འདི་ནི་པུ་རུན་ཏིའི་དཔལ་འབྱོར་རྒྱལ་ས་པུ་ཅུམ་པུ་རུར་གནས་པའི་ཁཱ་མོང་ཀའེ་ལག་ཤེས་བཟོ་ལས་གསོ་སྦྱོང་ལྟེ་གནས་སུ་སློབ་གཉེར་བ་ཚོས་གསོ་སྦྱོང་ཁང་དུ་སྨྱུག་བསླས་ཐོན་རྫས་སླ་སྟངས་སྦྱོང་བཞིན་པ།

ཨ་ཧྥེ་རི་ཁ་ཤར་མའི་རྒྱལ་ཁབ་པུ་རུན་ཏིའི་དཔལ་འབྱོར་རྒྱལ་ས་པུ་ཅུམ་པུ་རུ་གྲོང་ཁྱེར་ནུབ་བྱང་རྒྱུད་ཀྱི་སྦ་སྨྱུག་ལག་ཤེས་ཐོན་རྫས་དང་ཁྱིམ་ཆས་ཚོང་ཁང་མང་པོ་ཞིག་ཏུ་གྲོང་མི་ཚོའི་ཡིད་དབང་བཀུག་ཡོད།

ཨེན་ཏ་དབྱི་ཧྲི་སྨི་ཡེ·སའེ་ལའེ་མཱ་ཉིས་སྤོབས་པ་ཆེན་པོས་གསར་འགོད་པར་རང་ཉིད་2002ལོ་ནས་2004ལོའི་བར་ཀྲུང་གོའི་ལག་རྩལ་རོགས་སྐྱོར་རྣམ་གྲངས་ཏེ། ཁཱ་མོང་ཀའེ་ལག་ཤེས་བཟོ་ལས་གསོ་སྦྱོང་ལྟེ་གནས་ཀྱི་གཞོན་ནུའི་གསོ་སྦྱོང་ནང་ཞུགས་ནས་སློབ་མཐར་ཕྱིན་རྗེས་ལས་གཏོད་བྱས་པས་འཚོ་བར་འགྱུར་ལྡོག་ཧ་ཅང་ཆེན་པོ་ཕྱིན་སོང་ཞེས་བཤད།

“ངས་ཁང་པ་གསར་པ་བརྒྱབ་པ་མ་ཟད། མནའ་མ་བསུས་ནས་ཕྲུ་གུ་ཡང་སྐྱེས་ཡོད། ད་ཆ་ནང་མི་གསོ་ཐུབ་པ་མ་ཟད། ད་དུང་གྲོང་མི་མང་པོ་ལས་ཀར་འཇུག་ཐུབ་ཀྱི་འདུག”ཅེས་སའེ་ལའེ་མཱ་ཉིས་གསར་འགོད་པར་བཤད་ཅིང་། ཁོང་གིས་ང་དང་བཟའ་ཟླ་གཉིས་གསོ་སྦྱོང་འཛིན་གྲྭར་ཞུགས་སྐབས་ངོ་ཤེས་ནས་ཁྱིམ་ཐབ་བཟུང་བ་ཡིན། མིག་སྔར་ངར་ཟླ་རེར་ཡོང་འབབ་པུ་རུན་ཏིའི་སྒོར་མོ་ཁྲི་200(ཨ་སྒོར་ལ་ཕབ་ན་ཨ་སྒོར་700ཙམ་ཡིན་པ)ཟིན་པ་དང་འབྲེལ་ས་གནས་དེ་ག་ནས་བཟོ་པ་10གླས་ཡོད།

ཤེས་རྟོགས་བྱུང་བར་གཞིགས་ན། 1985ལོ་ནས་བཟུང་ཀྲུང་གོས་ལག་རྩལ་རིགས་གཅིག་མཁས་ཅན་ཚོགས་ཆུང་པུ་རུན་ཏིར་མངགས་པ་དང་ལོ་གཉིས་རེར་ལག་རྩལ་གསོ་སྦྱོང་ཐེངས་རེ་བྱེད་ཀྱི་ཡོད། རྣམ་གྲངས་དེས་ལག་ཤེས་བཟོ་ལས་ཀྱི་ལག་རྩལ་རྐང་འཛིན་པ་600ཙམ་གསོ་སྐྱོང་བྱས་ཡོད།

རྣམ་གྲངས་ཚོགས་ཆུང་གི་ཙུའུ་ཀྲང་ཧོང་ཏུང་གིས་ཀྲུང་གོས་སྐྲུན་རོགས་བྱས་པའི་གསོ་སྦྱོང་ལྟེ་གནས་ཀྱི་རྒྱ་ཁྱོན་ལ་སྨི་ངོས་གྲུ་7000ལྷག་ཙམ་དང་སྐྲུན་དངོས་ཀྱི་རྒྱ་ཁྱོན་ལ་སྨི་ངོས་གྲུ་2000ཙམ་ཟིན་པའི་ནང་ཆེད་ལས་གསོ་སྦྱོང་སློབ་ཁང་དང་། ཐོན་སྐྱེད་འཁོར་ཁང་། ཐོན་རྫས་འགྲེམས་སྟོན་ཚོམས་ཆེན་སོགས་སྣ་ཚོགས་ཚུད་ཡོད།

གསོ་སྦྱོང་ལྟེ་གནས་དེའི་ཀྲུའུ་རེན་ཨེན་ཏུའུ་ཝ་གཡོད·ལུའོ་ལང་སིས་གསར་འགོད་པའི་བཅར་འདྲི་དང་ལེན་བྱེད་སྐབས། “ཀྲུང་གོས་པུ་རུན་ཏིར་རྩལ་ནུས་གསོ་སྦྱོང་བྱས་པར་ཐུགས་རྗེ་ཆེ་ཞུ་གི་ཡིན། ཀྲུང་གོའི་ལག་རྩལ་རིགས་གཅིག་མཁས་ཅན་གྱིས་གསོ་སྦྱོང་བྱས་པ་བརྒྱུད་འདི་གའི་ན་གཞོན་ཚོར་གོ་སྐབས་དེ་བས་མང་བ་ཐོབ་ནས་ཁོང་ཚོ་འཚོ་བ་སྐྱིད་པོ་སྐྱེལ་རྒྱུ་བྱུང་ཡོད”ཅེས་བཤད།

མི་རིང་བའི་གོང་གི་དུས་ཐེངས་14པའི་སློབ་མའི་སློབ་ཐོན་མཛད་སྒོའི་ཐོག་ས་གནས་དེ་གའི་སློབ་གསོའི་དཔོན་རིགས་སེར་རི·ཨེན་ཏེ་ལེ་དབྱི་མཱ་ནཱ་ཡིས་པུའུ་རུན་ཏི་སྲིད་གཞུང་གི་ཚབ་ཞུས་ནས་ཀྲུང་གོའི་རིགས་གཅིག་མཁས་ཅན་ལ་སྙིང་དབུས་ནས་ཐུགས་རྗེ་ཆེ་ཞུས་པ་རེད། ཁོང་གིས་རྣམ་གྲངས་དེས་ལག་རྩལ་གསོ་སྦྱོང་ཐད་འགག་རྩའི་ནུས་པ་བཏོན་པ་མ་ཟད། པུ་རུན་ཏིར་མངོན་མེད་སྟོབས་ཤུགས་དང་འཕེལ་རྒྱས་ཀྱི་བར་མཐོངས་ཡོད་པའི་ལག་ཤེས་བཟོ་ལས་སྐྱེད་སྲིང་ཐུབ་ཡོད་ལ། པུ་ཀྲུང་རྒྱལ་ཁབ་གཉིས་པོའི་མཛའ་གྲོགས་འབྲེལ་བ་ཡང་སྔར་བས་བརྟན་དུ་ཕྱིན་ཡོད་ཅེས་བཤད།

འདི་ནི་པུ་རུན་ཏིའི་དཔལ་འབྱོར་རྒྱལ་ས་པུ་ཅུམ་པུ་རུར་གནས་པའི་ཁཱ་མོང་ཀའེ་ལག་ཤེས་བཟོ་ལས་གསོ་སྦྱོང་ལྟེ་གནས་སུ་སློབ་གཉེར་བས་ཐོན་སྐྱེད་འཁོར་ཁང་དུ་སྦ་སྨྱུག་ཐོན་རྫས་སླ་བཞིན་པ།

འདི་ནི་པུ་རུན་ཏིའི་དཔལ་འབྱོར་རྒྱལ་ས་པུ་ཅུམ་པུ་རུར་གནས་པའི་ཁཱ་མོང་ཀའེ་ལག་ཤེས་བཟོ་ལས་གསོ་སྦྱོང་ལྟེ་གནས་སུ་སློབ་གཉེར་བས་ཐོན་སྐྱེད་འཁོར་ཁང་ནང་སྨྱུག་མའི་ཁྱིམ་ཆས་བཟོ་བཞིན་པ།

འདི་ནི་པུ་རུན་ཏིའི་དཔལ་འབྱོར་རྒྱལ་ས་པུ་ཅུམ་པུ་རུར་གནས་པའི་ཁཱ་མོང་ཀའེ་ལག་ཤེས་བཟོ་ལས་གསོ་སྦྱོང་ལྟེ་གནས་ནས་པར་བླངས་པའི་ཐོན་རྫས་འགྲེམས་སྟོན་ཚོམས་ཆེན་ཡིན་པ།

འདི་ནི་པུ་རུན་ཏིའི་དཔལ་འབྱོར་རྒྱལ་ས་པུ་ཅུམ་པུ་རུར་གནས་པའི་ཁཱ་མོང་ཀའེ་ལག་ཤེས་བཟོ་ལས་གསོ་སྦྱོང་ལྟེ་གནས་ཀྱི་སློབ་གཉེར་བས་ཐོན་སྐྱེད་འཁོར་ཁང་དུ་སྦ་སྨྱུག་ཐོན་རྫས་སླ་བཞིན་པ།