ཁྱིམ་བདག་དང་སློབ་མ་ཚོས་ཡིན་གཅིག་ཡིད་གཟབ་གྱིས།

ཟླ་7ཚེས་20ཉིན། སློབ་གསོ་པུའི་སློབ་ཕྱིའི་སློབ་གསོ་གསོ་སྦྱོང་ལྟ་འདོམས་སི་དང་སྤྱི་བདེ་པུའི་ཉེས་དོན་མྱུལ་ཞིབ་ཅུས་ཀྱིས་མཉམ་དུ་སློབ་ཕྱིའི་གསོ་སྦྱོང་གྲོན་དངུལ་ཕྱིར་སློག་ལ་ཁ་གཡར་ནས་གློག་འཕྲིན་དྲ་རྒྱའི་ཁ་བསླུས་རྒྱག་མཁན་ལ་དོགས་ཟོན་བྱེད་དགོས་པའི་ཉེན་བརྡ་བཏང་ནས། རྒྱ་ཆེའི་ཁྱིམ་བདག་དང་སློབ་མ་ཚོར་འཛད་སྤྱོད་པའི་ཁེ་དབང་སྲུང་བའི་འདུ་ཤེས་ཟབ་ཏུ་གཏོང་བའི་དྲན་སྐུལ་བྱས་པ་རེད།

དབྱར་གསེང་རིང་། ཁྲིམས་འགལ་བ་ཁག་གཅིག་གིས་སྲིད་གཞུང་སྡེ་ཚན་གྱི་གཞུང་ཡིག་རྫུན་མ་བཟོས་ནས་ཁྱིམ་བདག་དང་སློབ་མར་QQཨང་གྲངས་སྣོན་པའམ་ཡང་ན་QQཚོགས་པར་ཞུགས་དགོས་པའི་བསླུ་བྲིད་བྱས་ཏེ། སློབ་ཕྱིའི་གསོ་སྦྱོང་གྲོན་དངུལ་ཕྱིར་སློག་པར་ཁ་གཡར་ནས་གློག་འཕྲིན་དྲ་རྒྱའི་ཁ་བསླུས་བརྒྱབ་སྟེ་ཤུགས་རྐྱེན་ངན་པ་དང་གནོད་འཚེ་ཚབས་ཆེན་བཟོ་ཡི་ཡོད་པ་རེད།

སློབ་གསོ་སྲིད་འཛིན་སྡེ་ཚན་དང་སྤྱི་བདེ་ལས་ཁུངས་ཀྱིས་ཉེན་བརྡ་ཐེངས་མང་བཏང་ནས། རྒྱ་ཆེའི་ཁྱིམ་བདག་དང་སློབ་མ་ཚོར་འཛད་སྤྱོད་པའི་ཁེ་དབང་སྲུང་སྐྱོང་བྱེད་པའི་འདུ་ཤེས་ཟབ་ཏུ་གཏོང་དགོས་པའི་དྲན་སྐུལ་བྱས་པ་རེད། 

གསོ་སྦྱོང་གི་གྲོན་དངུལ་སྤྲོད་སྐབས་ཟླ་བ་3མམ་ཡང་ན་ཚོགས་ཡུན་60ལས་བརྒལ་བའི་གྲོན་དངུལ་སྤྲོད་མི་རུང་།

རིག་ཚན་རིགས་ཀྱི་གསོ་སྦྱོང་གྲོན་དངུལ་སྲིད་གཞུང་གིས་གཏན་འཁེལ་བྱས་པའི་རིན་གོང་གི་ཚད་གཞི་ལས་བརྒལ་མི་ཆོག་པ་དང་། རིག་ཚན་རིགས་མིན་པའི་གསོ་སྦྱོང་གི་གྲོན་དངུལ་ཐེངས་གཅིག་ལ་སྒོར་5000ཡི་ཚད་གཞི་ལས་བརྒལ་མི་ཆོག

དེ་དང་ཆབས་ཅིག་གྲོན་དངུལ་སྤྲོད་སྐབས་དོ་སྣང་བྱེད་དགོས་པར། གཞུང་ཕྱོགས་ཀྱི་ཐབས་ལམ་བརྒྱུད“སློབ་ཕྱིའི་གསོ་སྦྱོང་ཁྱིམ་བདག་དུས་སྣེའི”APP(ཁ་པར་གྱི་བཀོལ་སྤྱོད་ཚོང་ཁང་ཁག་ནས་འབེབས་ཆོག)ནས་སློབ་ཚན་འདེམས་པ་དང་། སློབ་ཚན་ཉོ་བ། ཚོགས་དུས་ཐིམ་རིགས་སུབ་པ། ཞུ་གཏུག་རྒྱག་པ་བཅས་བྱས་ཚེ་ཁྱེད་ཀྱི་ཁྲིམས་མཐུན་ཁེ་དབང་དེ་བས་ལེགས་པོ་སྲུང་ཐུབ།

རྒྱུན་གཏན་གྱི་གྲོན་དངུལ་ཕྱིར་སློག་པའི་གོ་རིམ་སྤྱིར་ན་རང་གིས་གྲོན་དངུལ་ཇི་ལྟར་སྤྲད་པ་དེ་ལྟར་མི་སྒེར་གྱི་གྲོན་དངུལ་འཇལ་བའི་རྩིས་ཁྲར་སློག་གི་ཡོད། གྲོན་དངུལ་ཕྱིར་སློག་སྐབས་ཚོང་ཟོག་ཉོ་བའམ་ཡང་ན་གྲོན་དངུལ་སྤྲོད་པའི་ཆ་རྐྱེན་ཐོལ་པ་བཏོན་རིགས་ཚང་མ་ཁ་བསླུས་རྒྱག་ཐབས་ཤིག་རེད། 

གལ་ཏེ་དོགས་གནད་ཡོད་ཚེ་དུས་ཐོག་ཏུ་110དང་ཡང་ན་འབྲེལ་ཡོད་གསོ་སྦྱོང་སྒྲིག་གཞིའི་གཙོ་གཉེར་སྡེ་ཚན་ལ་ཁ་པར་བརྒྱབ་ནས་རོགས་སྐྱོར་རེ་འདུན་ཞུ་ཆོག