ལྗོངས་སྤྱི་བདེ་ཐིང་གིས་ཐིང་རིམ་པའི་འགོ་ཁྲིད་ལས་བྱེད་པའི་བརྗོད་དོན་གཙོ་བོའི་སློབ་གསོའི་རེས་སྐོར་གཉིས་པའི་བརྟག་ཞིབ་ཀྱི་གྲུབ་འབྲས་སྤེལ་རེས་ཚོགས་འདུ་འཚོགས་པ།
ཉེ་ཆར། ལྗོངས་སྤྱི་བདེ་ཐིང་གིས་ཐིང་རིམ་པའི་འགོ་ཁྲིད་ལས་བྱེད་པའི་བརྗོད་དོན་གཙོ་བོའི་སློབ་གསོའི་རེས་སྐོར་གཉིས་པའི་བརྟག་ཞིབ་ཀྱི་གྲུབ་འབྲས་སྤེལ་རེས་ཚོགས་འདུ་འཚོགས་ཤིང་། ཏང་ཀྲུང་དབྱང་གི་བརྟག་དཔྱད་ཞིབ་འཇུག་ཆེས་ཆེར་བྱེད་པའི་ཐབས་ཇུས་ལག་བསྟར་གཏིང་ཟབ་དང་། ལྗོངས་ཏང་ཨུད་དང་སྤྱི་བདེ་པུའུ་ཏང་ཨུད་ཀྱི་བརྗོད་དོན་གཙོ་བོའི་སློབ་གསོའི་བཀོད་སྒྲིག་དོན་འཁྱོལ་ནན་ཏན། བརྟག་ཞིབ་ཀྱི་གྲུབ་འབྲས་སྤེལ་རེས་ཞིབ་བསྡུར་བཅས་བྱས་ནས་ཐག་གཅོད་བྱ་ཐབས་བཏོན་པ་དང་གྲུབ་འབྲས་གཞན་འགྱུར་ལ་སྐུལ་འདེད་བཏང་བ་རེད། རང་སྐྱོང་ལྗོངས་ཀྱི་ཀྲུའུ་ཞི་གཞོན་པ་དང་ལྗོངས་སྤྱི་བདེ་ཐིང་ཏང་ཨུད་ཀྱི་ཧྲུའུ་ཅི་དང་ཐིང་ཀྲང་ཀྲང་ཧུང་པོས་ཚོགས་འདུ་གཙོ་སྐྱོང་གནང་བ་རེད།
ཚོགས་འདུའི་ཐོག་ནན་བཤད་བྱས་དོན། ལྗོངས་ཡོངས་ཀྱི་སྤྱི་བདེ་ལས་ཁུངས་ཀྱིས་སྤྱི་བདེ་ལས་ཁུངས་ཀྱི་བརྗོད་དོན་གཙོ་བོའི་སློབ་གསོའི་ལས་དོན་དང་བརྟག་དཔྱད་ཞིབ་འཇུག་ལས་དོན་བྱེད་ཤུགས་ཆེ་རུ་གཏོང་རྒྱུའི་སྐོར་གྱི་པུའུ་ཀྲང་ཝང་ཞའོ་ཧུང་གི་བཀོད་སྒྲིག་རབ་དང་རིམ་པ་དང་མཛུབ་སྟོན་བླང་བྱ་སློབ་སྦྱོང་གཏིང་ཟབ་བྱེད་པ་དང་། ཟླ་7ཚེས་20ཉིན་ཧྲུའུ་ཅི་ཝང་ཅུན་ཀྲེང་གིས་ལྗོངས་སྤྱི་བདེ་ཐིང་དུ་བརྟག་ཞིབ་གནང་སྐབས་གནང་བའི་མཛུབ་སྟོན་གྱི་དགོངས་པ་སློབ་སྦྱོང་དང་ལག་བསྟར་ནན་ཏན་བྱེད་པ། བརྟག་དཔྱད་ཞིབ་འཇུག་སྐོར་གྱི་ལྗོངས་ཏང་ཨུད་དང་། སྤྱི་བདེ་པུའུ་ཏང་ཨུད། ལྗོངས་ཏང་ཨུད་སྲིད་ཁྲིམས་ཨུ་ལྷན་བཅས་ཀྱི་ལས་དོན་བླང་བྱ་དོན་འཁྱོལ་ནན་ཏན་བྱེད་པ། ཚད་གཞི་དེ་བས་མཐོ་བ་དང་། བླང་བྱ་དེ་བས་ནན་པ། བྱ་ཐབས་དེ་བས་ཏན་ཏིག་བཅས་ཀྱིས་བརྟག་དཔྱད་ཞིབ་འཇུག་མུ་མཐུད་གཏིང་ཟབ་ཏུ་གཏོང་བ་དང་བརྟག་ཞིབ་ཀྱི་གྲུབ་འབྲས་གཞན་འགྱུར་བྱེད་ཤུགས་ཆེ་རུ་གཏོང་བ། བརྟག་ཞིབ་ལ་བརྟེན་ནས་འགག་སྒྲོལ་དང་བརྟག་ཞིབ་ལ་བརྟེན་ནས་ལམ་འབྱེད་པ་བཅས་བྱས་ནས་བོད་ཀྱི་སྤྱི་བདེའི་ལས་དོན་དང་དཔུང་ཁག་འཛུགས་སྐྱོང་སྤུས་ཚད་མཐོ་བའི་འཕེལ་རྒྱས་ལ་ནུས་ཤུགས་ཡོད་རྒུས་སྐུལ་འདེད་གཏོང་དགོས།