“བོད་རང་སྐྱོང་ལྗོངས་འགྲིམ་འགྲུལ་སྐྱེལ་འདྲེན་ཐིང”གི་གཞུང་ཕྱོགས་དྲ་བའི་ཐོག་གནས་ཚུལ་སྤེལ་བར་གཞིགས་ན། G6ཅིང་བོད་མྱུར་བགྲོད་གཞུང་ལམ་དུ་རླངས་འཁོར་སྔར་བས་ཤར་བགྲོད་ཐུབ་པ་དང་ལམ་དེའི་བདེ་འཇགས་ཀྱི་མངོན་མེད་རྐྱེན་ངན་སེལ་ཆེད། G6མྱུར་བགྲོད་གཞུང་ལམ་གྱི་ནག་ཆུ་ནས་ཡངས་པ་ཅན་བར་གྱི་ལམ་ངོས་ཆེད་མངགས་བཟོ་རྒྱུའི་གཏན་འབེབས་བྱས་པ་རེད། ད་ལྟ་འབྲེལ་ཡོད་དོན་ཚན་ཁྱབ་བསྒྲགས་བྱེད་རྒྱུ་གཤམ་གསལ། 

གཅིག ཨར་ལས་བྱེད་ཁོངས།

ནག་ཆུ་ནས་ཡངས་པ་ཅན་བར་གྱི་ལམ་དུམ་བུ་K3719+010-K3722+750 

གཉིས། ཨར་ལས་དུས་ཡུན།

2023ལོའི་ཟླ་7ཚེས་25ཉིན་གྱི་ཆུ་ཚོད་23:00ནས་ཟླ་8ཚེས་10ཉིན་གྱི་ཆུ་ཚོད་23:00བར། (ཆར་པ་བབས་པ་ལ་སོགས་གནམ་གཤིས་ངན་པ་བསྟན་ཚེ་དུས་ཚོད་ནར་འགྱངས་བྱ་རྒྱུ)

གསུམ། ཨར་ལས་བྱེད་སྟངས།

ད་ཐེངས་ཨར་ལས་བྱེད་སྐབས་ལམ་གྱི་གཞོགས་གཅིག་ཚང་མ་བཀག་སྡོམ་བྱ་རྒྱུ། 

བཞི། བཀག་སྡོམ་བྱེད་ཐབས།

ཨར་ལས་བྱེད་རིང་G6ཅིང་བོད་མྱུར་བགྲོད་གཞུང་ལམ་གྱི་ནག་ཆུ་ནས་ཡངས་པ་ཅན་བར་གྱི་ལམ་དུམ་བུ་K3719+010-K3722+750ལ་རླངས་འཁོར་ཚང་མ་ལམ་བསྒྱུར་ནས་གཏོང་དགོས་པ་དང་མྱུར་ཚད་ཆུ་ཚོད་རེར་སྤྱི་ལེ་40ལས་བརྒལ་ཆོག་གི་མེད།

ལྔ། དོ་སྣང་བྱེད་དགོས་པའི་དོན་ཚན།

གཞུང་ལམ་ཕྱེད་ཀ་བཟུང་ནས་ཨར་ལས་བྱེད་དགོས་པས་རྒྱ་ཆེའི་ཁ་ལོ་བ་ཚོས་ཨར་སྐྲུན་ལམ་དུམ་གྱི་འགྲིམ་འགྲུལ་མཚོན་རྟགས་ཀྱི་ཕྱོགས་སྟོན་ལྟར་བདེ་འཇགས་ངང་འགྲོ་སྐྱོད་བྱེད་དགོས། 

དེ་ལས་རྒྱ་ཆེའི་ཁ་ལོ་བ་དང་འགྲུལ་པ་ཚོར་སྟབས་མི་བདེ་བ་བཟོ་སྲིད་པས་བསམ་ཤེས་དང་རྒྱབ་སྐྱོར་ཡོད་པ་ཞུ།