྫོང”གི་ཕྱོགས་བཞིའི་མཐུན་སྦྱོར་མཉམ་འགུལ་ལམ་སྲོལ་ཞིབ་འཇུག་བྱས་ནས་བཙུགས་པ་དང་། རྣམ་གྲངས་འཛུགས་སྐྲུན་གྱི“ལམ་རིས་བྱ་སྤྱོད”སྤེལ་བ། རྣམ་གྲངས་འཛུགས་སྐྲུན་གྱི་ལོ་གསུམ་འཆར་འགོད་བཟོས་པ། 《ཧོ་པེས་མངའ་རིས་ས་ཁུལ་ལ་རོགས་སྐྱོར་བྱེད་པའི“ལོ་ལྔ་ཚན་བཅུ་བཞི་པའི”རྣམ་གྲངས་འཛུགས་སྐྲུན་གྱི་འཕེལ་རིམ་གནས་ཚུལ་གྱི་ཟླ་རེའི་སྙན་སེང》བཟོས་ནས་བཀྲམ་པ་རེད།

མིག་སྔར་2021ལོ་ནས་2023ལོའི་བར་འཆར་འགོད་བཀོད་སྒྲིག་བྱས་པའི་རྣམ་གྲངས་48ཚང་མ་ལག་ལེན་སྟར་འགོ་ཚུགས་པ་ལས་རྣམ་གྲངས་10ལེགས་གྲུབ་ཟིན་པ་དང་། རྣམ་གྲངས་38ལག་བསྟར་བྱེད་བཞིན་ཡོད་པ། མ་དངུལ་སྒོར་དུང་ཕྱུར་2.68བཏང་ཡོད།

ཚོང་འགུགས་མ་འདྲེན་གྱི“ལས་གྲྭ་ཨང་དང་པོར”གཡུར་ཟའི་གྲུབ་འབྲས་ཐོབ་པ།

ཧོ་པེ་ཞིང་ཆེན་གྱི་བོད་སྐྱོར་ལས་དོན་རུ་ཁག་ཁག་བཅུ་པས་ཚོང་འགུགས་མ་འདྲེན་གྱི་ལས་དོན“ལས་གྲྭ་ཨང་དང་པོར”བརྩི་བ་དང་མངའ་རིས་ས་ཁུལ་གྱི་དཔལ་འབྱོར་རྒྱུན་མཐུད་འཕར་བར་སྐུལ་འདེད་གཏོང་བའི་བྱེད་ཐབས་ནུས་ལྡན་ཞིག་ཏུ་མཐའ་འཁྱོངས་བརྩིས་ནས། ཧོ་པེའི་བོད་སྐྱོར་ལས་དོན་རུ་ཁག་གི་ཚོང་འགུགས་མ་འདྲེན་ལས་དོན་གྱི“ཚན་ཁག་གཅིག་+ཚོགས་ཆུང་བཞི”བཙུགས་ཏེ་སྔ་རྗེས་སུ་ཧྲི་ཅ་ཀྲོང་དང་། པེ་ཅིང་། ཝུའུ་ཧན། ཧྲེན་ཀྲེན་སོགས་གྲོང་ཁྱེར་མང་པོར་བརྟག་ཞིབ་དང་རྟོག་ཞིབ་ཐེངས་13བྱས་པ་དང་། ཀྲུང་གོ་ནུས་རྒྱུ་འཛུགས་སྐྲུན་ཚོགས་པ་སོགས་ཁེ་ལས་40ལྷག་ཙམ་དང་འབྲེལ་མཐུད་ཧུར་ཐག་བྱས་ནས་རྣམ་གྲངས་མཉམ་ལས་བྱས་ཏེ་ཁེ་ལས་དེ་བས་མང་བ་མངའ་རིས་སུ་རྟོག་ཞིབ་བྱས་ནས་མ་རྩ་འཇོག་པའི་ཡིད་དབང་བཀུག་ཡོད།

འདི་ལོ་ཚུན་དུ་ཧོ་པེ་ཞིང་ཆེན་གྱི་བོད་སྐྱོར་ལས་དོན་རུ་ཁག་ཁག་བཅུ་པས་མི་མངགས་ནས་བོད་རང་སྐྱོང་ལྗོངས་མི་དམངས་སྲིད་གཞུང་གི་ལི་ཐོན་ལས་འོས་སྦྱོར་ཚོགས་འདུ་དང་2023ལོའི“ཀྲུང་གོ·ལང་ཧྥང་རྒྱལ་སྤྱིའི་དཔལ་འབྱོར་ཚོང་དོན་ངོ་འཕྲད་གྲོས་མོལ་ཚོགས་འདུར”ཞུགས་པ་དང་། “ངོ་མཚར་ཆེ་བའི་མངའ་རིས·འཛམ་བུ་གླིང་གིས་མཉམ་སྤྱོད”ཀྱི་ཚོང་འགུགས་མ་འདྲེན་གྱི་འོས་སྦྱོར་ཚོགས་འདུ་འཚོགས་པ། “ཞང་ཞུང་གི་གནའ་ཉམས·མཁའ་དབྱིངས་ཀྱི་མངའ་རིས”ཡུལ་སྐོར་མཛེས་ལྗོངས་པར་ལེན་འགྲེམས་སྟོན་གཉེར་བ་བཅས་གོང་གསལ་གྱི་བྱེད་སྒོར་རིམ་རྩིས་བྱས་ན་མཉམ་ལས་གྲོས་མཐུན་ཁག་7བཞག་པ་དང་འདོད་འདུན་མ་རྩ་སྒོར་དུང་ཕྱུར་26.37བཞག་ཡོད།

རིག་སྟོབས་རོགས་སྐྱོར་ལ་ཤུགས་གནད་སྨིན་བརྒྱབ་པར་གྲུབ་འབྲས་བཟང་པོ་ཐོབ་པ།

ཧོ་པེ་ཞིང་ཆེན་གྱི“ཚོགས་སྒྲིག་རྣམ་པའི”སློབ་གསོའི་ཤེས་ལྡན་པ་ཁག་བཅུ་པས“སློབ་གྲྭ་གཅིག་ལ་རོགས་སྐྱོར་དང་ས་ཁུལ་གཅིག་ལ་མིག་དཔེ་སྟོན་པའི”ལས་ཀའི་བླང་བྱར་དམ་པོར་དམིགས་ཏེ། དགེ་རྒན་གྱི་དཔུང་ཁག་འཛུགས་སྐྱོང་དང་སློབ་གསོའི་སྤུས་ཚད་མཐོ་རུ་གཏོང་བའི་ལས་འགན་ཆེན་པོ་གཉིས་ལ་དམིགས་ནས་ཤུགས་གནད་སྨིན་བརྒྱབ་པར་རོགས་སྐྱོར་ཐོབ་པའི་སློབ་གྲྭའི་བྱ་གཞག་ཁག་ཡར་རྒྱས་མངོན་གསལ་དོད་པོ་བྱུང་ཡོད།

2022ལོའི་ཟླ་7པའི་ཟླ་དཀྱིལ་དུ“ཚོགས་སྒྲིག་རྣམ་པའི”བོད་སྐྱོར་དགེ་རྒན་20ལྷ་ས་མངའ་རིས་ཧོ་པེ་ཆ་ཚང་སློབ་འབྲིང་དུ་སླེབས་རྗེས། སེམས་ནུས་ཡོད་རྒུས་སློབ་གསོའི་ལས་ལ་གཞོལ་ཅིང་། “སྤུས་ཚད་མཐོ་བའི་སློབ་ཁྲིད”སློབ་ཁྲིད་ཀྱི་འཆར་གཞི་དང་སློབ་ཁྲིད་ཀྱི་རྒྱུན་སྲོལ་དུ་བཅུག་སྟེ་སློབ་གྲྭའི་ལོ་གསུམ་གྱི་འཕེལ་རྒྱས་འཆར་འགོད་དང་། ལོ་འཁོར་གྱི་ལས་ཀའི་དམིགས་ཚད། དགེ་རྒན་མི་སྒེར་གྱི་ལོ་གསུམ་གྱི་ལས་ཀའི་འཆར་གཞི་བཅས་ལ་ཞིབ་འཇུག་བྱས་ནས་བཟོས་ཏེ་སློབ་གྲྭའི་ཕུགས་ཀྱི་འཕེལ་རྒྱས་ལ་རྨང་གཞི་བརྟན་པོ་བཏང་ཡོད། འདི་ལོ་སློབ་གྲྭ་ཡོངས་ཀྱི་ཆེད་སྦྱོང་ཚན་ཁག་དང་དེ་ཡན་ལ་རྒྱུགས་འཕྲོད་ཚད་65.3%ཟིན་པ་དང་སྤྱིའི་རྒྱུགས་འཕྲོད་ཚད་ན་ནིང་ལས་15%མཐོ་རུ་ཕྱིན་ཡོད།

སྨན་བཅོས་བོད་སྐྱོར་གྱི་ཆུ་ཚད་ཕྱོགས་ཡོངས་ནས་མཐོ་རུ་ཕྱིན་པ།

ཧོ་པེ་ཞིང་ཆེན་གྱི་བོད་སྐྱོར་ལས་བྱེད་ཤེས་ལྡན་པ་ཁག་བཅུ་པས་མངའ་རིས་ས་ཁུལ་མ་བུ་བདེ་སྲུང་སྨན་ཁང་གི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བ་སྨན་བཅོས་བོད་སྐྱོར་གྱི་ལས་འགན་ཨང་དང་པོར་མཐའ་འཁྱོངས་བརྩིས་ནས། སྨན་ཁང་གི་ནུས་པ་ཆེ་རུ་གཏོང་བ་དང་ཚད་གཞི་མཐོ་རུ་གཏོང་བ་གཉིས་ཀྱི་བོད་སྐྱོར་རྣམ་གྲངས་གང་མགྱོགས་དོན་འཁྱོལ་ལ་སྐུལ་འདེད་བཏང་ཡོད། མིག་སྔར་གཤག་བཅོས་ཁང་དང་བུ་བཙའ་ཁང་འཛུགས་སྐྲུན་དང་། ཆེད་ལས་སྨན་བཅོས་ཞིབ་བཤེར་སྒྲིག་ཆས་ཉོ་སྒྲུབ། བཙོག་ཆུ་འབུད་ལམ་དང་གློག་ལམ་སྒྱུར་བཀོད་སོགས་སྤྱིར་ན་ལེགས་གྲུབ་ཟིན་ཡོད།

ཧོ་པེ་དང་མངའ་རིས་ས་གནས་གཉིས་ཀྱི་སྨན་བཅོས་འཕྲོད་བསྟེན་ལས་སྒོའི་དྲ་ཐོག་གི་གསོ་སྦྱོང་དང་སྤེལ་རེས་བྱེད་སྒོ་འཚོལ་ཞིབ་བྱས་ནས་སྤེལ་བ་དང་། ཧོ་པེ་ཞིང་ཆེན་གྱི་བུ་བཙའི་ཚན་ཁག་དང་བྱིས་པའི་ཚན་ཁག་གི་རིགས་གཅིག་མཁས་ཅན་གདན་དྲངས་ཏེ། དྲ་ཐོག་ནས་སློབ་ཁྲིད་དང་དོགས་གཞི་སེལ་བའི་རྣམ་པ་སྤྱད་དེ་ས་ཁུལ་གྱི་རིམ་པ་ཁག་དང་རིགས་ཁག་གི་སྨན་བཅོས་སྒྲིག་གཞིའི་ཁ་གཏད་ཆེད་ལས་སྨན་དོན་པ་100ལྷག་ཙམ་སྒྲིག་འཛུགས་བྱས་ནས་ཁག་3ལ་བགོས་ཏེ་གསོ་སྦྱོང་བྱས་པ་རེད། ས་གནས་དེ་གའི་སྨན་དོན་པ་8བདམས་ཏེ་ཧོ་པེ་ཞིང་ཆེན་མི་དམངས་སྨན་ཁང་དུ་ལས་ཐོག་སློབ་སྦྱོང་དང་སྤེལ་རེས་་བྱས་པ་རེད། མངའ་རིས་ས་ཁུལ་ནོར་སྲིད་དང་མཐུན་སྦྱོར་བྱས་ནས་མ་དངུལ་སྒོར་ཁྲི་560གྲབས་གསོག་བྱས་ཏེ་མངའ་རིས་ས་ཁུལ་མ་བུ་བདེ་སྲུང་ཁང་ཚོད་ལྟ་ཁང་གི་ཞིབ་དཔྱད་ཚད་ལེན་སྒྲིག་ཆས་ཉོས་པ་རེད། 2023ལོར་བུད་མེད་ཀྱི“འབྲས་སྐྲན་གཉིས”གྲལ་བཤེར་གྱི་ལག་རྩལ་དྲ་ཐོག་ནས་གསོ་སྦྱོང་བྱས་པར་མངའ་རིས་ས་ཁུལ་གྱི་ལག་རྩལ་པ་40ལྷག་ཙམ་ཞུགས་ཡོད།

ཡུལ་སྐོར་ཐོན་ལས་ཀྱི་སྤུས་ཚད་མཐོ་བའི་འཕེལ་རྒྱས་ལ་བརྟེན་ནས་གསར་གཏོད་དོན་གཉེར་བྱས་པ།

ཧོ་པེ་ཞིང་ཆེན་གྱི་བོད་སྐྱོར་ལས་དོན་རུ་ཁག་ཁག་བཅུ་པས《རྩ་མདའ་དང་རུ་ཐོག་རྫོང་གཉིས་ཀྱི་ཡུལ་སྐོར་ཁེ་ལས་ཧོ་པེ་རུ་རྟོག་ཞིབ་སློབ་སྦྱོང་དང་ཡུལ་སྐོར་བ་འགུགས་པའི་རྣམ་གྲངས》དང《མངའ་རིས་ཀྱི་དྲིལ་བསྒྲགས་དངོས་རྫས〈མངའ་རིས་སྐོར་བརྗོད་པ〉ཇུས་འགོད་བཟོ་སྐྲུན་རྣམ་གྲངས》སོགས་ལ་སྔ་རྗེས་སུ་ཞིབ་འཇུག་ཇུས་འགོད་བྱས་ནས། བོད་ཀྱི་ཡུལ་སྐོར་མ་རྐང་ཀུང་སི་མངའ་རིས་ཡན་ལག་ཀུང་སི་དང་མངའ་རིས་ས་ཁུལ་གྱི་ཡུལ་སྐོར་མཐུན་ཚོགས་དང་མཉམ་ལས་བྱས་ཏེ་ས་མཐོའི་ཡུལ་སྲོལ་གོམས་གཤིས་ཀྱི་ཡུལ་སྐོར་ལམ་ཐིག་དང་། མ་ཕམ་གཡུ་མཚོར་ཡུལ་སྐོར། ཞང་ཞུང་རིག་གནས་ཡུལ་སྐོར་ལམ་ཐིག་སོགས་མངའ་རིས་ཀྱི་ཡུལ་སྐོར་ལམ་ཐིག་རྩེ་གྲ་6བཏོད་ཡོད་པ་རེད།

“གོམ་སྟབས་རྗེས་མར་ང་ཚོས་བོད་ཀྱི་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་གྱི་དགོངས་དོན་དང་དུས་རབས་གསར་པའི་ཏང་གི་བོད་སྐྱོང་མཛད་ཇུས་སློབ་སྦྱོང་དང་ལག་བསྟར་གཏིང་ཟབ་བྱས་ནས་ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་ཟམ་མི་ཆད་པར་བརྟན་དུ་བཏང་སྟེ། 《ཧོ་པེ་ཞིང་ཆེན་གྱི་བོད་སྐྱོར་ལས་དོན་རུ་ཁག་ཁག་བཅུ་པའི་ལོ་གསུམ་གྱི་བོད་སྐྱོར་ལས་དོན་འཆར་འགོད》ཁྲིད་སྟོན་དུ་བྱས་ནས། བོད་སྐྱོར་མ་དངུལ་གང་ལེགས་སྤྱད་དེ་མངའ་རིས་ས་ཁུལ་གྱི་དཔལ་འབྱོར་དང་སྤྱི་ཚོགས་ཕྱོགས་ཡོངས་ཀྱི་འཕེལ་རྒྱས་ལ་རོགས་པ་གང་ཐུབ་བྱེད་ཀྱི་ཡིན”ཞེས་མངའ་རིས་ས་ཨུད་ཀྱི་ཧྲུའུ་ཅི་གཞོན་པ་དང་སྲིད་འཛིན་ཀུང་ཧྲུའུ་ཡི་རྒྱུན་ལས་ཀྲོན་ཡོན་གཞོན་པ་ཧོ་པེ་ཞིང་ཆེན་གྱི་བོད་སྐྱོར་ལས་དོན་རུ་ཁག་ཁག་བཅུ་པའི་ཤེས་ལྡན་པའི་རུ་སྣེ་འཁྲིད་མཁན་ཤེ་ཀྲེ་ཆང་གིས་བཤད།