ཚེས་2ཉིན་གྱི་སྔ་དྲོར། མངའ་རིས་ས་ཁུལ་ཞང་ཞུང་རིག་གནས་ཡུལ་སྐོར་དུས་ཆེན་སྐབས་བརྒྱད་པའི་གསར་འགྱུར་ཡོངས་བསྒྲགས་ཚོགས་འདུ་ནས་གསར་འགོད་པར་ཤེས་རྟོགས་བྱུང་བར། ཏང་གི་མཐུན་སྒྲིལ་སྣེ་ཁྲིད་འོག་མངའ་རིས་ཀྱི་མི་རིགས་ཁག་གི་མི་དམངས་ཀྱིས་དུས་རབས་གསར་པ་དང་རྒྱང་ལམ་གསར་པར་གོམ་ཞེང་ཆེན་པོས་མདུན་དུ་སྐྱོད་པའི་རྣམ་པ་གསར་པ་དང་གྲུབ་འབྲས་གསར་པ་མངོན་ཆེད། “མཛེས་སྡུག་ལྡན་པའི་ཞང་ཞུང་གི་གནའ་ཉམས། ཡིད་དུ་འོང་བའི་མཁའ་དབྱིངས་ཀྱི་མངའ་རིས”བརྗོད་དོན་གཙོ་བོར་བྱས་པའི་མངའ་རིས་ས་ཁུལ་གྱི་ཞང་ཞུང་རིག་གནས་ཡུལ་སྐོར་དུས་ཆེན་སྐབས་བརྒྱད་པ་ཟླ་8ཚེས་21ནས་27ཉིན་བར་འཚོག་གི་ཡོད་པ་རེད།