ཤིན་ཧྭ་གསར་འགྱུར་ཁང་ཟི་ལིང་ནས་ཟླ་7ཚེས་23ཉིན་གློག་འཕྲིན་འབྱོར་གསལ། གོང་ཚེས་ཉིན། 2023ལོའི་ཀྲུང་གོའི་རྨ་ཆུའི“འབྱུང་ཁུངས་འཚོལ་བའི་ཡུལ་སྐོར”གྱི་ལྕགས་མིའི་རྣམ་གྲངས་གསུམ་སྒྲིལ་གྱི་མུ་འབྲེལ་འགྲན་བསྡུར་དང་མཚོ་སྔོན་གཅན་ཚའི་རྒྱལ་སྤྱིའི་ལྕགས་མིའི་རྣམ་གྲངས་གསུམ་སྒྲིལ་གྱི་འགྲན་སློང་འགྲན་བསྡུར་སྐབས་གཉིས་པ་མཚོ་སྔོན་ཞིང་ཆེན་རྨ་ལྷོ་བོད་རིགས་རང་སྐྱོང་ཀྲོའུ་གཅན་ཚ་རྫོང་དུ་གཉེར་ཞིང་། ད་རེས་ཀྱི་འགྲན་བསྡུར་ལ་དབྱིན་ཇི་དང་། ཨོ་སི་ཁྲུ་ལི་ཡ་སོགས་རྒྱལ་ཁབ་དང་ས་ཁུལ་10ཡི་ལུས་རྩལ་པ་226ཞུགས་པ་རེད།

འགྲན་བསྡུར་དྲག་པོ་བྱས་མཐར་ཝུའུ་ཤིས་གྲོང་ཁྱེར་ལྕགས་མིའི་རྣམ་གྲངས་གསུམ་སྒྲིལ་གྱི་ལུས་རྩལ་མཐུན་ཚོགས་ཀྱི་པིན་ཅེ་མིང་ལ་སྐྱེས་པའི་རྩེར་སོན་ཚོགས་ཆུང་གི་ཨང་དང་པོ་ཐོབ་པ་དང་། ཨང་གཉིས་པ་དང་གསུམ་པ་དེ་ཝུའུ་ཤིས་གྲོང་ཁྱེར་ལྕགས་མིའི་རྣམ་གྲངས་གསུམ་སྒྲིལ་གྱི་ལུས་རྩལ་མཐུན་ཚོགས་ཀྱི་ལིང་ཁྲེང་ཏན་དང་། ཅིའུ་ཆོན་གྲོང་ཁྱེར་ལྕགས་མིའི་རྣམ་གྲངས་གསུམ་སྒྲིལ་སྤྲོ་སྐྱིད་ཁང་གི་ཀུའོ་ཅིང་གིས་བླངས་ཤིང་། ཀུའེ་ཀྲོའུ་རྣམ་བཀྲའི་ལྕགས་མིའི་རྣམ་གྲངས་གསུམ་སྒྲིལ་ལུས་རྩལ་སྤྲོ་སྐྱིད་ཁང་གི་ཅང་ཏུང་མེ་ལ་བུད་མེད་ཀྱི་རྩེར་སོན་ཚོགས་ཆུང་གི་ཨང་དང་པོ་རག་པ་དང་། ཞ་མོན་གྲོང་ཁྱེར་ལྕགས་མིའི་རྣམ་གྲངས་གསུམ་སྒྲིལ་ལུས་རྩལ་མཐུན་ཚོགས་ཀྱི་ཆའོ་པེ་པེ་དང་དབྱིན་ཁྲོན་རང་མོས་རྟ་པའི་ལྕགས་མིའི་རྣམ་གྲངས་གསུམ་སྒྲིལ་ལུས་རྩལ་སྤྲོ་སྐྱིད་ཁང་གི་ཧྥུ་ཧྲི་ཆི་ལ་ཨང་གཉིས་པ་དང་གསུམ་པ་ཐོབ་པ་རེད།

2019ལོར“ས་མཐོའི་ལྕགས་མིའི་རྣམ་གྲངས་གསུམ”སྒྲིལ་གྱི་སྤུས་རྟགས་འགྲན་བསྡུར་དེ་གཅན་ཚ་རྫོང་ལ་འགོ་ཚུགས་པ་དང་། རྨ་ཆུ་བརྗོད་དོན་གཙོ་བོར་བྱས་པའི་འགྲན་བསྡུར་ཧུར་ཐག་བཏོད་པ་ནས་ལྕགས་མིའི་རྣམ་གྲངས་གསུམ་སྒྲིལ་གྱི་ཁྱད་ལྡན་སློབ་གྲྭ་མཉམ་དུ་བསྐྲུན་པའི་བར་དང་། ཤན་འབྱེད་པ་གསོ་སྦྱོང་ནས་ལྕགས་མི་ཆུང་ངུའི་དབྱར་སྒར་གཉེར་བའི་བར་ད་ཆ“ས་མཐོའི་ལྕགས་མིའི་རྣམ་གྲངས་གསུམ”སྒྲིལ་གྱི་ནང་དོན་ཟམ་མི་ཆད་པར་ཕུན་སུམ་ཚོགས་སུ་དང་ཤུགས་རྐྱེན་ཡང་རྒྱུན་ཆད་མེད་པར་ཆེ་རུ་ཕྱིན་ཡོད།