ཀུ་ཤུས་ཕྲུ་གུའི་དྲན་ཤེས་ལེགས་སུ་འགྲོ་བར་དམིགས་བསལ་གྱི་ཕན་ནུས་ཐོན་ཚུལ་ཚན་རིག་མཁས་ཅན་གྱིས་ཤེས་རྟོགས་བྱུང་ཡོད། དེ་ཡང་ཀུ་ཤུར་མིའི་ཀླད་པར་མཁོ་བའི་མེད་དུ་མི་རུང་བའི་འཚོ་བཅུད་ལྡན་ཡོད་པ་སྟེ། སྟོབས་སྐྱེས་ཀྱི་རྒྱུ་སྣ་དང་། གཏེར་རྒྱུ། ཚིལ། མངར་ཆ་སོགས་མང་པོ་འདུས་ཡོད་པ་མ་ཟད། ད་དུང་ཕྲུ་གུའི་འཚར་ལོངས་ལ་ཕན་པའི་ཚི་སྣའི་རྒྱུ་དང་ཕྲུ་གུའི་དྲན་ཤེས་ལེགས་སུ་འགྲོ་བའི་རྫས་འགྱུར་ཏི་ཚྭ་བཅས་འདུས་ཡོད།

ཏི་ཚྭ་ནི་མི་ལུས་པོར་མཁོ་བའི་གལ་ཆེའི་འཚོ་རྒྱུ་ཞིག་ཡིན་ཞིང་། དེ་ནི་དྲན་ཤེས་དང་གཅིག་ཏུ་འབྲེལ་བའི་ཕྲ་ཕུང་ཉིང་རྡུལ་གྱི་སྐྱུར་རྫས་དང་སྤྲི་དཀར་སྒྲུབ་པའི་རྒྱུ་ཞིག་རེད། ཕྲུ་གུའི་དུས་ནི་ཀླད་པ་སྐྱེ་འཚར་ཆེ་ཤོས་ཀྱི་འགག་རྩའི་དུས་ཤིག་ཡིན་པས། དེའི་སྐབས་ཀུ་ཤུ་མང་ཙམ་བཟས་ན་ཕན་པ་ཤིན་ཏུ་ཆེ།