རང་སྐྱོང་ལྗོངས་རྒྱལ་སྲུང་སྐུལ་སློང་གཞུང་དོན་ཁང་གིས་ལྕགས་པོ་རིའི་བདེ་འཇགས་ཀྱི་མངོན་མེད་རྐྱེན་ངན་བསལ་བ།
ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་ལག་བསྟར་བྱེད་པའི་བརྗོད་དོན་གཙོ་བོའི་སློབ་གསོ་སྤེལ་ཚུན། རང་སྐྱོང་ལྗོངས་རྒྱལ་སྲུང་སྐུལ་སློང་གཞུང་དོན་ཁང་གིས“གཅིག་སྡུད་གསུམ”ནས་བསམ་ཕྱོགས་དོན་གཉེར་དང་། བྱ་ཐབས་འཚོལ་ཞིབ། དོན་འཁྱོལ་ལ་དམ་འཛིན་བཅས་བྱས་ཏེ་ཕྱོགས་ཡོངས་ནས་ལྕགས་པོ་རིའི་མངོན་མེད་རྐྱེན་ངན་གཙང་མར་བསལ་བ་རེད།
ཕྱོགས་ཡོངས་ནས་སྤྱི་འདོམས་བྱས་ཏེ་གོང་འོག་མཉམ་འགུལ་དང་གོམ་སྟབས་གཅིག་གྱུར་ཡོང་བར་བྱས་ཤིང་། དུས་ཡུན་རིང་པོར། ཆར་ཤོད་ཆེ་བའི་རྐྱེན་གྱིས་ལྕགས་པོ་རིའི་ཤར་རི་ནས་རྡོ་ཟགས་པས། ལམ་དེ་ནས་ཕར་འགྲོ་ཚུར་འོང་བྱེད་མཁན་དང་རླངས་འཁོར་ལ་བདེ་འཇགས་ཀྱི་མངོན་མེད་རྐྱེན་ངན་བཟོས་ཡོད། གནད་དོན་དེར་དམིགས་ཏེ་རང་སྐྱོང་ལྗོངས་རྒྱལ་སྲུང་སྐུལ་སློང་གཞུང་དོན་ཁང་ཏང་ཙུའུ་ཡིས་ཚད་མཐོའི་མཐོང་ཆེན་བྱས་ནས་གནད་དོན་དེ་ཐག་གཅོད་བྱེད་པ་དེ་བརྗོད་དོན་གཙོ་བོའི་སློབ་གསོའི་རང་བཤེར་བཅོས་སྒྲིག་གི་གནད་དོན་ལ་བརྩིས་ནས་འཕྲལ་དུ་རི་ནས་ཟགས་པའི་རྡོ་ཧྲུག་བསྒྲུགས་པ་དང་འགོག་སྲུང་དྲ་བ་བརྟན་དུ་བཏང་བ་མ་ཟད། བསམ་བློའི་ངོས་འཛིན་སྔར་བས་གཅིག་གྱུར་དང་བསམ་བློའི་ཐུན་མོང་ངོས་འཛིན་གཅིག་ཏུ་བསྒྲིལ་ནས་གོང་འོག་བསམ་བློ་གཅིག་གྱུར་དང་། གོམ་སྟབས་གཅིག་གྱུར། བྱ་སྤྱོད་གཅིག་གྱུར་བཅས་ཀྱི་ལས་ཀའི་རྣམ་པ་ཞིག་ཆགས་པར་བྱས་ཡོད།
ཕྱོགས་ཡོངས་ནས་དོན་འཁྱོལ་ཡོང་བར་དམིགས་ཏེ་རིགས་པས་ཁུངས་སྐྱེལ་དང་འཕྲལ་མར་ཐག་གཅོད་བྱས་ཤིང་། ཟླ་4ཚེས་20ཉིན། རང་སྐྱོང་ལྗོངས་རྒྱལ་སྲུང་སྐུལ་སློང་གཞུང་དོན་ཁང་རྒྱབ་ཕྱོགས་མཁོ་སྒྲུབ་ཞབས་ཞུ་ལྟེ་གནས་ཀྱིས་ཨར་སྐྲུན་ཚན་པ་དང་མཉམ་དུ་རྩད་ཞིབ་ཚོགས་ཆུང་བཙུགས་ནས་རྡོ་ཟགས་སར་བརྟག་དཔྱད་བྱས་ཏེ་གནས་ཚུལ་ཐག་གཅོད་བྱས་པ་དང་འབྲེལ་ལས་གྲྭའི་གན་རྒྱར་བཟོ་བཅོས་བརྒྱབ་པ་རེད། གནས་ཚུལ་ཤེས་རྟོགས་དང་། གནས་ཚུལ་ཁོང་དུ་ཆུད་པ། ཕྱོགས་ཡོངས་ནས་རིགས་པས་ཁུངས་སྐྱེལ་བཅས་བྱས་པའི་རྨང་གཞིའི་ཐོག་ཨར་ལས་ཚན་པས་འཕྲལ་དུ་ཆེད་ལས་དཔུང་ཁག་བཙུགས་ནས་ལྕགས་པོ་རི་ནས་རྡོ་ཟགས་པའི་གནས་ཚུལ་ཐག་གཅོད་བྱས་པ་མ་ཟད། འགོག་སྲུང་དྲ་བ་སླར་ཡང་བརྟན་དུ་བཏང་ནས་གནས་ཚུལ་མི་ལྷག་པར་བྱས་པ་རེད།
ཕྱོགས་ཡོངས་ནས་འགོག་ཟོན་བྱས་ཏེ་ལས་གྲྭ་ལག་ལེན་དང་བདེ་འཇགས་ཡོང་བར་སྣེ་ཁྲིད་གཏིང་ཟབ་བྱས་ཤིང་། ཨར་ལས་བྱེད་སྐབས་ཆེད་མི་བཀོད་སྒྲིག་བྱས་ནས་ལམ་དེར་ཕར་འགྲོ་ཚུར་འོང་བྱེད་མཁན་དང་རླངས་འཁོར་བདེ་འཇགས་ངང་སྐྱོད་ཐུབ་པར་བྱས་པ་མ་ཟད། བརྗོད་དོན་གཙོ་བོའི་སློབ་གསོ་ལག་བསྟར་བྱེད་པའི་བྱ་སྤྱོད་དངོས་ཨར་སྐྲུན་གྱི་བརྒྱུད་རིམ་ཧྲིལ་པོ་དང་ཕྱོགས་ཁག་ཏུ་དོན་འཁྱོལ་ཏན་ཏིག་བྱས་ནས་བདེ་འཇགས་ཀྱི་མི་མངོན་པའི་རྐྱེན་ངན་བསལ་བ་རེད།