ཁྲེང་ཀོན་ཆུས་ཀྱི་སློབ་གྲྭ་འབྲིང་ཆུང་ཁག་གཅིག་གི་སློབ་མ་བསྡུ་ཁོངས་ལེགས་སྒྲིག་བྱེད་རྒྱུའི་སྐོར་གྱི་སྤྱི་བསྒྲགས།

ཁྲེང་ཀོན་ཆུས་ཀྱི་འོས་འགན་སློབ་གསོ་སྤུས་ལེགས་དང་དོ་སྙོམས་འཕེལ་རྒྱས་ལ་སྔར་བས་སྐུལ་འདེད་གཏོང་བ་དང་། གྲོང་ཁུལ་གྱི་ས་ཁོངས་འགའི་སློབ་གྲྭ་འབྲིང་ཆུང་གི་སློབ་གསོའི་ཐོན་ཁུངས་མཁོ་སྤྲོད་རྒྱ་ཆེར་གཏོང་བ། “ཚོགས་པ་ཅན་གྱི་སློབ་གཉེར”དང“སྐད་གྲགས་ཡོད་པའི་སློབ་གྲྭས་ཡན་ལག་སློབ་གྲྭ་འཛུགས་སྟངས”རྒྱུན་མཐུད་གཏིང་ཟབ་ཏུ་གཏོང་བ། སློབ་གསོའི་ཐོན་ཁུངས་ཀྱི་བཀོད་པ་ལེགས་སུ་གཏོང་བ། གྲོང་ཁྱེར་གྱི་ནུས་པ་འཐུས་སྒོ་ཚང་དུ་འགྲོ་བར་སྐུལ་འདེད་གཏོང་བ། སྤུས་ལེགས་དང་དོ་སྙོམས་ཀྱི་གཞི་རྩའི་སྤྱི་པའི་སློབ་གསོའི་ཞབས་ཞུའི་མ་ལག་འཛུགས་པ་བཅས་བྱ་ཆེད། ཚོགས་འདུ་འཚོགས་ནས་སྤྱི་ཚོགས་ལས་རིགས་ཁག་གི་འཐུས་མིའི་བསམ་འཆར་དང་གྲོས་འགོ་གང་ལེགས་ཉན་པ་མ་ཟད། ལྷ་ས་གྲོང་ཁྱེར་སློབ་གསོ་ཅུས་དང་ལྷ་ས་གྲོང་ཁྱེར་མི་དམངས་སྲིད་གཞུང་གིས་ཞིབ་འཇུག་དང་གྲོས་འཆམ་བྱེད་པར་རིམ་པ་བཞིན་སྙན་སེང་ཞུས་པ་བརྒྱུད། ད་ལྟ་ཁྲེང་ཀོན་ཆུས་ཀྱི་སློབ་གྲྭ་འབྲིང་ཆུང་འགའ་ཞིག་གི་སློབ་མ་བསྡུ་ཁོངས་ལེགས་སྒྲིག་གི་སྤྱི་བསྒྲགས་གཤམ་གསལ།

དང་པོ། ལེགས་སྒྲིག་གི་གཞི་འཛིན་ས།

《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་འོས་འགན་སློབ་གསོའི་བཅའ་ཁྲིམས》དང《སློབ་གསོའི་བྱ་གཞག་སྒྱུར་བཅོས་འཕེལ་རྒྱས་གང་མགྱོགས་གཏོང་རྒྱུའི་སྐོར་གྱི་ཀྲུང་གུང་བོད་རང་སྐྱོང་ལྗོངས་ཨུ་ཡོན་ལྷན་ཁང་དང་བོད་རང་སྐྱོང་ལྗོངས་མི་དམངས་སྲིད་གཞུང་གི་ལག་བསྟར་བསམ་འཆར》(བོད་ཏང་སྤེལ།[2016]ཡིག་ཨང་17པ)ཡིག་ཆའི་འབྲེལ་ཡོད་བླང་བྱར་གཞིགས་ནས་སློབ་མ་བསྡུ་ཁོངས་ལེགས་སྒྲིག་བྱས་ཡོད།

གཉིས་པ། སློབ་ཆུང་དུས་མཚམས་ཀྱི་སློབ་མ་བསྡུ་ཁོངས་3ལེགས་སྒྲིག་བྱས་པ།

(གཅིག)ལྷ་ས་གྲོང་ཁྱེར་སློབ་ཆུང་དང་པོའི་སློབ་གསོ་གྲོང་གི་ཡན་ལག་སློབ་གྲྭར(ཁྲེང་ཀོན་ཆུས་སློབ་ཆུང་བདུན་པ)ཐག་ཉེ་སའི་སློབ་མ་བསྡུ་རྒྱུ།

སློབ་མ་བསྡུ་ཁོངས་ནི། སློབ་གྲོང་ལམ་དང་ལྷོ་སྐོར་ལམ(རྒྱལ་ལམ་318)སྦྲེལ་མཚམས་ཀྱི་སློབ་གྲོང་ལམ་གྱི་ཤར་ངོས་ནས་ལྷ་ས་སྐྱིད་ཆུའི་བར་རྒྱ་ཆེར་བཏང་བ་དང་། ལྷ་ས་སྐྱིད་ཆུའི་ལྷོ་ངོས་ནས་ཁྲེང་ཀོན་ཆུས་དང་སྟག་རྩེ་ཆུས་སྦྲེལ་མཚམས་བར། ཁྲེང་ཀོན་ཆུས་དང་སྟག་རྩེ་ཆུས་སྦྲེལ་མཚམས་ནས་ལྷོ་སྐོར་ལམ(318ལམ་ཐིག)བར། ལྷོ་སྐོར་ལམ(318ལམ་ཐིག)བྱང་ངོས་ནས་སློབ་གྲོང་ལམ་བར་བཅས་ཡིན།

2023ལོའི་སྟོན་ཀའི་སློབ་དུས་ཀྱི་སློབ་བསྡུའི་ལོ་རིམ་དང་འཛིན་གྲྭའི་གྲངས་འབོར། ལོ་རིམ་དང་པོར་འཛིན་གྲྭ་དྲུག་བསྡུ་རྒྱུ། 

(གཉིས)ཁྲེང་ཀོན་ཆུས་ཧའེ་ས་སློབ་ཆུང་གི་སློབ་མ་བསྡུ་ཁོངས་ལེགས་སྒྲིག་བྱེད་རྒྱུ། 

སློབ་མ་བསྡུ་ཁོངས་ནི། གཙང་རལ་ཟམ་ཆེན་གྱི་ལྷོ་སྣེའི་ལྷ་ས་སྐྱིད་ཆུའི་ལྷོ་ངོས་ནས་སློབ་གྲོང་ལམ་བར་དང་། སློབ་གྲོང་ལམ་གྱི་ནུབ་ངོས་ནས་ལྷོ་སྐོར་ལམ(318ལམ་ཐིག)བར། ལྷོ་སྐོར་ལམ(318ལམ་ཐིག)གྱི་ལྷོ་ངོས་ནས་ཞལ་ལམ་མདོ་བར། ཞལ་ལམ་མདོའི་ཤན་ཀྲོང་ལམ་ནས་ཞལ་སྐྱེ་ཁམས་གླིང་གི་རྒྱལ་སྒོ་ཆེན་པོའི་བར། ཞལ་སྐྱེ་ཁམས་གླིང་གི་རྒྱལ་སྒོ་ཆེན་པོའི་ཞལ་གྲོང་ཚོའི་ནུབ་ངོས་རི་གཤམ་ནས་ལྷ་ས་གྲོང་ཁྱེར་དང་ལྷོ་ཁ་གྲོང་ཁྱེར་སྦྲེལ་མཚམས་བར། ལྷ་ས་གྲོང་ཁྱེར་དང་ལྷོ་ཁ་གྲོང་ཁྱེར་གྱི་སྦྲེལ་མཚམས་ནས་ཁྲེང་ཀོན་ཆུས་དང་རིག་གནས་བསམ་བཀོད་གླིང་སྦྲེལ་མཚམས་བར། ཁྲེང་ཀོན་ཆུས་དང་རིག་གནས་བསམ་བཀོད་གླིང་སྦྲེལ་མཚམས་ནས་གཙང་རལ་ཟམ་ཆེན་གྱི་ལྷོ་སྣེ་བར་བཅས་ཡིན།

2023ལོའི་སྟོན་ཀའི་སློབ་དུས་སུ་སློབ་བསྡུའི་ལོ་རིམ་དང་འཛིན་གྲྭའི་གྲངས་འབོར། ལོ་རིམ་དང་པོར་འཛིན་གྲྭ་བཞི་བསྡུ་རྒྱུ།

(གསུམ)ཁྲེང་ཀོན་ཆུས་དཔལ་སྡིངས་སློབ་ཆུང་གི་སློབ་མ་བསྡུ་ཁོངས་ལེགས་སྒྲིག་བྱེད་རྒྱུ།

སློབ་མ་བསྡུ་ཁོངས་ནི། ཞལ་ལམ་མདོའི་ཤན་ཀྲོང་ལམ་ནས་ཞལ་སྐྱེ་ཁམས་གླིང་གི་རྒྱལ་སྒོ་ཆེན་པོའི་བར་དང་། ཞལ་སྐྱེ་ཁམས་གླིང་གི་རྒྱལ་སྒོ་ཆེན་པོའི་ཞལ་གྲོང་ཚོའི་ནུབ་འདབས་རི་གཤམ་ནས་ལྷ་ས་གྲོང་ཁྱེར་དང་ལྷོ་ཁ་གྲོང་ཁྱེར་སྦྲེལ་མཚམས་བར། ལྷ་ས་གྲོང་ཁྱེར་དང་ལྷོ་ཁ་གྲོང་ཁྱེར་སྦྲེལ་མཚམས་ནས་ཁྲེང་ཀོན་ཆུས་དང་སྟག་རྩེ་ཆུས་སྦྲེལ་མཚམས་བར། ཁྲེང་ཀོན་ཆུས་དང་སྟག་རྩེ་ཆུས་སྦྲེལ་མཚམས་ནས་ལྷོ་སྐོར་ལམ(318ལམ་ཐིག)བར། ལྷོ་སྐོར་ལམ(318ལམ་ཐིག)གྱི་ལྷོ་ངོས་ནས་ཞལ་ལམ་མདོ་བར་བཅས་ཡིན།

2023ལོའི་སྟོན་ཀའི་སློབ་དུས་སུ་སློབ་མ་བསྡུ་བའི་ལོ་རིམ་དང་འཛིན་གྲྭའི་གྲངས་འབོར། ལོ་རིམ་དང་པོར་འཛིན་གྲྭ་བཞི་བསྡུ་རྒྱུ།

གསུམ། སློབ་གྲྭ་མང་པོས་ཁུལ་དབྱེ་ནས་སློབ་གྲྭ་གཉིས་ལ་སློབ་བསྡུའི་ཚོད་ལྟ་བྱེད་རྒྱུ།

ལྷ་ས་གྲོང་ཁྱེར་ཚོད་ལྟའི་སློབ་ཆུང་གྲོང་ཤར་ཡན་ལག་སློབ་གྲྭ་དང་ཁྲེང་ཀོན་ཆུས་སློབ་ཆུང་དགུ་པར་སློབ་གྲྭ་མང་པོར་ཁུལ་དབྱེ་ནས་སློབ་མ་བསྡུ་ཐབས་(ཁྲེང་ཀོན་ཆུས་ཀྱི་སློབ་ཆུང་དགུ་པའི་སློབ་མ་བསྡུ་ཁུལ་མཉམ་དུ་སྤྱོད་རྒྱུ)སྤྱད་དེ་ཨང་གྲངས་དཀྲུག་ནས་སློབ་མ་བསྡུ་རྒྱུ།

(གཅིག)ཨང་གྲངས་དཀྲུག་པའི་བསྡུར་ཚད། 

2023ལོའི་སྟོན་ཀའི་སློབ་དུས་ཀྱི་ལྷ་ས་གྲོང་ཁྱེར་ཚོད་ལྟའི་སློབ་ཆུང་གྲོང་ཤར་ཡན་ལག་སློབ་གྲྭ་དང་ཁྲེང་ཀོན་ཆུས་སློབ་ཆུང་དགུ་པའི་སློབ་མ་བསྡུ་བའི་ཨང་གྲངས་དཀྲུག་པའི་བསྡུར་ཚད་དེ་དོན་དངོས་ཀྱི་མི་གྲངས་ལ་གཞིགས་ནས་གཏན་འཁེལ་བྱེད་རྒྱུ། 

(གཉིས)ཨང་གྲངས་དཀྲུག་པའི་གོ་རིམ། 

ཨང་གྲངས་དཀྲུག་པའི་བསྡུར་ཚད་ལ་གཞིགས་ནས་ཐེམ་ཐོ་ཁྲེང་ཀོན་ཆུས་སུ་ཡོད་པའི་ལོ་ཚད་ལོན་པའི་བྱིས་པ་སྔོན་ལ་ཨང་གྲངས་དཀྲུག་རྒྱུ་དང་། དེ་རྗེས་ཐེམ་ཐོ་ཕ་མ་དང་མཉམ་དུ་བསྒྱུར་བའི་བྱིས་པར་རིམ་པ་བཞིན་ཨང་གྲངས་དཀྲུག་ནས་སློབ་གྲྭ་གཏན་འཁེལ་བྱེད་རྒྱུ་རེད། ཨང་གྲངས་དཀྲུག་ནས་སློབ་གྲྭ་གཏན་འཁེལ་མ་བྱུང་བའི་རིགས་ཡོད་ན་ཁྲེང་ཀོན་ཆུས་སློབ་གསོ་ཅུས་ཀྱིས་གཅིག་གྱུར་འཆར་འགོད་བྱས་ནས་སློབ་གནས་ལྷག་མ་ཡོད་པའི་སློབ་གྲྭར་གཏོང་རྒྱུ་རེད། 

སློབ་མ་བསྡུ་ཁོངས་ནི། ཀུ་རུ་ཟམ་པའི་བྱང་སྣེའི་ཅང་སུའུ་ཤར་ལམ་ཤར་ངོས་ཀྱི་བྱང་ཕྱོགས་ནས་བོད་ལྗོངས་སློབ་ཆེན་གྱི་ནུབ་ལམ་བར་དང་། བོད་ལྗོངས་སློབ་ཆེན་ནུབ་ལམ་ལྷོ་ངོས་ཀྱི་ཤར་ཕྱོགས་ནས་གཙང་རལ་ལྷོ་ལམ་བར། གཙང་རལ་ལྷོ་ལམ་ཤར་ངོས་ཀྱི་བྱང་ཕྱོགས་ནས་རྔ་ཆེན་དཀྱིལ་ལམ་བར། རྔ་ཆེན་དཀྱིལ་ལམ་དང་རྔ་ཆེན་ཤར་ལམ་ལྷོ་ངོས་ཀྱི་ཤར་ཕྱོགས་ནས་རྭ་ཁ་ཆུ་འཁོར་ལམ་བར། རྭ་ཁ་ཆུ་འཁོར་ལམ་ནུབ་ངོས་ཀྱི་ལྷོ་ཕྱོགས་ནས་ཅང་སུའུ་ལམ་ཆེན་བར། ཅང་སུའུ་ལམ་ཆེན་ལྷོ་ལམ་གྱི་ཤར་ཕྱོགས་ནས་སྒང་སྐོར་ལམ་བར། སྒང་སྐོར་ལམ་ནུབ་ལམ་གྱི་ལྷོ་ཕྱོགས་ནས་དར་དམར་ཤར་ལམ་བར། དར་དམར་ཤར་ལམ་ལྷོ་ངོས་ཀྱི་ཤར་ཕྱོགས་ནས་ཤམ་བྷ་ལ་ཧའོ་ཐིང་སྡེ་ཁུལ(ཚུད་པ)བར། ལྷ་ས་སྐྱིད་ཆུའི་བྱང་ངོགས་བར་རྒྱ་ཆེར་བཏང་བ་རེད།

བཞི། ལྷ་ས་གྲོང་ཁྱེར་སློབ་འབྲིང་དང་པོའི་སློབ་གསོ་གྲོང་གི་ཡན་ལག་སློབ་གྲྭར་ལོགས་སུ་སློབ་མ་བསྡུ་ཁོངས་དབྱེ་རྒྱུ། 

སློབ་མ་བསྡུ་ཁོངས་ནི། ཚལ་གུང་ཐང་ཁྲོམ་གཞུང་གི་ཁོངས་གཏོགས་ཁུལ་དང་། རིག་གནས་བསམ་བཀོད་གླིང་། རྔ་ཆེན་ཁྲོམ་གཞུང་གར་པ་གྲོང་ཚོ་བཅས་རེད། 

2023ལོའི་སྟོན་ཀའི་སློབ་དུས་སུ་སློབ་བསྡུའི་ལོ་རིམ་དང་འཛིན་གྲྭའི་གྲངས་འབོར། ལོ་རིམ་བདུན་པར་འཛིན་གྲྭ་བཅུ་བསྡུ་རྒྱུ།  

ལྔ། ཁྲེང་ཀོན་ཆུས་སློབ་ཆུང་དྲུག་པ་ཁྲེང་ཀོན་ཆུས་སློབ་ཆུང་གཉིས་པའི་ཡན་ལག་སློབ་གྲྭར་ལེགས་སྒྲིག་བྱེད་རྒྱུ། 

ཁྲེང་ཀོན་ཆུས་སློབ་ཆུང་དྲུག་པ་ཁྲེང་ཀོན་ཆུས་སློབ་ཆུང་གཉིས་པའི་ཡན་ལག་སློབ་གྲྭར་ལེགས་སྒྲིག་བྱེད་རྒྱུ་དང་། ལྷ་ཞབས་གླིང་ཕྲན་སྡེ་ཁུལ་དང་། འཇག་མ་གླིང་ཁ་སྡེ་ཁུལ། རིག་གནས་བསམ་བཀོད་གླིང་བཅས་ཁྲེང་ཀོན་ཆུས་སློབ་ཆུང་གཉིས་པའི་སློབ་མ་བསྡུ་ཁོངས་ལ་སྣོན་རྒྱུ་རེད། 

གོང་གསལ་གྱི་སློབ་གྲྭ་ལེགས་སྒྲིག་ཁུལ་དེ་2023ལོའི་སྟོན་ཀའི་སློབ་དུས་ནས་བཟུང་ལག་བསྟར་བྱེད་རྒྱུ་རེད། སློབ་མ་བསྡུ་ཁོངས་ལེགས་སྒྲིག་བྱས་མེད་པའི་སློབ་གྲྭ་འབྲིང་ཆུང་གཞན་དེ་སྔའི་སློབ་མ་བསྡུ་ཁོངས་དབྱེ་བའི་ཇུས་གཞི་མུ་མཐུད་ལག་ལེན་བསྟར་ནས་རྗེས་སུ་སློབ་གྲྭའི་ཁྱབ་ཚུལ་དང་། ས་ཁོངས་ཀྱི་མི་འབོར་མང་ཉུང་། སློབ་གནས་མཁོ་སྤྲོད་བསྡོམས་འབོར་བཅས་གཞིར་བཟུང་སློབ་གྲྭ་ཁག་གི་སློབ་བསྡུའི་ས་ཁོངས་རིམ་བཞིན་ལེགས་སྒྲིག་བྱེད་རྒྱུ་དང་ཞིབ་ཕྲའི་ནང་དོན་དེ་དངོས་སུ་ཁྱབ་བསྒྲགས་བྱས་པའི་སྤྱི་བསྒྲགས་ཚད་གཞིར་འཛིན་དགོས། 

※ སྤྱི་བསྒྲགས་འདིའི་འགྲེལ་བཤད་བྱེད་དབང་ལྷ་ས་གྲོང་ཁྱེར་ཁྲེང་ཀོན་ཆུས་སློབ་གསོ་ཅུས་ལ་ཡོད།

ལྷ་ས་གྲོང་ཁྱེར་ཁྲེང་ཀོན་ཆུས་མི་དམངས་སྲིད་གཞུང་། 

2023ལོའི་ཟླ་7ཚེས་29ཉིན།